အင်္ဂလန်မှဗလီတစ်လုံး ဇကားသ်အလှူကို Bitcion ဖြင့် လက်ခံမည်

မေ ၂၈၊ ၂၀၁၈
M-Media

– ယူကေ ဗလီဝတ်ကျောင်းတော်တစ်လုံးဟာ ဇကားသ်အလှူကို ဒစ်ဂျစ်တယ်ငွေကြေးတွေနဲ့ လက်ခံသွားမယ်လို့ ကြငြာလိုက်ပြီး ကမ္ဘာ့ပထမဆုံး ဒစ်ဂျစ်တယ်ငွေကြေးအသုံးပြု ဇကားသ်ကောက်ခံမှု ဖြစ်လာမှာ ဖြစ်ပါတယ်။

အစ္စလာမ်သာသနာက သတ်မှတ်ထားတဲ့ ပိုင်ဆိုင်မှုမျိုး ရှိလာပြီဆိုရင် အစ္စလာမ်ဘာသာဝင်တွေဟာ အဲဒီပမာဏထဲက ၂.၅ ရာခိုင်နှုန်းကို ချို့တဲ့သူတွေအတွက် နှစ်စဉ် လှူဒါန်းရပြီး ဒါကို အာရဘီဘာသာစကားနဲ့ ဇကားသ်လို့ ခေါ်ပါတယ်။

ဇကားသ်ကို များသောအားဖြင့် ရမ်ဇာန်ဥပုသ်လမှာ လှူဒါန်းကြပြီး တစ်ကိုယ်ရေ လှူဒါန်းတာမျိုး ရှိသလို ဗလီတွေ၊ အစ္စလာမ့်အသင်းအဖွဲ့တွေက ကောက်ခံပြီး လှူဒါန်းပေးတာမျိုးလည်း ရှိပါတယ်။ တစ်ချို့နိုင်ငံတွေမှာတော့ အစိုးရကိုယ်တိုင်က ဇကားသ်ကောက်ခံလှူဒါန်းဖို့ စီစဉ်ပေးတာတွေ ရှိပါတယ်။

ဇကားသ်ကို ပုံမှန်အားဖြင့် ငွေသား၊ ဘဏ်အကောင့် ဒါမှမဟုတ် ချက်လက်မှတ်တွေနဲ့ပေးတာမျိုး ဖြစ်ပေမယ့် လန်ဒန်အရှေ့ပိုင်း ဟက္ကနီမြို့က ‘ရမ်ဒါန်’ ဗလီဝတ်ကျောင်းတော်ဟာ ပထမဆုံးအကြိမ်အဖြစ် ဒစ်ဂျစ်တယ်ငွေကြေးတွေဖြစ်တဲ့ Bitcoin၊ Ethereum တို့နဲ့ လက်ခံသွားမယ်လို့ ကြေငြာခဲ့ပါတယ်။

“ကျွန်တော်တို့ကို ပံ့ပိုးပေးဖို့ လိုအပ်နေတယ်ဆိုတာ မွတ်စလင်ကမ္ဘာက အာရုံစိုက်လာဖို့ မျှော်လင့်ပါတယ်။ ကျွန်တော် ဒီပတ်ဝန်းကျင်မှာ မွေးဖွားကြီးပြင်းခဲ့ပြီး၊ လူ့အဖွဲ့အစည်း ဖွံ့ဖြိုးလာတာကို တွေ့မြင်ရသလို၊ နေစရာအိမ်၊ စားစရာ၊ အသုဘစားရိတ်၊ အစိုးရအပြောင်းအလဲ စတဲ့ စိန်ခေါ်မှုတွေကိုလည်း မြင်တွေ့ခဲ့ရပါတယ်” လို့ ဗလီဝတ်ကျောင်းတော်ရဲ့ ဂေါပကဥက္ကဌ အာရ်ကင် ဂူနီက ပြောကြားခဲ့ပါတယ်။

ဂေါပကအဖွဲ့ဟာ ဒစ်ဂျစ်တယ်ငွေကြေးတွေကနေတစ်ဆင့် ဇကားသ်ဒါနကြေး ပေါင်တစ်သောင်းလောက်ရမယ်လို့ မျှော်လင့်နေပြီး ပြုပြင်ဖို့ အလျင်အမြန် လိုအပ်နေတဲ့ ဗလီဝတ်ကျောင်းတော်အတွက် သုံးစွဲသွားမှာ ဖြစ်ပါတယ်။

မွတ်စလင်ကမ္ဘာမှာ ဒစ်ဂျစ်တယ်ငွေကြေးလုပ်ငန်းဟာ တွင်ကျယ်နေတာကြောင့် အခုလို စီစဉ်ပေးခြင်းအားဖြင့် အလှူငွေ ပိုမိုရလိမ့်မယ်လို့ မျှော်လင့်ကြောင်းလည်း ဂေါပကဥက္ကဌက ထည့်သွင်းပြောဆိုခဲ့ပါတယ်။

ဇာကားသ်ကို ဗလီဝတ်ကျောင်းတော်ရဲ့ ၀ဘ်ဆိုက်က QR ကုဒ်ကို စကန်ဖတ်ကာ လှူဒန်းနိုင်မှာဖြစ်ပါတယ်။

Ref: Alarabiya