ကြာသာပတေးနေ့မနက် နိုင်ငံတကာ သတင်းများ

အောက်တိုဘာ ၁၁၊ ၂၀၁၈
M-Media

ယနေ့မနက် အင်ဒိုငလျင်

အင်ဒိုနီးရှားတွင် ငလျင်ထပ်လှုပ်၊ အနည်းဆုံး ၃ ဦး သေဆုံး
==================
အင်ဒိုနီးရှားနိုင်ငံ ဘာလီကျွန်းနဲ့ ဂျာဗားကျွန်းတို့မှာ ဒီနေ့မနက်အစောပိုင်းက အင်အား ၆.၀ မဂ္ဂနီကျုရှိတဲ့ ငလျင်တစ်ခု လှုပ်ခတ်ခဲ့တာကြောင့် အနည်းဆုံး လူ ၃ ဦးသေဆုံးခဲ့တယ်လို့ အာဏာပိုင်တွေက ကနဦးသတင်းထုတ်ပြန်ထားပါတယ်။ အဆောက်အဦးတစ်ချို့ ပြိုကျမှုတွေ ရှိခဲ့ပေမယ့် ဆိုးဆိုးဝါးဝါး ဖြစ်တာမျိုးတော့ မရှိဘူးလို့ ဆိုပါတယ်။ ငလျင်ရဲ့အနက် တိမ်တာကြောင့် ဆူနာမီအန္တရာယ် မရှိနိုင်ဘူးလို့လည်း အာဏာပိုင်တွေက ပြောပါတယ်။ ပြီးခဲ့တဲ့လအတွင်း ဆူလာဝေစီကျွန်းမှာ ငလျင်နဲ့ ဆူနာမီကြောင့် လူပေါင်း ၂ ထောင်ကျော် သေဆုံးခဲ့ပြီး ၈၂၀၀၀ လောက် အိုးမဲ့အိမ်မဲ့ ဖြစ်ခဲ့ရပါတယ်။

ဖလော်ရီဒါတွင် နှစ် ၁၀၀ အတွင်း အဆိုးဝါးဆုံး ဟာရီကိန်းမုန်တိုင်း ၀င်ရောက်
=====================
အမေရိကန်ပြည်ထောင်စု ဖလော်ရီဒါပြည်နယ်မှာ မနေ့က ဟာရီကိန်းမိုက်ကယ် မနေ့က စတင်ဝင်ရောက်နေပြီး လူသိန်းချီ ဘေးလွတ်ရာကို ရွှေ့ပြောင်းခဲ့ရပါတယ်။ မုန်တိုင်းနောက်ဆက်တွဲ ရေကြီးရေလျှံမှုတွေ၊ လေပြင်းတိုက်ခတ်မှုတွေကြောင့် ပျက်ဆီးဆုံးရှုံးမှုတစ်ချို့ ရှိနေပေမယ့် ထိခိုက်သေဆုံးတဲ့ သတင်းတွေကိုတော့ မကြားရသေးပါဘူး။ ဖလော်ရီဒါပြည်နယ်အပြင်၊ အလာဘားမားပြည်နယ်နဲ့ ဂျော်ဂျီယာပြည်နယ်တို့မှာလည်း အရေးပေါ်အခြေအနေ ကြေငြာထားရပါတယ်။ အမေရိက အလယ်ပိုင်းမှာ မုန်တိုင်းကြောင့်ဖြစ်တဲ့ ရေကြီးရေလျှံမှုတွေကြောင့် ပြီးခဲ့တဲ့ စနေတနင်္ဂနွေနေ့မှာ အနည်းဆုံး လူ ၁၃ ဦး သေဆုံးခဲ့ပါတယ်။ ဖလော်ရီဒါပြည်နယ် အုပ်ချုပ်ရေးမှူး ရစ်စကော့က ဟာရီကိန်းမိုက်ကယ်ဟာ ပြည်နယ်သမိုင်းမှာ နှစ် ၁၀၀ အတွင်း အဆိုးဝါးဆုံးဖြစ်ပြီး မခန့်မှန်းနိုင်တဲ့ ပျက်ဆီးဆုံးရှုံးမှုတွေ ရှိလာမယ်လို့ ပြောကြားထားပါတယ်။

မြောက်ကိုရီးယားအပေါ် ပိတ်ဆို့မှု တောင်ကိုရီးယား ရုတ်သိမ်းမည်
=================
နျူကလီးယားပြဿနာ ဖြေရှင်းရေးနဲ့ နှစ်နိုင်ငံ ဆက်ဆံရေး တိုးတက်စေဖို့ ရည်ရွယ်ပြီး ၂၀၁၀ ခုနှစ်က မြောက်ကိုရီးယားအပေါ် ပြုလုပ်ထားတဲ့ ပိတ်ဆို့မှုတစ်ချို့ကို ဖယ်ရှားဖို့ အစိုးရက စီစဉ်နေတယ်လို့ တောင်ကိုရီးယား နိုင်ငံခြားရေးဝန်ကြီး ကန်ကျွန်ဝါဟ်က မနေ့မှာ လွှတ်တော်အမတ်တွေကို ပြောကြားလိုက်ပါတယ်။ ၂၀၁၀ ခုနှစ်မှာ မြောက်ကိုရီးယား စစ်သင်္ဘောရဲ့ တိုက်ခိုက်မှုကြောင့် တောင်ကိုရီးယားသင်္ဘောသာ ၄၅ ဦး သေဆုံးခဲ့ပြီး တောင်ကိုရီးယားက ဖက်စက်အထည်ချုပ်စက်ရုံတွေကလွဲလို့ နယ်စပ်ကုန်သွယ်ရေးနဲ့ ပူးပေါင်းဆောင်ရွက်မှုတွေကို ပိတ်ပစ်ခဲ့တာပါ။ ဒါပေမယ့် အခုနှစ်အတွင်း ကိုရီးယားနှစ်နိုင်ငံခေါင်းဆောင်တွေ အကြိမ်ကြိမ် တွေ့ဆုံပြီးတဲ့နောက် ဆက်ဆံရေး ပိုမိုကောင်းမွန်လာခဲ့ပါတယ်။ ထရမ့်ကတော့ တောင်ကိုရီးယားက ပိတ်ဆို့မှုရုပ်သိမ်းမယ်ဆိုရင် ဒါဟာ သူတို့ရဲ့ ဆုံးဖြတ်ချက်သာ ဖြစ်တယ်လို့ ပြောကြားခဲ့ပါတယ်။

Ref: Aljazeera, CNA