မြန်မာစာကို အင်္ဂလိပ်ဘာသာပြန်သည့်စနစ် မတိကျသည့်အတွက် Facebook ဖယ်ရှား

စက်တင်ဘာ ၇၊ ၂၀၁၈
M-Media

– မြန်မာလိုရေးသားထားတဲ့ ပို့စ်တွေ၊ မှတ်ချက်တွေကို အင်္ဂလိပ်ဘာသာပြန်ဖို့ Facebook က ထည့်သွင်းထားတဲ့ စနစ်ဟာ မှန်ကန်အောင် ဘာသာပြန်ဆိုနိုင်ခြင်းမရှိဘူးလို့ ရိုက်တာသတင်းဌာနက သြဂုတ်လ ၁၅ ရက်နေ့မှာ ဖော်ပြခဲ့ပြီးတဲ့နောက် Facebook က အဲဒီစနစ်ကို ဖယ်ရှားလိုက်ပါတယ်။

အမုန်းစကားဖြန့်ဝေမှုတွေကို Facebook က ထိထိရောက်ရောက် မဖြေရှင်းနိုင်ဘူးဆိုတာ အဓိကထား ရေးသားထားတဲ့ ရိုက်တာရဲ့ အဲဒီဆောင်းပါးမှာ မွတ်စလင်တွေအားလုံးကို သတ်ဖြတ်ဖို့ မြန်မာလို ရေးသားထားတဲ့ စာကြောင်းကို Facebook ရဲ့စနစ်က ဘာသာပြန်ရာမှာ လုံးဝ မှားယွင်းနေတယ်ဆိုတာကို ထည့်သွင်း ဖော်ပြထားပါတယ်။

Facebook ရဲ့ မြန်မာဘာသာပြန်စနစ်ဌာနက ပြောရေးဆိုခွင့်ရှိသူ အမျိုးသမီးက​ ရိုက်တာရဲ့ ဒီဖော်ပြချက်နဲ့ အသုံးပြုသူတွေရဲ့ ပြောကြားမှုတွေကြောင့် ဘာသာပြန်စနစ်ကို သြဂုတ်လ ၂၈ ရက်နေ့မှာ ပိတ်ပစ်လိုက်တယ်လို့ ပြောကြားခဲ့ပါတယ်။

မြန်မာဘာသာစကားကို ဘာသာပြန်ဆိုရာမှာ Facebook ဟာ ပြဿနာတွေကို ရင်ဆိုင်နေရပြီး Community Standard ကို မြန်မာဘာသာပြန်ဆိုရာမှာလည်း အဓိပ္ပါယ်လွဲမှားမှုတွေ ရှိနေပါတယ်။

သြဂုတ်လ ၁၈ ရက်နေ့ ရိုက်တာသတင်းဌာနက ဖော်ပြထားတဲ့ ဆောင်းပါးဟာ မြန်မာနိုင်ငံက မွတ်စလင်တွေ၊ ရိုဟင်ဂျာတွေကို ခွေးတွေ၊ ၀က်တွေ၊ လောက်ကောင်တွေ၊ မုဒိမ်းသမားတွေအဖြစ် ခေါ်ဝေါ်သမုတ်ကြီး သတ်ဖြတ်ပစ်ဖို့ လှုံ့ဆော်တဲ့ အမုန်းစကားပေါင်း ၁၀၀၀ ကျော်ကို စုံစမ်းဖော်ထုတ်ပြီး ရေးသားထားတာ ဖြစ်ပါတယ်။

အဲဒီဆောင်းပါးထွက်လာပြီး သိပ်မကြာခင်မှာဘဲ Facebook က ကြေငြာချက်တစ်စောင် ထုတ်ပြန်နေပြီး မြန်မာနိုင်ငံမှာ အမုန်းစကားတားဆီးရေး သူတို့ရဲ့လုပ်ဆောင်မှုဟာ နှေးကွေးနေတယ်လို့ ဖော်ပြခဲ့ပါတယ်။

Ref: Reuters