ကချင်ဒုက္ခသည်များကို အကူအညီပေးသူ ၁၅ ဦး ဖမ်းဆီးခံရ

နိုဝင်ဘာ ၁၊ ၂၀၁၈
M-Media

KBC မှ ၀န်ထမ်းအချို့

– ကချင်ပြည်နယ် တရုတ်နယ်စပ်အနီးက ရွာတစ်ရွာမှာ သူတို့ရဲ့အသင်းဝင် အကူအညီပေးရေးဝန်ထမ်း ၁၅ ဦးကို မြန်မာစစ်တပ်က အောက်တိုဘာ ၂၄ ရက်နေ့မှာ ဖမ်းဆီးလိုက်တယ်လို့ ကချင်နှစ်ခြင်းအသင်းတော် KBC က ဒီကနေ့မှာ ထုတ်ပြန်လိုက်ပါတယ်။

အဲဒီ ၀န်ထမ်း ၁၅ ဦးဟာ မြစ်ကြီးနားကို ပြန်လာစဉ် နမ့်ဆန်ယန်းရွာမှာ ဖမ်းဆီးခံလိုက်ရပြီး ပဋိပက္ခဖြစ်ပွားရာဇုန်အတွင်း ခွင့်ပြုချက်မရှိဘဲ သွားလာမှုအတွက် ဖမ်းတာဖြစ်တယ်လို့ KBC ဥက္ကဌ သိက္ခာတော်ရဆရာတော် Samson က ပြောကြားခဲ့ပါတယ်။

“အဲဒီနေရာက ကန့်သတ်နယ်မြေဖြစ်ပြီး ခရီးသွားဖို့အတွက် တပ်မတော်ရဲ့ ခွင့်ပြုချက် လိုအပ်ပါတယ်။ ခွင့်ပြုချက်မရှိဘဲ သွားရောက်လို့ ကျွန်တော်တို့အသင်းဝင်တွေကို ဖမ်းတယ်လို့ သူတို့က ပြောပါတယ်”

ဖမ်းဆီးခံရသူတွေဟာ အမျိုးသမီး ၈ ဦးနဲ့ အမျိုးသား ၇ ဦးဖြစ်ပြီး ၂ ဦးက KBC ရဲ့ အကြီးတန်း တာဝန်ရှိသူတွေ ဖြစ်ပါတယ်။ ကျောင်းဆရာမတစ်ယောက်လည်း ပါဝင်ပြီး ကျန်တဲ့သူတွေဟာ နယ်စပ်အနီး ဒုက္ခသည်စခန်းက အကူအညီပေးရေး လုပ်သားတွေ ဖြစ်ပါတယ်။

ဖမ်းဆီးထားသူတွေထဲက ၃ ဦးကို ရက်အနည်းငယ်အကြာမှာ ပြန်လွှတ်ပေးခဲ့တယ်လို့ ဆရာတော် Samson က ပြောကြားခဲ့ပါတယ်။

သူတို့ကို ဖမ်းဆီးလိုက်တဲ့နေရာဟာ ကချင်လွတ်မြောက်ရေးအဖွဲ့ KIA ရဲ့ ဌာနချုပ်ရှိရာ လိုင်ဇာအနီးမှာတည်ရှိပြီး အဲဒီပတ်ဝန်းကျင်ကို  မြန်မာစစ်တပ်က အကြီးအကျယ် ကန့်သတ်မှုတွေ လုပ်ထားတာ ဖြစ်ပါတယ်။

ဖမ်းဆီးထားသူတွေကို ဘယ်မှာထိန်းသိမ်းထားလဲဆိုတာ မသိရှိရသေးဘဲ ဆရာတော် Samson က ညှင်းပမ်းနှိပ်စက်ခံရမှာကို စိုးရိမ်နေပါတယ်။

“စစ်ကြောခဲ့တယ်လို့ပဲ ကျွန်တော်တို့ သိရတယ်။ အပြစ်မရှိဘူးလို့တွေ့ရရင် ပြန်လွှတ်ပေးမယ်လို့ သူတို့က ပြောပါတယ်”

ကချင်ဒုက္ခသည်တွေကို ကူညီတွေသူသာ ဖြစ်တဲ့အတွက် ဖမ်းဆီးထားသူတွေကို လွှတ်ပေးဖို့အတွက် ကချင်ပြည်နယ် အစိုးရကို KBC က အသနားခံစာ ပေးပို့ထားပါတယ်။

Ref: Irrawaddy

(ဧရာဝတီအင်္ဂလိပ်ပိုင်းမှ သတင်းကို ကောက်နှုတ်ဘာသာပြန်ဆိုခြင်း ဖြစ်ပါသည်)