ဗုဒ္ဓဟူးနေ့မနက် နိုင်ငံတကာသတင်းများ

နိုဝင်ဘာ ၂၈၊ ၂၀၁၈
M-Media

ဟိန္ဒူဘုရားကျောင်းကိစ္စ မလေးရဲတပ်ဖွဲ့က လူတစ်ချို့ကို ထပ်မံဖမ်းဆီး
=============
မလေးရှားနိုင်ငံ ဆူဘန်ဂျာယာမြို့က ဟိန္ဒူဘုရားကျောင်း ရွှေ့ပြောင်းရေးကိစ္စနဲ့ပတ်သက်ပြီး ရဲတပ်ဖွဲ့က မနေ့မှာ လူတစ်ချို့ကို ထပ်ဖမ်းလိုက်ပါတယ်။ မြေပိုင်ဆိုင်ထားတဲ့ ဆောက်လုပ်ရေးကုမ္ပဏီက နှစ်ပေါင်း ၁၀၀ ကျော် သက်တမ်းရှိတဲ့ အဲဒီ ဘုရားကျောင်းကို ဖယ်ရှားဖို့ စီစဉ်နေတာဖြစ်ပြီး ဟိန္ဒူဘာသာဝင်တွေက အစိုးရကပေးထားတဲ့ နေရာသစ်ကို ဘုရားကျောင်းပြောင်းရွှေ့ဖို့ လက်မခံပါဘူး။ ဆောက်လုပ်ရေးကုမ္ပဏီက ကြေးစားတွေလွှတ်ပြီး ဘုရားကျောင်းကိုဖျက်စီးဖို့ ကြိုးစားမှုကြောင့် တနင်္လာနဲ့ အင်္ဂါနေ့တွေမှာ ဟိန္ဒူဘာသာဝင်တွေ ဆန္ဒပြခဲ့ကြပြီး ရုန်းရင်းဆန်ခတ်ဖြစ်ခဲ့ကာ မီးသတ်ကားအပါအ၀င် ကား ၂၃ စီး မီးရှို့ခံခဲ့ရပါတယ်။
မီးသတ်သမားတစ်ဦးနဲ့ ရဲတပ်ဖွဲ့ဝင်တစ်ဦး ဆန္ဒပြသူတွေရဲ့ ရိုက်နှက်ထိုးကြိတ်မှုကို ခံခဲ့ရပြီ မီးသတ်သမားက စိုးရိမ်ရတဲ့အနေအထားမှာ ရှိနေပါတယ်။

မနေ့ညပိုင်းမှာ အင်္ကျီအနက်တွေဝတ်ထားတဲ့မလေးအမျိုးသားတစ်စုဟာ ဟိန္ဒူဘုရားကျောင်းနားကို ကပ်လာခဲ့တာကြောင့် ရဲတပ်ဖွဲ့က လူစုခွဲဖို့ အကြိမ်ကြိမ် သတိပေးခဲ့ပါတယ်။ သတိပေးမှုကို မလိုက်နာတဲ့သူတွေကို ဖမ်းဆီးခဲ့ပါတယ်။ လက်ရှိမှာ ဘုရားကျောင်းနဲ့ ပတ်ဝန်းကျင်မှာ ရဲတပ်ဖွဲ့ဝင် ၁၄၀၀ လောက် ချထားပြီး စောင့်ကြပ်နေပါတယ်။ ရဲတပ်ဖွဲ့ဟာ အင်္ဂါနေ့မှာ လူ ၂၁ ဦးကို ဖမ်းဆီးခဲ့ပါတယ်။

ကာတာအပေါ် ပိတ်ဆို့မှုကို ဆော်ဒီနှင့် အီဂျစ်တို့ ဆက်လုပ်မည်
================
ပြီးခဲ့တဲ့နှစ် ဇွန်လကစပြီး ကာတာအပေါ် ပြုလုပ်ထားတဲ့ ပိတ်ဆို့မှုတွေကို ဆက်လက်ဆောင်ရွက်သွားမယ်လို့ အီဂျစ်နဲ့ ဆော်ဒီတို့က မနေ့မှာ ပြောကြားလိုက်ပါတယ်။ ဆော်ဒီ၊ အီဂျစ်၊ ဘာရိန်းနဲ့ ယူအေအီးတို့က ကာတာဟာ အကြမ်းဖက်ဝါဒကို အားပေးအားမြှောက်ပြုတယ်လို့ စွပ်စွဲကာ ကာတာကို ကုန်းကြောင်း၊ ရေကြောင်း၊ လေကြောင်း အားလုံးအဆက်အသွယ်ဖြတ်တောက် ပိတ်ဆို့ခဲ့တာ ဖြစ်ပါတယ်။ ဆော်ဒီ အိမ်ရှေ့မင်းသား မိုဟာမက် ဘင် ဆလ်မန်ဟာ အီဂျစ်ကို အလည်အပတ်ခရီး ရောက်ရှိနေပြီး မနေ့က အီဂျစ်သမ္မတ အလ်စီစီနဲ့ တွေ့ဆုံခဲ့ပါတယ်။ ပိတ်ဆို့မှုတွေ ဖယ်ရှားဖို့အတွက် ဆော်ဒီဦးဆောင်တဲ့အဖွဲ့က ကာတာကို အချက်တော်တော်များများ တောင်းဆိုထားပြီး အဲဒီအထဲမှာ အလ်ဂျာဇီးရားသတင်းဌာနကို ပိတ်ပစ်ဖို့၊ အီရန်နဲ့ အဆက်အသွယ်ဖြတ်ဖို့၊ နိုင်ငံအတွင်းမှာရှိတဲ့ တူရကီတပ်ဖွဲ့တွေကို
ဖယ်ရှားပေးဖို့ ပါဝင်ပါတယ်။

ဝီဂါကိစ္စ အမေရိကန်အရေးယူလျှင် တုန့်ပြန်မည်ဟု တရုတ်ပြော
======================
ရှင်ကျန်းပြည်နယ်က ၀ီဂါမွတ်စလင်တွေကိစ္စနဲ့ပတ်သက်ပြီး အမေရိကန်က ပိတ်ဆို့မှုတွေလုပ်လာရင် ပြန်လည်တုန့်ပြန်သွားမယ်လို့ အမေရိကန်နိုင်ငံဆိုင်ရာ တရုတ်သံအမတ် ကျွီတင်ကိုင်က ပြောကြားလိုက်ပါတယ်။ တရုတ်အစိုးရဟာ ၀ီဂါမွတ်စလင်တွေအပေါ်ဖိနှိပ်ချုပ်ချယ်မှုတွေ ပြုလုပ်ပြီး တစ်သန်းကျော်လောက်ကိုလည်း အကျဉ်းစခန်းတွေထဲမှာ ထိန်းသိမ်းထားတယ်လို့ ကုလ လူ့အခွင့်အရေး အဖွဲ့က သြဂုတ်လမှာ ပြောကြားခဲ့ပါတယ်။ အဲဒီနောက် နိုင်ငံခြားအစိုးရတွေ၊ လူ့အခွင့်အရေးအဖွဲ့တွေက တရုတ်အစိုးရကို ဝေဖန်ခဲ့ပါတယ်။ ကျွီတင်ကိုင်က သူတို့ဟာ အကြမ်းဖက်သမားတွေကို အသိပညာပေးတာနေတာဖြစ်ပြီး အမေရိကန် IS အဖွဲ့ကို တိုက်ခိုက်မှုနဲ့ ခိုင်းနှိုင်း ပြောဆိုခဲ့ပါတယ်။

Ref : Aljazeera