မလေးဝန်ကြီးချုပ်ဟောင်းထံမှ သိမ်းဆည်းရမိမှု ကန်ဒေါ်လာ သန်း ၂၇၀ ဖိုးခန့်ရှိ

ဇွန် ၂၇၊ ၂၀၁၈
M-Media

သတင်းစာရှင်းလင်းပွဲတွင် တွေ့ရသည့် ရဲချုပ်ဆင်း

– ၀န်ကြီးချုပ်ဟောင်း နာဂျစ်ရာဇတ်နဲ့ ပတ်သက်တဲ့ အဆောက်အဦးတွေကနေ သိမ်းဆည်းရမိတဲ့ ငွေသားနဲ့ ပစ္စည်းတွေရဲ့ စုစုပေါင်းတန်ဖိုးဟာ ရင်းဂစ် ၁.၁ ဘီလီယံဖိုး (ကန်ဒေါ်လာ သန်း ၂၇၀ ဖိုး) ရှိတယ်လို့ မလေးရှားရဲတပ်ဖွဲ့က ဒီကနေ့မှာ ထုတ်ပြန်လိုက်ပါတယ်။

နိုင်ငံပိုင်လုပ်ငန်းတစ်ခုဖြစ်တဲ့ 1MDB ကနေ ငွေကြေးပျောက်ဆုံးမှုကို စုံစမ်းစစ်ဆေးမှု တစ်စိတ်တစ်ပိုင်းအဖြစ် မလေးရှားရဲတပ်ဖွဲ့ဟာ ပြီးခဲ့တဲ့ သီတင်းပတ်တွေအတွင်း ၀န်ကြီးချုပ်ဟောင်း နာဂျစ်ရာဇတ်နဲ့ ဆက်နွယ်နေတဲ့ အဆောက်အဦး ၆ ခုကို ၀င်ရောက် ရှာဖွေခဲ့တာ ဖြစ်ပါတယ်။

ဝန်ကြီးချုပ်အဖြစ် တာဝန်ထမ်းဆောင်စဉ် နာဂျစ်ရဲ့ တရားဝင်လစာဟာ ၂၂၈၂၇ ရင်းဂစ်(အမေရိကန်ဒေါ်လာ ၅၆၇၀) ဖြစ်ပါတယ်။

မလေးရှားရဲတပ်ဖွဲ့ရဲ့ စီးပွားရေးရာဇ၀တ်မှုဆိုင်ရာ စုံစမ်းစစ်ဆေးရေးဌာန အကြီးအကဲ အေမာရ်ဆင်းက အဆောက်အဦး ၆ ခုကနေ သိမ်းဆည်းရမိခဲ့တဲ့ ငွေသားတန်ဖိုးဟာ စုစုပေါင်း ရင်းဂစ် ၁၁၆ သန်းရှိပြီး၊ ပစ္စည်းတွေရဲ့ အကြမ်းဖျင်း တန်ဖိုးက ၄၄၂ သန်းရှိတယ်လို့ ဆိုပါတယ်။ ပစ္စည်းတွေရဲ့ ပြင်ပပေါက်ဈေးကတော့ ရင်းဂစ် သန်း ၆၆၀ ကနေ သန်း ၈၈၀ အထိ ရှိပါတယ်။

ငွေသားတွေမှာ ငွေကြးပေါင်း ၂၆ မျိုး ပါဝင်ပြီး မလေးရှားဗဟိုဘဏ်က အရာရှိ ၂၂ ဦး၊ ငွေရေတွက်စက် ၆ ခုတို့ကို အသုံးပြုကာ ရက်နဲ့ချီ ရေတွက်ခဲ့ရပါတယ်။

ရှာဖွေခဲ့တဲ့နေရာတွေဟာ ၀န်ကြီးချုပ်အိမ်တော်နဲ့ ပူထရာဂျာယာက ၀န်ကြီးချုပ်ရုံး၊ ကွာလာလမ်ပူက အထက်တန်းလွှာ ဈေးဝင်စင်တာ Pavilion မှာရှိတဲ့ အခန်း ၃ ခု၊ ဂျလန် ဘန်ဂက် ဒူတာက နာဂျစ်ရဲ့ ကိုယ်ပိုင်နေအိမ်တွေ ဖြစ်ပါတယ်။

Pavilion မှာ တန်ဖိုးကြီး ပိုက်ဆံအိတ်တွေ၊ စားပွဲတွေကို တွေ့ခဲ့တဲ့ အခန်းဟာ အခန်းလွတ်ပြီးဖြစ်ပြီး ဘာမှ ပြင်ဆင်ထားတာမရှိဘူးလို့ ဆင်းက ပြောပါတယ်။

