အာဖဂန်တည်ငြိမ်အေးချမ်းရေးဆိုင်ရာ အစ္စလာမ့် ဓမ္မပညာရှင်များညီလာခံ ဂျစ်ဒါတွင်ကျင်းပ

ဇူလိုင် ၁၂၊ ၂၀၁၈
M-Media

အစည်းအဝေးသို့ တက်ရောက်လာသည့် ပညာရှင်

– အာဖဂန်နစ္စတန်နိုင်ငံ တည်ငြိမ်အေးချမ်းရေးဆိုင်ရာ ကမ္ဘာ့ အစ္စလာမ့်ဓမ္မပညာရှင်များ ညီလာခံကို ဆော်ဒီအာရေဗျနိုင်ငံ ဂျစ်ဒါမြို့မှာ အခုတစ်ပတ် အစောပိုင်းမှာ ကျင်းပခဲ့ပါတယ်။

၂ ရက်တာကြာမြင့်ခဲ့တဲ့ အဲဒီအစည်းအဝေးမှာ ပညာရှင်တွေက အာဖဂန်မှာ ဂိုဏ်းဂနတွေကွဲပြီး တိုက်ခိုက်နေတာတွေကို ရှုတ်ချခဲ့ကာ အပစ်ရပ်ရေးနဲ့ ငြိမ်းချမ်းရေး ဆောင်ရွက်ကြဖို့ တိုက်တွန်းခဲ့ပါတယ်။

တာလီဘန်ကို နိုင်ငံရေးအသင်းအဖွဲ့တစ်ခုအဖြစ် အသိအမှတ်ပြုပြီး၊ ခြွင်းချက်မဲ့ ညှိနှိုင်းဆွေးနွေးမှုလုပ်ဖို့ အာဖဂန်အစိုးရရဲ့ ကမ်းလှမ်းမှုကို ပညာရှင်တွေက ချီးကျူးခဲ့ပါတယ်။ အစည်းအဝေး ဖြစ်မြောက်ရေး စီစဉ်ခဲ့ကြတဲ့ အာဖဂန် အစ္စလာမ့်ဓမ္မပညာရှင်တွေကိုလည်း တက်ရောက်လာသူတွေက ဂုဏ်ပြုခဲ့ကြပါတယ်။

ညီလာခံကို ကမ္ဘာတစ်ဝှမ်းက အစ္စလာမ့်ဓမ္မပညာရှင်ပေါင်း ၁၀၀ ကျော် တက်ရောက်ခဲ့ပါတယ်။

“စစ်ပွဲ၊ သတ်ဖြတ်မှု၊ အကြမ်းဖက်မှု၊ သွေးကွဲမှုတွေကို အခုအချိန်အထိ ခံစားနေရတဲ့ အစ္စလာမ့်ရှေးဟောင်းနိုင်ငံမှာ အစ္စလာမ့်ရေးရာ ပြန်လည်ရင်ကြားစေ့ရေး ဆောင်ရွက်ဖို့၊ ပြဿနာတွေကို ပူးပေါင်းဖြေရှင်းရေးဆီကို ရောက်လာဖို့အတွက် ကမ္ဘာတစ်ဝှမ်းက မွတ်စလင်ပညာရှင်ပေါင်း ၁၀၀ ကျော် တက်ရောက်ဆွေးနွေးခဲ့ကြပါတယ်” လို့ OIC အတွင်းရေးမှူး ဒေါက်တာ ယူဆက်ဖ် ဘင် အဟ်မဒ် အလ်-အိုသိုင်မန်က ပြောကြားခဲ့ပါတယ်။

အစည်းအဝေးမှာ ပညာရှင်တွေဟာ အာဖဂန်က အုပ်စုတွေအကြား ဆွေးနွေးညှိနှိုင်းမှုကနေတစ်ဆင့် ရင်ကြားစေ့ရေး၊ ငြိမ်းချမ်းမှုဖော်ဆောင်ရေး ဆွေးနွေးခဲ့ကြပါတယ်။ နိုင်ငံအတွင်း ဖြစ်ပွားနေတဲ့ အကြမ်းဖက်မှုတွေ၊ အစွန်းရောက်ဝါဒ၊ အကြမ်းဖက်ဝါဒတွေဟာ အစ္စလာမ်သာသနာနဲ့ ဆန့်ကျင်တဲ့ လုပ်ရပ်တွေ ဖြစ်တယ်လို့လည်း ဓမ္မပညာရှင်တွေက တစ်ညီတစ်ညွတ်တည်း ပြောကြားခဲ့ပါတယ်။

အာဖဂနစ္စတန် တည်ငြိမ်အေးချမ်းရေးဆိုင်ရာ ‘မက္ကာ သဘောတူညီချက်’ ကို ပညာရှင်တွေက လက်မှတ်ရေးထိုးကာ အစည်းအဝေးကို မနေ့မှာ အဆုံးသတ်ခဲ့ကြပါတယ်။

ညီလာခံကို တက်ရောက်လာတဲ့ ပညာရှင်တွေကို ဆော်ဒီဘုရင် ဆလ်မန်က မနေ့မှာ တွေ့ဆုံခဲ့ပြီး ချီးကျူးစကား ပြောကြားခဲ့ပါတယ်။

Ref: Arab News