ကိုရီးယားခေါင်းဆောင်နှစ်ဦး ရုတ်တရက် တွေ့ဆုံ

မေ ၂၆၊ ၂၀၁၈
M-Media

– မြောက်ကိုရီးယားခေါင်းဆောင် ကင်ဂျုံအွန်နဲ့ တောင်ကိုရီးယားသမ္မတ မွန်ဂျယ်အင်တို့ဟာ ဒီကနေ့မှာ ရုတ်တရက်တွေ့ဆုံခဲ့ပြီး အမေရိကန်နဲ့ မြောက်ကိုရီးယားအကြား စီစဉ်ထားတဲ့ ထိပ်သီးအစည်းအဝေး အောင်မြင်ရေး ဆွေးနွေးခဲ့ကြတယ်လို့ တောင်ကိုရီးယားအာဏာပိုင်တွေက ပြောကြားလိုက်ပါတယ်။

နှစ်နိုင်ငံနယ်စပ် စစ်မဲ့ဇုန်မှာရှိတဲ့ ပန်မွန်ဂျွန်းရွာမှာ တွေ့ဆုံခဲ့တာဖြစ်ပြီး တစ်လအတွင်း ခေါင်းဆောင်နှစ်ဦးရဲ့ ဒုတိယအကြိမ်မြောက် တွေ့ဆုံမှုလည်း ဖြစ်ပါတယ်။

တောင်ကိုရီးယားသမ္မတရုံးက ထုတ်ပြန်တဲ့ကြေငြာချက်မှာ ကင်နဲ့ မွန်တို့ဟာ ပြီးခဲ့တဲ့လ တွေ့ဆုံမှုတွင်း ထုတ်ပြန်ခဲ့တဲ့ ကြေငြာချက် အကောင်အထည်ဖော်ရေး၊ အမေရိကန်-မြောက်ကိုရီးယား ထိပ်သီးအစည်းအဝေး ဖြစ်မြောက်ရေး ဆွေးနွေးခဲ့ကြတယ်လို့ ဖော်ပြထားပါတယ်။

ဆွေးနွေးမှုအသေးစိတ်ကို တနင်္ဂနွေနေ့မနက်ပိုင်းမှာ ထုတ်ပြန်မှာဖြစ်ပါတယ်။

အမေရိကန်သမ္မတ ဒေါ်နယ်ထရမ့်က ဇွန်လ ၁၂ ရက်နေ့ မြောက်ကိုရီးယားခေါင်းဆောင် ကင်ဂျုံအန်နဲ့ တွေ့ဆုံဖို့ စီစဉ်ထားမှုကို ဖျက်သိမ်းတယ်လို့ ကြာသာပတေးနေ့မှာ ကြေငြာခဲ့ပါတယ်။

မြောက်ကိုရီးယားက ထိပ်သီးအစည်းအဝေးအတွက် တံခါးဖွင့်ထားဆဲဖြစ်တယ်လို့ တုန်ပြန်ခဲ့ပြီးတဲ့နောက် အမေရိကန်က တွေ့ဆုံမှုပြန်ဖြစ်ရေး ဆွေးနွေးမှုတွေ ပြလုပ်နေပါတယ်။

Politico မဂ္ဂဇင်းက အိမ်ဖြူတော်နဲ့ အမေရိကန်အစိုးရ တာဝန်ရှိသူ ၃၀ လောက်ပါဝင်တဲ့ ရှေ့ပြေးအဖွဲ့တစ်ခုဟာ အခုသီတင်းပတ်နှောင်းပိုင်းမှာ စင်ကာပူကို သွားဖို့ရှိနေတယ်လို့ ဖော်ပြခဲ့ပါတယ်။

Ref: CNA