ကမ္ဘာ့အချမ်းသာဆုံးစာရင်းတွင် ဇက်ကာဘတ် အဆင့် ၃ ရောက်လာ

ဇူလိုင် ၇၊ ၂၀၁၈
M-Media

– Facebook ကို တည်ထောင်သူဖြစ်ပြီး စီအီးအိုလည်းဖြစ်တဲ့ မာ့ခ် ဇက်ကာဘာ့ဂ်ဟာ အသားတင် ကြွယ်ဝမှု ကန်ဒေါ်လာ ၈၁.၆ ဘီလီယံနဲ့ ကမ္ဘာ့ တတိယမြောက် အချမ်းသာဆုံး ဖြစ်လာပါတယ်။

Bloomberg က ထုတ်ပြန်တဲ့ Billionaires Index အညွှန်းကိန်းမှာ ဇက်ကာဘာ့ဂ်ဟာ နာမည်ကြီး ရင်းနှီးမြှုပ်နှံမှု လုပ်ငန်းရှင် ၀ါရင် ဘက်ဖက်ထက် ဒေါ်လာ ၃၇၃ သန်း ပိုများကာ တတိယနေရာကို ရောက်လာတာဖြစ်ပါတယ်။

အချမ်းသာဆုံးက Amazon ပိုင်ရှင် ဂျက်ဖ် ဘီဇို့စ်ဖြစ်ပြီး ကြွယ်ဝမှု ၁၄၁ ဘီလီယံရှိကာ၊ မိုက်ခရိုဆော့ဖ်ကို တည်ထောင်သူ ဘီလ်ဂိတ်က ဒုတိယနေရာမှာ ရှိနေပါတယ်။

သုံးစွဲသူတွေရဲ့ အချက်အလက်တွေကို ကာကွယ်ပေးမှု အားနည်းခဲ့တဲ့အတွက် ဝေဖန်မှုကို ခံခဲ့ရပေမယ့် အခုနှစ်အတွင်း Facebook ရဲ့ ရှယ်ယာဟာ ၁၅ ရာခိုင်နှုန်း တက်လာပါတယ်။ နည်းပညာလုပ်ငန်းတွေရဲ့ ရှယ်ယာတွေဟာ ၂၀၁၈ ခုနှစ်မှာ သိသိသာသာကို မြင့်တက်လာခဲ့ပါတယ်။

အရင်းအနှီးဈေးကွက်ကိုသာ အဓိကအာရုံစိုက်တဲ့ ဘက်ဖက်ဟာ အခုနှစ်အစောပိုင်းမှာ Apple ရဲ့ ရှယ်ယာ ၇၅ သန်း ၀ယ်ယူခဲ့ကာ စုစုပေါင်း Apple ရှယ်ယာ ၁၆၅ သန်း ရှိလာပြီ ဖြစ်ပါတယ်။ ဘက်ဖက်ဟာ Apple ရဲ့ ရှယ်ယာတွေ ၀ယ်ယူမှုကို လွန်ခဲ့တဲ့ ၂ နှစ်ကမှ ထုတ်ဖော်ပြောဆိုခဲ့တာပါ။

နှစ်စဉ် ပရဟိတလုပ်ငန်းတွေအတွက် ဘက်ဖက်ဟာ ဒေါ်လာ ဘီလီယံချီ လှူဒါန်းလေ့ရှိပြီး ဇက်ကာဘက်ကလည်း သူရဲ့ Facebook ရှယ်ယာ ၉၉ ရာခိုင်နှုန်းကို စွန့်လွှတ်သွားမယ်လို့ ကြေငြာထားပါတယ်။

Ref: CNN