ဝမ်းရောဂါ ဆိုးရွားလာမှုကြောင့် ယီမင်တွင် အပစ်ရပ်ရန် WHO တောင်းဆို

သြဂုတ် ၅၊ ၂၀၁၈
M-Media

– ဆိုးရွားလာတဲ့ ၀မ်းရောဂါအတွက် ကာကွယ်ဆေးထိုးနှံပေးဖို့ လိုအပ်နေတာကြောင့် တိုက်ခိုက်မှုတွေကို အမြန်ရပ်တန့်ဖို့ ကမ္ဘာ့ကျန်းမာရေးအဖွဲ့ WHO က ယီမင်နိုင်ငံကို တိုက်တွန်းလိုက်ပါတယ်။

ပြည်တွင်းစစ်ဖြစ်နေတဲ့ ယီမင်နိုင်ငံမှာ အစားအသောက်နဲ့ ရေတွေ မသန့်တာကြောင့် ပြီးခဲ့တဲ့နှစ်တွေအတွင်း ၀မ်းရောဂါအကြီးအကျယ်ဖြစ်ပွားခဲ့ပြီး လူအများအပြား သေဆုံးခဲ့ပါတယ်။

မနှစ်က လူပေါင်း ၁ သန်းလောက် ၀မ်းရောဂါဖြစ်ပွားခဲ့ပြီး အခုနှစ် ဇူလိုင်လ ပထမအပတ်မှာ ယီမင်နိုင်ငံတစ်ဝှမ်း ၀မ်းရောဂါဖြစ်ပွားမှု ၃၀၀၀ နီးပါး ရှိခဲ့ပါတယ်။

WHO က အကြီးတန်းတာဝန်ရှိသူ ပီတာ ဆလာမာက နိုင်ငံမြောက်ပိုင်းမှာ ကာကွယ်ဆေး ၅ သိန်းကျော် ထိုးပေးဖို့အတွက် ၃ ရက်လောက် အပစ်ရပ်ဖို့ လိုအပ်နေတယ်လို့ ပြောကြားခဲ့ပါတယ်။

“ပြီးခဲ့တဲ့နှစ်တွေမှာ အကြီးအကျယ် ၀မ်းရောဂါဖြစ်ပွားမှု ၂ ကြိမ်ကို ကျွန်တော်တို့ ကြုံတွေ့ခဲ့ပါတယ်။ ကံမကောင်းစွာနဲ့ပဲ တတိယအကြိမ်ဖြစ်မယ့်အနေအထားကို ရောက်နေပါပြီ”

Save the Children က စီအီအိုး ဟီလီ သော်နင်း-ရှက်ဒမစ်က ကာကွယ်ဆေးတွေကိုသာ အချိန်မီ ထိုးနှံမှု မရှိဘူးဆိုရင် ၀မ်းရောဂါဟာ တောမီးလို ပြန့်နှံ့သွားမယ်လို့ ပြောကြားခဲ့ပါတယ်။

ဟူသီသူပုန်တွေနဲ့ ဆော်ဒီကျောထောက်နောက်ခံပြုထားတဲ့ ယီမင်အစိုးရတပ်တွေအကြား ဖြစ်ပွားနေတဲ့ ပြည်တွင်းစစ်ကြောင့် လူပေါင်း ၂၂ သန်းကျော် အကူအညီလိုအပ်နေပြီး၊ ကမ္ဘာပေါ်က လူသားချင်း စာနာထောက်ထားမှု အခြေအနေဆိုးတွေထဲက တစ်ခုလည်း ဖြစ်ပါတယ်။

Ref : Aljazeera