တနင်္လာနေ့မနက် နိုင်ငံတကာသတင်းများ

သြဂုတ် ၁၃၊ ၂၀၁၈
M-Media

မလေးရှားအစိုးရက သိမ်းဆည်းခဲ့သည့် ဇိမ်ခံရွက်သင်္ဘော

ကိုရီးယား ၂ နိုင်ငံ အဆင့်မြင့်အစည်းအဝေး ကျင်းပ
===============
အခုလနှောင်းပိုင်းမှာ ခေါင်းဆောင်နှစ်ဦး ထိပ်သီးအစည်းအဝေး ကျင်းပနိုင်ဖို့အတွက် ကိုရီးယားနှစ်နိုင်ငံက ပြန်လည်ပေါင်းစည်းရေးဝန်ကြီးတွေ ဦးဆောင်တဲ့ ကိုယ်စားလှယ်အဖွဲ့ဟာ ဒီကနေ့မှာ အဆင့်မြင့်အစည်းအဝေးတစ်ခု စတင်ပြုလုပ်နေကြပါတယ်။ တောင်ကိုရီးယားသမ္မတ မွန်ဂျယ်အင်နဲ့ မြောက်ကိုရီးယားခေါင်းဆောင် ကင်ဂျုံအန်တို့ဟာ နှစ်နိုင်ငံနယ်စပ်က အပစ်ရပ်ရွာ ပန်မွန်ဂျွန်းမှာ ၂ ကြိမ် တွေ့ဆုံခဲ့ပြီး အခုလနှောင်းပိုင်း ပြုံးယမ်မှာ တွေ့ဆုံဖို့ရှိတယ်လို့ ဆိုပါတယ်။ ဒီကနေ့ဆွေးနွေးပွဲမှာ အဲဒီကိစ္စကို အသေးစိတ် စီစဉ်ဖို့ ရှိနေပါတယ်။

တိုင်းပြည်ဘဏ္ဍာကို အာဏာပိုင်များ အမြတ်ထုတ်သည့်အတွက် မလေးဘဏ္ဍာရေးဝန်ကြီး ၀မ်းနည်း
=================
ပြည်သူ့ငွေတွေကို ပြည်သူအတွက် အသုံးမပြုဘဲ အာဏာပိုင်တွေက ခေါင်းပုံဖြတ် အမြတ်ထုတ်ခဲ့တဲ့အတွက် ၀မ်းနည်းမိတယ်လို့ မလေးရှားဘဏ္ဍာရေးဝန်ကြီး လင်ဂွမ်အန်က ပြောကြားလိုက်ပါတယ်။ နိုင်ငံပိုင် 1MDB က ငွေတွေကို ၀န်ကြီးချုပ်ဟောင်းနာဂျစ်နဲ့ စီးပွားရေးလုပ်ငန်းရှင် လိုတက်ဂျိုတို့က လှည့်ဖျားရယူကာ ၀ယ်ယူထားတယ်လို့ဆိုတဲ့ ရင်းဂစ် ၁ ဘီလီယံတန် ဇိမ်ခံရွက်လှေကို မလေးရှားက သိမ်းဆည်းပြီးတဲ့နောက် ၀န်ကြီးချုပ် မဟာသီဦးဆောင်တဲ့ အစိုးအဖွဲ့ဟာ ပြီးခဲ့တဲ့တစ်ပတ်မှာ သွားရောက်ကြည့်ရှုခဲ့တာပါ။ လင်က ရွက်လှေပေါ်မှာရှိတဲ့ ပစ္စည်းတွေအားလုံးဟာ သာမန်လူတွေ အိပ်မက်တောင် မမက်နိုင်တဲ့ အရာတွေဖြစ်တယ်လို့လည်း ဆိုပါတယ်။

စစ်သွေးကြွများက ခရစ်ယာန်ဘုရားကျောင်း ဗုံးခွဲရန်ကြိုးစားမှုကို အီဂျစ် တားဆီး
=================
မြို့တော်ကိုင်ရိုအပြင်ဘက်က ခရစ်ယာန်ဘုရားကျောင်းတစ်ခုကို မအောင်မြင်တဲ့ ဗုံးခွဲမှုနဲ့ ဆက်နွယ်နေသူ စစ်သွေးကြွ ၇ ဦးကို ဖမ်းဆီးလိုက်တယ်လို့ ဂျော်ဒန် ပြည်ထဲရေးဝန်ကြီးဌာနက မနေ့မှာ သတင်းထုတ်ပြန်ပါတယ်။ အသေခံဗုံးခွဲသမားတစ်ဦးဟာ ကိုင်ရိုင်မြို့မြောက်ဖက်က ခရစ်ယာန်ဘုရားကျောင်းကို ဖောက်ခွဲဖို့ ကြိုးစားမှုအတွင်း ဘုရားကျောင်းကို လုံခြုံရေးပေးထားတဲ့ တပ်ဖွဲ့ဝင်တွေရဲ့ ဟန့်တားဖမ်းဆီးမှုကြောင့် ဘုရားကျောင်းအပြင်ဘက်မှာသာ ပေါက်ကွဲခဲ့ပြီး သူကလွဲလို့ တစ်ခြားသူတွေ သေဆုံး၊ ဒဏ်ရာရခြင်း မရှိပါဘူး။ အီဂျစ်မှာ ပြီးခဲ့တဲ့ ၂ နှစ်အတွင်း ခရစ်ယာန်ဘုရားကျောင်းတွေကို အစွန်းရောက်တွေက ဗုံးခွဲတိုက်ခိုက်မှုကြောင့် အနည်းဆုံး လူ ၃၀ ကျော် သေဆုံးခဲ့ပါတယ်။

အာဖဂန်တွင် မိုးခေါင်မှုကြောင့် စားနပ်ရိက္ခာ အခက်အခဲဖြစ်လာ
============
စစ်မီးမငြိမ်းနိုင်တဲ့ အာဖဂန်နစ္စတန်မှာ မိုးခေါင်မှုပါ ဖြစ်လာတာကြောင့် နောက်နှစ်မှာ နိုင်ငံတစ်ဝှမ်း စားနပ်ရိက္ခာ ဖူလှုံရေးအတွက် စိုးရိမ်စရာကောင်းနေတယ်လို့ အကူအညီပေးရေးအဖွဲ့ USAID က ပြောပါတယ်။ အခုနှစ်အတွင်း ဂျုံနဲ့ အခြားသီနှံတွေ ထုတ်လုပ်မှု ကျဆင်းသွားခဲ့ပြီး လူ ၂ သန်းလောက်ဟာ နောက်ထပ် ၆ လလောက်အတွင်းမှာ အကူအညီတွေ အလျင်အမြန် လိုအပ်လာဖွယ် ရှိနေပါတယ်။ USAID က တော့ အာဖဂန်အစိုးရ၊ နိုင်ငံတကာအသိုင်းအ၀ိုင်းတွေအနေနဲ့ အာဖဂန်ပြည်သူတွေကို အကူအညီ တိုးမြှင့်ပေးအပ်ဖို့ တိုက်တွန်းခဲ့ပါတယ်။

Ref: Aljazeera, CNA, Arab News