ရှာဖွေမှုအတွင်း လည်ဆွဲ အခု ၁၄၀၀၊ လက်စွပ် အကွင်း ၂၂၀၀၊ နားကပ်အရံ ၂၈၀၀၊ လက်ကောက် အကွင်း ၂၁၀၀၊ ရင်ထိုး ၁၆၀၀၊ သရဖူ ၁၄ ခုတို့ သိမ်းဆည်းရမိခဲ့ပြီး အဲဒီအထဲမှာ တန်ဖိုးအကြီးဆုံးက စိန်တွေတပ်ဆင်ထားတဲ့ လည်ဆွဲဖြစ်ကာ ရင်းဂစ် ၆.၄ သန်း (ကန်ဒေါ်လာ ၁.၅ သန်း) တန်ကြေးရှိပါတယ်။

ပိုက်ဆံအိတ် ၅၇၆ အိတ်ကို သိမ်းဆည်းရမိခဲ့ပြီး အဲဒီအထဲမှာ Hermes တံဆိပ် ပိုက်ဆံအိတ်က ၂၇၂ အိတ် ပါဝင်ကာ ရင်းဂစ် ၅၁.၃ သန်းရှိတယ်လို့ ဆင်းက ပြောပါတယ်။ ကျန်တဲ့ပိုက်ဆံအိတ်တွေရဲ့ တံဆိပ်ပေါင်းက ၇၂ ခု ဖြစ်ပါတယ်။

ရဲချုပ်ဆင်းက အတုအစစ် မခွဲရသေးတဲ့ ပိုက်ဆံအိတ်တွေလည်း ကျန်သေးတယ်လို့ ပြောပါတယ်။ အတုတွေရောတွေ့လားလို့ သတင်းထောက်တွေကမေးတဲ့အခါ ဆင်းက အတုမဟုတ်ပေမယ့်၊ နာမည်ကြီးတံဆိပ်တွေကို အစစ်နီးပါးကောင်းအောင် ဖန်တီးထားတဲ့ တန်ဖိုးကြီးအိတ်တွေ ပါဝင်တယ်လို့ ပြန်လည်ဖြေကြားခဲ့ပါ
တယ်။

Rolex နဲ့ Chopard အပါအ၀င် နာမည်ကြီး တံဆိပ် ၁၀၀ ကျော် ပါဝင်တဲ့ နာရီပေါင်း ၄၂၃ လုံးကို သိမ်းဆည်းရမိခဲ့ပြီး ရင်းဂစ် ၇၈ သန်းတန်တယ်လို့ ဆင်းက ပြောပါတယ်။ အဲဒီအထဲက ဈေးအကြီးဆုံးဟာ ရင်းဂင် ၃.၅ သန်း တန်ကြေးရှိတဲ့ Rolex Paul Newman Daytona နာရီ ဖြစ်ပါတယ်။

သိမ်းဆည်းရမိတဲ့ နေကာမျက်မှန်က ၂၃၄ လက်ရှိပြီး တံဆိပ်ပေါင်း ၃၄ ခုပါဝင်ကာ ရင်းဂစ် ၃၇၄၀၀၀ တန်ကြေး ရှိပါတယ်။

ပြီးခဲ့တဲ့တစ်ပတ် မီဒီယာနဲ့ အင်တာဗျူးမှာ နာဂျစ်က သူ့ထံကနေ သိမ်းဆည်းရမိတဲ့ တန်ဖိုးကြီး ပစ္စည်းတွေ အများစုဟာ သူ့ဇနီးနဲ့ သမီးတို့ ရရှိထားတဲ့ လက်ဆောင်တွေဖြစ်တယ်လို့ ပြောကြားခဲ့ပါတယ်။

ဆင်းကတော့ ဒါတွေဟာ လက်ဆောင်တွေဆိုရင် ဘယ်သူကပေးတဲ့ လက်ဆောင်တွေလဲဆိုတာ စစ်ဆေးသွားမှာဖြစ်ကြောင်း၊ သိမ်းဆည်းရမိတဲ့ပစ္စည်းတွေအတွက် ကျွမ်းကျင်သူတွေကို ခေါ်ယူကာ တွက်ချက်နေရတာကြောင့် အချိန်ကြာတာဖြစ်ကြောင်း၊ အခု တွက်ချက်ထားမှုတွေဟာ အကြမ်းတွက်ချက်မှုသာဖြစ်ကြောင်း၊ ဒါဟာ မလေးရှားသမိုင်းတစ်လျှောက် အကြီးမားဆုံး သိမ်းဆည်းရမိမှုဖြစ်ကြောင်း သတင်းစာရှင်းလင်းပွဲမှာ ထည့်သွင်းပြောဆိုခဲ့ပါတယ်။

Ref: CNA