ကိုရီးယားရှိ ဗုဒ္ဓသာသနိက အဆောက်အဦးများကို ယူနက်စကိုက ကမ္ဘာ့အမွေအနှစ်စာရင်းသွင်း

ဇွန် ၃၀၊ ၂၀၁၈
M-Media

ကိုရီးယားကျွန်းဆွယ်ရှိ ဗုဒ္ဓ သာသနိက အဆောက်အဦးတစ်ခု

– ကိုရီးယားကျွန်းဆွယ် တောင်ပေါ်ဒေသတွေမှာ ဒေသခံ တိုင်းရင်းသားတွေရဲ့ ဓလေ့ထုံးတမ်းတွေနဲ့ ပေါင်းစပ်ပြီး ကျင့်သုံးကျတဲ့ ရှေးဟောင်း ဗုဒ္ဓဘာသာ သာသနိကအဆောက်အဦး ၇ ခုကို ကမ္ဘာ့အမွေအနှစ်အဖြစ် ယူနက်စကိုက ဒီကနေ့မှာ စာရင်းသွင်းလိုက်ပါတယ်။

Seonamsa၊ Daeheungsa၊ Beopjusa၊ Magoksa၊ Tongdosa၊ Bongjeongsa နဲ့ Buseoksa လို့ အမည်တွင်တဲ့ အဆောက်အဦးတွေဖြစ်ပြီး အေဒီ ၇ ရာစုအထိ ကြာရှည်ခဲ့တဲ့ ကိုရီးယား ဘုရင့်နိုင်ငံ ၃ ခု ကာလအတွင်း တည်ဆောက်ခဲ့တာ ဖြစ်ပါတယ်။

ဒီလို ကမ္ဘာ့အမွေအနှစ်အဖြစ် သတ်မှတ်ကြောင်းကို ဘာရိန်းနိုင်ငံ မာနာမာမြို့မှာ ယူနက်စကိုက ကြေငြာခဲ့တာပါ။

ဗုဒ္ဓသာသနာဟာ ကိုရီးယားကျွန်းဆွယ်ကို ၄ ရာစုမှာ ရောက်ရှိခဲ့ပြီး ကျွန်းဆွယ်ကို ပိုင်းခြား အုပ်စိုးနေတဲ့ ဘုရင့်နိုင်ငံ ၃ ခုဖြစ်တဲ့ Goguryeo၊ Baekje နဲ့ Silla တို့က လက်ခံကျင့်သုံးခဲ့ကာ နိုင်ငံတော်ဘာသာအဖြစ် နှစ်ပေါင်း ၁၀၀၀ ကျော်အထိ တည်တံ့ခဲ့ပါတယ်။

ကိုရီးယားကျွန်းဆွယ်မှာ သာသနာအထွတ်အထိပ်ရောက်ခဲ့တဲ့ ၅ ရာစုနဲ့ ၆ ရာစုတွေမှာ ဘုရင်တွေရဲ့ ပံ့ပိုးကူညီမှုနဲ့အတူ ကျွန်းဆွယ်တစ်ဝှမ်း သာသနိက အဆောက်အဦးတွေ ဆောက်လုပ်ခဲ့ပြီး ဗုဒ္ဓဘာသာယဉ်ကျေးမှု၊ ဗိသုကာလက်ရာတွေကို အားပေးအားမြှောက် ပြုခဲ့ပါတယ်။

ကိုရီးယားလူမျိုးတွေရဲ့ တောင်တွေကို အထွဋ်အမြတ်ထားမှု၊ ဇင်ဗုဒ္ဓဘာသာမှာ တရားအားထုတ်ဖို့အတွက် ဆိတ်ငြိမ်တဲ့ ပတ်ဝန်းကျင် လိုအပ်မှုတို့ကြောင့် ကိုရီးယားကျွန်းဆွယ်မှာ ဗုဒ္ဓသာသနိကအဆောက်အဦးတွေကို တောင်တွေပေါ်မှာ ဆောက်လုပ်ခဲ့ကြပါတယ်။

ဒါပေမယ့် ၁၄ ရာစုမှာ အုပ်စိုးတဲ့ Chosum မင်းဆက်ဟာ ကွန်းဖြူးရှပ်ဝါဒကို လက်ခံပြီး ဘာသာတရားတွေအပေါ်မှာ နှိပ်ကွပ်မှုတွေ လုပ်ခဲ့တာကြောင့် ဗုဒ္ဓသာသနာဟာ မှေးမှိန်ခဲ့ရပါတယ်။ မြို့ပြမှာရှိတဲ့ ဗုဒ္ဓ သာသနိက အဆောက်အဦးတွေကို အဓမ္မ ပိတ်ပစ်ခဲ့ပြီး တောင်တန်းတွေပေါ်မှာ တည်ရှိတာတွေသာ ကျန်ရစ်ခဲ့ပါတယ်။

၂၀၁၅ ခုနှစ်မှာ ကောက်ယူခဲ့တဲ့ သန်းခေါင်စာရင်းအရ တောင်ကိုရီးယားမှာ ဘာသာမဲ့ ၅၆.၁ ရာခိုင်နှုန်း၊ ခရစ်ယာန် ၂၇.၆ ရာခိုင်နှုန်း၊ ဗုဒ္ဓဘာသာဝင် ၁၅.၅ ရာခိုင်နှုန်းနဲ့ အခြားဘာသာဝင် အနည်းငယ် ရှိနေပါတယ်။

Ref: CNA