ယခုနှစ်အတွင်း မြေထဲပင်လယ်တွင်သေဆုံးသည့် ဒုက္ခသည် ၁၆၀၀ ကျော် ရှိ

စက်တင်ဘာ ၃၊ ၂၀၁၈
M-Media

ဥရောပသို့ ရောက်ရှိလာကြသည့် အာဖရိက ဒုက္ခသည်များ

– အခုနှစ်အတွင်း ဥရောပမှာ လာရောက်ခိုလှုံဖို့ကြိုးစားရင်း မြေထဲပင်လယ်မှာ သေဆုံး ဒါမှမဟုတ် ပျောက်ဆုံးသူ အရေအတွက်ဟာ ၁၆၀၀ ကျော် ရှိတယ်လို့ UNHCR က ဒီကနေ့ထုတ်ပြန်တဲ့ အစီရင်ခံစာမှာ ဖော်ပြထားပါတယ်။

အစီရင်ခံစာအရ ဥရောပမှာ ခိုလှုံဖို့ ကြိုးစားသူအရေအတွက်ဟာ အခြားနှစ်တွေထက်စာရင် အခုနှစ်မှာ လျော့ကျသွားတာကို တွေ့ရပေမယ့် သေဆုံးသူ အရေအတွက်ကတော့ မြင့်တက်လာပါတယ်။ ဒီလို ၀င်ရောက်လာသူတွေကို ဥရောပက စောင့်ကြည့်မှုတွေ ပိုမို လုပ်ဆောင်လာတာကြောင့် လူကုန်ကူးသူတွေဟာ ပိုမိုအန္တရာယ်ရှိတဲ့ ပုံစံမျိုးတွေနဲ့ လူပို့နေကြတယ်လို့ အစီရင်ခံစာမှာ ဖော်ပြထားပါတယ်။

ပြီးခဲ့တဲ့နှစ်အတွင်း မြေထဲပင်လယ်မှာ သေဆုံးသူအရေအတွက်ဟာ ၂၂၇၆ ဦးရှိခဲ့ပြီး ၄၂ ဦး ရောက်လာရင် ၁ ဦး သေဆုံးတယ်ဆိုတဲ့ လက္ခဏာပါ။

အခုနှစ်မှာတော့ ၁၈ ယောက်မှာ ၁ ယောက်နှုန်း သေဆုံးနေပြီး ဇွန်လတစ်လတည်းမှာပဲ လူ ၅၀၀ လောက် မြေထဲပင်လယ်ထဲမှာ ပျောက်ဆုံးခဲ့ပါတယ်။

အာဖရိကနိုင်ငံတစ်ချို့မှာ ဖြစ်ပွားနေတဲ့ လက်နက်ကိုင်ပဋိပက္ခတွေ၊ ဘာသာရေး၊ လူမျိုးရေး ဖိနှိပ်မှုတွေ၊ လူ့အခွင့်အရေး ချိုးဖောက်မှုတွေကနေ လွတ်မြောက်ရေးအတွက် ပြည်သူတွေဟာ မြေထဲပင်လယ်ကိုဖြတ်ပြီး ဥရောပမှာ လာရောက်ခိုလှုံဖို့ ကြိုးစားနေကြတာပါ။

Ref: Aljazeera