ဓမ္မတာကာလအတွင်း သီးသန့်နေသည့် နီပေါအမျိုးသမီးတစ်ဦး သေဆုံး

ဖေဖော်ဝါရီ ၅၊ ၂၀၁၉
M-Media

ဓမ္မတာကာလ သီးသန့်တဲတွင် နေထိုင်နေသည့် အမျိုးသမီးတစ်ဦး

– နီပေါနိုင်ငံမှာ ဓမ္မတာလာနေတဲ့အမျိုးသမီးတစ်ဦး သီးသန့်တဲမှာ သွားနေရာကနေ သေဆုံးမှုဖြစ်ပွားခဲ့ပြီး အမျိုးသမီးတွေအပေါ် ဒီလိုခွဲခြားဆက်ဆံမှုတွေ ပပျောက်ရေး ပိုမိုလုပ်ဆောင်ဖို့ တာဝန်ရှိသူတွေက တိုက်တွန်းခဲ့ကြပါတယ်။

ရာစုနှစ်ပေါင်းများစွာ တည်တံ့ခဲ့တဲ့ ဟိန္ဒူထုံးတမ်းဓလေ့မှာ ဓမ္မတာလာနေတဲ့အချိန်နဲ့ မီးဖွားပြီးတဲ့အချိန်တွေမှာ အမျိုးသမီးတွေဟာ ထိတွေ့ကိုင်တွယ်ဖို့ မသင့်ဘူးလို့ သတ်မှတ်ထားပြီး လူသူနဲ့ဝေးရာ သီးခြားနေရာတွေမှာ သွားရောက်နေထိုင်ရပါတယ်။ Chhaupadi လို့ခေါ်တဲ့ ဒီဓလေ့ကို နီပေါနိုင်ငံက နေရာတော်တော်များများမှာ လက်ခံ ကျင့်သုံးကြပါတယ်။

နိုင်ငံအနောက်ပိုင်း ဆူဒါပက်ချင်မ်ပြည်နယ် ဒိုတီခရိုင်က အသက် ၂၁ နှစ်အရွယ် ပါရ်ဘသီ ဘိုဂါတီဟာ သူမရဲ့ ဓမ္မတာကလအတွင်း သီးသန့်နေထိုင်နေတဲ့အချိန်
မနေ့က မီးလှုံဖို့ မီးမွှေးရာကနေ မီးခိုးမွှန်ပြီး သေဆုံးသွားခဲ့ပါတယ်။

ခရိုင်ရဲတပ်ဖွဲ့အကြီးအကဲ လာလာ ဘဟာဒူးရ် ဒါမီက ပါရ်ဘသီဟာ ဓမ္မတာတဲမှာ နေထိုင်ဖို့ စီစဉ်ပေမယ့် လူများနေတာကြောင့် သူ့အိမ်နဲ့ မလှမ်းမကမ်းက လူမနေတဲ့ အိမ်တစ်လုံးမှာ သွားနေရင်း ဒီလို သေဆုံးသွားတာဖြစ်တယ်လို့ ပြောကြားခဲ့ပါတယ်။

Chhaupadi ဓလေ့ထုံးတမ်းကို ၂၀၁၅ ခုနှစ်ကတည်းက နီပေါနိုင်ငံမှာ ပိတ်ပင်ခဲ့တာပါ။ ဒီဓလေ့ကို ကျင့်သုံးမယ်ဆိုရင် ထောင်ဒဏ် ၃ လ ဒါမှမဟုတ် ဒဏ်ငွေ ရူပီး ၃ ထောင် (ကန်ဒေါ်လာ ၃၀) ပေးဆောင်ရမယ်လို့ ပြီးခဲ့တဲ့နှစ်မှာ ဥပဒေ ပြဌာန်းခဲ့ပါတယ်။

ဒါပေမယ့် နိုင်ငံအနောက်ပိုင်းမှာ ဒီဓလေ့ကို အခုအချိန်အထိ ကျင့်သုံးနေကြပြီး ပြီးခဲ့တဲ့ ၃ ပတ်အရင်က အနီးအနား ဘာဂျူရာခရိုင်မှာ အမျိုးသမီးတစ်ဦးနဲ့ သူမရဲ့ သားနှစ်ဦးတို့ သီးသန့်တဲမှာ နေထိုင်နေစဉ် မီးလှုံရာကနေ မီးခိုးမွှန် သေဆုံးခဲ့ပါတယ်။

ဒီသေဆုံးမှုကြောင့် ရွာမှာရှိတဲ့ ဓမ္မတာကာလ သီးသန့်တဲတွေကို ဖြိုဖျက်မှု ဖြစ်ခဲ့ပြီး အာဏာပိုင်တွေကလည်း သတိပေးမှုတွေ ပြုလုပ်ခဲ့ပါတယ်။

ဒီဓလေ့ကို တားမြစ်တဲ့ဥပဒေ ပြဌာန်းရာမှာ ပါဝင်ခဲ့တဲ့ လွှတ်တော်အမတ် ဂန်ဂါ ချောင်ဒရီက ဥပဒေ အမှန်တကယ် သက်ရောက်ဖို့အတွက် ပိုမိုလုပ်ဆောင်ရမယ်လို့ ပြောကြားခဲ့ပါတယ်။

Ref: Aljazeera