ခမာအာဏာရှင်များ၏ ကျူးလွန်မှုများကို လူမျိုးတုန်းသတ်ဖြတ်မှုအဖြစ် ကမ္ဘောဒီးယား သတ်မှတ်

နိုဝင်ဘာ ၁၆၊ ၂၀၁၈
M-Media

– ၁၉၇၅ ခုနှစ်ကနေ ၁၉၇၉ ခုနှစ်အတွင်း ခမာအာဏာရှင်တွေ ကျူးလွန်သတ်ဖြတ်ခဲ့မှုတွေဟာ လူမျိုးတုန်းသတ်ဖြတ်မှု ဖြစ်တယ်လို့ ကုလကျောထောက်နောက်ခံပြု ကမ္ဘောဒီးယား ရာဇ၀တ်ခုံရုံးက ဒီကနေ့မှာ ဆုံးဖြတ်လိုက်ပါတယ်။

တိုင်းပြည်ကို ရက်ရက်စက်စက်အုပ်ချုပ်ခဲ့တဲ့ အဲဒီ ကွန်မြူနစ်အုပ်စု ခေါင်းဆောင်တွေထဲမှာ နံပါတ်နှစ်အစ်ကိုလို့ အမည်တွင်တဲ့ အသက် ၉၂ နှစ်အရွယ် နွမ်ချာနဲ့ အသက် ၈၂ နှစ်အရွယ် ခွီဆမ်ဖန်တို့သာ အသက်ရှင် ကျန်ရစ်ပါတော့တယ်။ သူတို့နှစ်ဦးဟာ သန်းပေါင်းများစွာသော ကမ္ဘောဒီးယားပြည်သူတွေအပေါ် ကျူးလွန်တဲ့ ရာဇ၀တ်မှုတွေအတွက် ၂၀၁၁ ခုနှစ်ကနေ ၂၀၁၄ ခုနှစ် ကြားနာမှုအတွင်း ထောင်ဒဏ်တစ်သက် ချခံထားရသူတွေ ဖြစ်ပါတယ်။

ပိုပေါ့ဦးဆောင်တဲ့ အဲဒီအုပ်စု ကမ္ဘောဒီးယားကို အုပ်စိုးမှုအတွင်း အဓမ္မလုပ်အားခိုင်းစေမှု၊ ငတ်မွတ်ခေါင်းပါးမှု၊ အစုလိုက်အပြုံလိုက် သတ်ဖြတ်မှုတွေကြောင့် လူပေါင်း ၂ သန်းလောက် သေဆုံးခဲ့ပါတယ်။

သူတို့အုပ်စုရဲ့အမှုကို စစ်ဆေးတဲ့ ကမ္ဘောဒီးယား အထူးတရားရုံး ECCC က နွမ်ချာဟာ ဗီယက်နမ်လူမျိုးတွေ၊ အစ္စလာမ်ဘာသာဝင် ချမ်လူမျိုးတွေအပေါ် လူမျိုးတုန်းသတ်ဖြတ်မှုကို ကျူးလွန်ခဲ့ပြီး၊ ပိုပေါ့နဲ့အတူ အာဏာဆုပ်ကိုင်ကာ ဆုံးဖြတ်ချက်တွေ ချမှတ်ခဲ့တဲ့အတွက် ခမာအာဏာရှင်လက်ထက် ရာဇ၀တ်မှုအားလုံးအတွက် အန္တရာယ်ရှိတယ်လို့ ဒီကနေ့မှာ ဆုံးဖြတ်ခဲ့ပါတယ်။

ခွီဆမ်ဖန်ဟာ ဗီယက်နမ်လူမျိုးစုအပေါ် လူမျိုးတုန်းသတ်ဖြတ်မှု ကျူးလွန်တယ်လို့ တရားရုံးက သတ်မှတ်ခဲ့ပါတယ်။

နိုင်ငံတစ်ဝှမ်း အကျဉ်းထောင်တွေနဲ့ အလုပ်စခန်းတွေမှာ ကျူးလွန်ခဲ့တဲ့ ရက်စက်ကြမ်းကြုတ်မှုတွေ၊ အဓမ္မ လက်ထက်ခိုင်းမှု၊ အဓမ္မကျင့်မှု၊ ဗုဒ္ဓဘာသာဝင်တွေအပေါ် ရက်စက်ကြမ်းကြုတ်မှုတွေအတွက်လည်း ဒီခေါင်းဆောင်နှစ်ဦးမှာ အပြစ်ရှိတယ်လို့ တရားရုံးရဲ့ ဆုံးဖြတ်ချက်မှာ ဖော်ပြထားပါတယ်။

တိုင်းပြည်ကို ၄ နှစ်ကြာ အုပ်စိုးခဲ့တဲ့ ခမာကွန်မြူနစ်ခေါင်းဆောင်တွေကို တရားစွဲဆိုဖို့အတွက် ECCC ကို ၂၀၀၆ ခုနှစ်မှာ ဖွဲ့စည်းခဲ့တာဖြစ်ပါတယ်။

အာဏာရှင်ဟောင်း ပိုပေါ့ဟာ ၁၉၉၈ ခုနှစ်မှာ သေဆုံးသွားခဲ့ပြီး နိုင်ငံခြားရေးဝန်ကြီး အီနဂ် ဆာရီနဲ့ သူ့ရဲ့ ဇနီးဖြစ်သူတို့ဟာ တရားစွဲဆိုခြင်း မခံရဘဲ သေဆုံးသွားခဲ့ပါတယ်။

ECCC ဟာ ခမာခေါင်းဆောင် ၃ ဦးကိုသာ ပြစ်ဒဏ်ချမှတ်နိုင်ခဲ့ပြီး ဒီကနေ့ ကြားနာမှုဟာ တရားရုံးရဲ့ နောက်ဆုံးကြားနာမှု ဖြစ်လာနိုင်ပါတယ်။ တရားရုံးသက်တမ်းတစ်လျှောက်မှာ ကမ္ဘောဒီးယားအစိုးရက နိုင်ငံရေးအရ ၀င်ရောက်စွက်ဖက်မှုတွေ ရှိတယ်လို့ စွပ်စွဲခံခဲ့ရပါတယ်။

အရင်က ကွန်မြူနစ်ကေဒါတစ်ယောက်ဖြစ်ခဲ့တဲ့ လက်ရှိဝန်ကြီးချုပ် ဟွန်ဆန်က နောက်ထပ် စုံစမ်းစစ်ဆေးမှုတွေလုပ်ဖို့ ခွင့်မပြုတော့ဘူးလို့ ခြိမ်းခြောက်ထားဖူးပါတယ်။

Ref: Aljazeera, CNA