စစ်တွေပေါက်ကွဲမှုအတွက် ဖမ်းဆီးထားသူ ၂ ဦးကို နယ်စပ်ဖြတ်ကျော်မှုဖြင့် ထောင် ၆ လချ

သြဂုတ် ၁၀၊ ၂၀၁၈
M-Media

Photo credit – Irrawaddy

– ဖေဖော်ဝါရီလက ရခိုင်ပြည်နယ်မြို့တော် စစ်တွေမှာ ဖြစ်ပွားခဲ့တဲ့ ဗုံးခွဲမှု ၃ ခုမှာ သံသယရှိသူအဖြစ် ဖမ်းဆီးတရားစွဲဆိုခံထားရသူတွေထဲက ၂ ဦးကို တရားမ၀င် နယ်စပ်ဖြတ်ကျော်မှုနဲ့ ဗုဒ္ဓဟူးနေ့မှာ ထောင်ဒဏ် ၆ လ ချမှတ်ခဲ့ပါတယ်။

ကိုသန်းဆွေနဲ့ ကိုမောင်မြင့်ကြည်တို့ ဖြစ်ကြပြီး သူတို့ကတော့ ရဲတပ်ဖွဲ့ဟာ ပေါက်ကွဲမှုတွေအတွက် ဘာသက်သေအထောက်အထားမှ မရှိဘဲနဲ့ သူတို့ဖမ်းဆီးကာ တရားစွဲဆို ထောင်ချခဲ့တာဖြစ်တယ်လို့ အမိန့်ချမှတ်မှုအပြီးမှာ ပြောကြားခဲ့ပါတယ်။

“ပေါက်ကွဲမှုတွေနဲ့ပတ်သက်ပြီး သူတို့ဟာ ကျွန်တော့်ကို အဆက်မပြတ် မေးခဲ့ပါတယ်။ ကျွန်တော်က ဘာမှမသိဘူးလို့ပြောလည်း သူတို့က ဘာပဲဖြစ်ဖြစ် တစ်ခုခုပြောလိုက်ဆိုပြီး ပြောခိုင်းပါတယ်။ ကျွန်တော်က ဘာမှပြောစရာမရှိဘူးလို့ပြောရင် သူတို့က ကျွန်တော့်ဇနီးအကြောင်း မေးတယ်။ နယ်စပ်ကို ကျွန်တော်တို့သွားခဲ့လားဆိုတာ ကျွန်တော့်ကို သူတို့မေးတယ်။ ဗုံးခွဲမှုနဲ့ ဘာမှမဆိုင်ဘူးလို့လည်း ပြောတယ်။ အဲဒီလိုပြောဖို့ ကျွန်တော့်ကို ဖိအားပေးခဲ့ပြီး လက်မှတ်ထိုးခိုင်းခဲ့ပါတယ်” လို့ ကိုသန်းဆွေက ပြောကြားခဲ့ပါတယ်။

ဖေဖော်ဝါရီ ၂၄ ရက်နေ့က စစ်တွေမြို့ တရားရုံးအရှေ့၊ မြေစာရင်းဌာနအရှေ့နဲ့ ပြည်နယ်အစိုးရ အတွင်းရေးမှူး ဦးတင်မောင်ဆွေရဲ့ အိမ်နောက်ဖေးတွေမှာ ပေါက်ကွဲမှု ၃ ခု ဖြစ်ပွားခဲ့ပါတယ်။

အဲဒီကိစ္စနဲ့ပတ်သက်ပြီး ရဲတပ်ဖွဲ့က ဒေသခံ ၉ ဦးကို ဖမ်းဆီးကာ အထောက်အထားမခိုင်လုံတဲ့အတွက် မတ်လမှာ ၅ ဦးကို လွှတ်ပေးခဲ့ပါတယ်။ ကိုသန်းဆွေနဲ့ ကိုမောင်မြင့်ကြည်တို့ကို တရားမ၀င် နယ်စပ်ဖြတ်ကျော်မှုနဲ့ တရားစွဲခဲ့ပြီး ကျန်နှစ်ဦးကိုတော့ အကြမ်းဖက်မှုနဲ့ တရားစွဲဆိုထားပါတယ်။

ရခိုင်ပြည်နယ် ရဲတပ်ဖွဲ့အကြီးအကဲ ဗိုလ်မှူးအောင်မြတ်မိုးက ရှာဖွေတွေ့ရှိမှုတွေအရ သက်သေအထောက်အထား ခိုင်လုံတဲ့အတွက် တရားမ၀င်နယ်စပ်ဖြတ်ကျော်မှု၊ ဗုံးခွဲမှုတွေနဲ့ တရားစွဲဆိုခဲ့တာဖြစ်ကြောင်း၊ သူတို့ဟာ ရဲတပ်ဖွဲ့ လုပ်ထုံးလုပ်နည်းအတိုင်း ဆောင်ရွက်ပြီး တရားရုံးက ဆုံးဖြတ်တာဖြစ်ကြောင်း ပြောကြားခဲ့ပါတယ်။

ကိုမောင်မြင့်ကြည်ကတော့ ဗုံးခွဲမှုမှာ ပါဝင်ပတ်သက်မှုမရှိဘူးလို့ ပြောကြားခဲ့ပါတယ်။

“ကျွန်တော်တို့ကို တစ်နေ့လုံး တစ်ညလုံး လုံးဝ အိပ်ခွင့်မပေးဘူးဗျ။ နေ့စဉ်နဲ့အမျှဖြစ်လာတော့ ကျွန်တော်တို့ မခံနိုင်တော့ဘူး။ ဗုံးခွဲတဲ့ကိစ္စကို မသိရင်လည်း တစ်ခုခုပြောဆိုပြီး သူတို့က ပြောခိုင်းတယ်။ ဘာမှမပြောရင် ထောင်ကျမယ်လို့ သူတို့က ပြောပါတယ်”

အကြမ်းဖက်မှုနဲ့ စွဲချက်တင်ခံထားရတဲ့ ၂ ဦးကတော့ လက်ရှိမှာ တရားရင်ဆိုင်နရပါတယ်။

Ref: Irrawaddy