ဂါဇာတွင် အစ္စရေး၏လုပ်ရပ် စစ်ရာဇ၀တ်မှုမြောက်နိုင်ဟု HRW ပြော

ဇွန် ၁၄၊ ၂၀၁၈
M-Media

– ဂါဇာကမ်းမြှောင်မှာ ဆန္ဒပြတဲ့ ပါလက်စတိုင်းတွေအပေါ် အစ္စရေးက အသက်သေစေလိုတဲ့သဘောနဲ့ နှိမ်နှင်းတာဟာ စစ်ရာဇ၀တ်မှုမြောက်နိုင်တယ်လို့ လူ့အခွင့်အရေးစောင့်ကြည့်အဖွဲ့ HRW က မနေ့မှာ ပြောကြားလိုက်ပါတယ်။

ကုလ လုံခြုံရေးကောင်စီက အစ္စရေးရဲ့ အဲဒီလုပ်ရပ်တွေကို ရှုတ်ချပြီး၊ ပါလက်စတိုင်းပြည်သူတွေကို ကာကွယ်ပေးရေး တိုက်တွန်းတဲ့ အဆိုတစ်ခုကို မဲခွဲဖို့ရှိနေတဲ့အချိန် HRW ရဲ့ ဒီပြောကြားမှု ထွက်ပေါ်လာတာ ဖြစ်ပါတယ်။

HRW က အစ္စရေးတပ်ဖွဲ့တွေဟာ သူတို့အပေါ် အသက်အန္တရာယ်ခြိမ်းခြောက်ခြင်းမရှိတဲ့ ပါလက်စတိုင်း ဆန္ဒပြသူတွေအပေါ် ‘သေစေလိုတဲ့သဘော’ နဲ့ ကျည်အစစ်တွေ အသုံးပြုခဲ့တယ်လို့ ဆိုပါတယ်။

“အသက်အန္တရာယ် ခြိမ်းခြောက်ခြင်းမရှိတဲ့သူတွေအပေါ် အစ္စရေးက အသက်သေစေနိုင်လောက်တဲ့ အင်အားကို အသုံးပြုတာကြောင့် သေဆုံးမှု၊ ထိခိုက်ဒဏ်ရာရမှု ပမာဏဟာ တော်တော်လေးကို မြင့်မားခဲ့ပါတယ်။ အစ္စရေးက ဟန်ပြ စုံစမ်းစစ်ဆေးမှုလုပ်တာ၊ အမေရိကန်က လုံခြုံရေးကောင်စီမှာ ဗီတိုသုံးပြီး နိုင်ငံတကာအသိုင်းအ၀ိုင်းရဲ့ တာဝန်ဝတ္တရားကို တားဆီးတာ စတဲ့ နည်းလမ်းအဟောင်းတွေကို နိုင်ငံတကာအသိုင်းအ၀ိုင်းက ချိုးဖျက်ဖို့လိုပြီး ပါလက်စတိုင်းတွေရဲ့ အသက်တွေအပေါ် ဒီလိုအလေးမထားတာကို ထိထိရောက်ရောက် ဆောင်ရွက်ရပါမယ်” လို့ HRW ရဲ့ အရှေ့အလယ်ပိုင်းဆိုင်ရာ ဒါရိုက်တာ ဆာရာ လီယာ ၀စ်စတန်က ပြောကြားခဲ့ပါတယ်။

၁၉၄၈ ခုနှစ် အစ္စရေးက ပါလက်စတိုင်းပိုင်နက်တွေကို သိမ်းပိုက်မှုအတွင်း ထွက်ပြေးခဲ့ရတဲ့ ပါလက်စတိုင်းမျိုးဆက်တွေ နေရပ်ပြန်နိုင်ရေး မတ်လ ၃၀ ရက်နေ့က စတင်ပြီး ဂါဇာမှာ ဆန္ဒပြမှုတွေ ပြုလုပ်ခဲ့တာပါ။ အဲဒီဆန္ဒပြမှုအတွင်း အစ္စရေးရဲ့ပစ်ခတ်မှုကြောင့် ပါလက်စတိုင်းပြည်သူ ၁၂၄ ဦး သေဆုံးခဲ့ပြီး ၃၈၀၀ ကျော်
ဒဏ်ရာရရှိခဲ့ပါတယ်။

ဒဏ်ရာရသူတွေထဲက အနည်းဆုံး ၄၀ လောက်ဟာ ရရှိတဲ့ ဒဏ်ရာတွေကြောင့် ခြေတွေလက်တွေ ဖြတ်ပစ်ခဲ့ရတယ်လို့ HRW က ပြောပါတယ်။

အစ္စရေးကတော့ သူတို့တပ်ဖွဲ့တွေဟာ ကိုယ့်ကိုယ်ကို ကာကွယ်တာသာဖြစ်ပြီး ဆန္ဒပြသူတွေက နယ်စပ်ခြံစည်းရိုး ဖောက်ဝင်လာတာကို တားဆီးဖို့အတွက် ဥပဒေအတိုင်း ဆောင်ရွက်ခဲ့တယ်လို့ ဆိုပါတယ်။

အစ္စရေးရဲ့မဟာမိတ် အမေရိကန်ဟာ ဇွန်လ ၂ ရက်နေ့ ကုလမှာ မဲခွဲခဲ့တဲ့ ပါလက်စတိုင်းတွေကို ကာကွယ်ပေးရေး ဆုံးဖြတ်ချက်ကို ဗီတိုသုံးပြီး ပယ်ချခဲ့ပါတယ်။

ကုလဆိုင်ရာ အမေရိကန်သံအမတ် နစ်ကီဟာလေးက ကူဝိတ်ကတင်သွင်းတဲ့ အဲဒီဆုံးဖြတ်ချက်ဟာ တစ်ဖက်သတ်ဖြစ်နေတယ်လို့ ပြောကြားခဲ့ပြီး ပါလက်စတိုင်းတွေ ထိခိုက်ခံစားရတာဟာ ဟားမက်စ်အဖွဲ့ကြောင့်ဖြစ်တယ်လို့ အပြစ်တင်ခဲ့ပါတယ်။

အစ္စရေးရဲ့ စနစ်တကျပြုလုပ်နေတဲ့ ရာဇ၀တ်မှုတွေကို စုံစမ်းစစ်ဆေးရေး နိုင်ငံတကာရာဇ၀တ်ခုံရုံးကို ပါလက်စတိုင်းအစိုးရက မေလမှာ တောင်းဆိုခဲ့ပါတယ်။

Ref: Aljazeera