ရီးယဲလ်မှ ထွက်ခွာတော့မည်ဟု နည်းပြဇီဒိန်း ကြေငြာ

မေ ၃၁၊ ၂၀၁၈
M-Media

– ရီးယဲလ်မက်ဒရစ်အသင်းကနေ ထွက်ခွာတော့မယ်လို့ နည်းပြဇီဒိန်းက ဒီကနေ့မှာ ကြေငြာလိုက်ပြီး အသင်းဟာ ‘အပြောင်းအလဲတစ်ခု’ ကို လိုအပ်နေပြီလို့ ပြောကြားခဲ့ပါတယ်။

၂၀၁၆ ခုနှစ် ဇန်န၀ါရီလက အသင်းကို စတင်ကိုင်တွယ်ခဲ့တဲ့ ဇီဒိန်းဟာ ၃ နှစ်တာကာလအတွင်း ချန်ပီယံလိဂ် ၃ ကြိမ်ဆက် ချန်ပီယံနဲ့ လာလီဂါဖလား တစ်ကြိမ်ရရှိအောင် စွမ်းဆောင်ပေးနိုင်ခဲ့ပါတယ်။

ဇီဒိန်းက အရာအားလုံးဟာ ပြောင်းလဲနေတဲ့အတွက် ဒီလိုဆုံးဖြတ်ချက်မျိုး ချရတာဖြစ်တယ်လို့ သတင်းစာရှင်းလင်းပွဲမှာ ပြောကြားခဲ့ပါတယ်။

“အသင်းကို ကျွန်တော်ချစ်တယ်။ အသင်းဟာ ဆက်လက်အောင်ပွဲခံဖို့ လိုအပ်တယ်လို့ ကျွန်တော် တွေးရမှာဖြစ်ပေမယ့်၊ အပြောင်းအလဲတစ်ခု၊ မတူညီတဲ့ အသံတစ်ခု၊ နည်းသစ်လမ်းသစ်တစ်ခု လိုအပ်နေတယ်လို့ ကျွန်တော်ထင်ပါတယ်။ ဒါဟာ ကျွန်တော့်အတွက်၊ အသင်းသားတွေအတွက်၊ အသင်းအတွက် သင့်လျော်တဲ့အချိန်ပါပဲ”

ဇီဒိန်းရဲ့လက်ထက်မှာ ရီးယဲလ်ဟာ ၁၀၄ ပွဲနိုင် ၂၉ ပွဲသရေကျခဲ့ပြီး အနိုင်ရမှုရာခိုင်နှုန်း ၆၉.၈ ရှိခဲ့ကာ ဖလား ၉ လုံး ရယူပေးနိုင်ပါတယ်။

ဒါပေမယ့် ၂၀၁၇-၁၈ ဘောလုံးရာသီ လာလီဂါမှာ ရီးယဲလ်ဟာ တတိယနေရာနဲ့ ရာသီသိမ်းခဲ့ပြီး ချန်ပီယံဖြစ်ခဲ့တဲ့ ပြိုင်ဘက် ဘာစီလိုနာနဲ့ ၁၇ မှတ် ကွာဟခဲ့ပါတယ်။

ဖေဖော်ဝါရီလအတွင်းမှာ ဇီဒိန်းက သူ့အနေနဲ့ အသင်းအပေါ် ထပ်ပြီး မပေးဆပ်နိုင်တော့ဘူးလို့ ခံစားရရင် အသင်းကနေထွက်မယ်လို့ ပြောကြားဖူးပါတယ်။

ဒါပေမယ့် ချန်ပီယံလိဂ်ဖလား ရရှိပြီး ရက်ပိုင်းကြာမှာ နှုတ်ထွက်ကြောင်း ကြေငြာမှုဟာ ဘောလုံးလောကအတွက် အံ့အားသင့်စရာ ဖြစ်ခဲ့ပါတယ်။

Ref: BBC