နယ်သာလန်နိုင်ငံမှ အစ္စလာမ်ဆန့်ကျင်သည့် နိုင်ငံရေးသမား အစ္စလာမ်ဘာသာသို့ ကူးပြောင်း

ဖေဖော်ဝါရီ ၆၊ ၂၀၁၉
M-Media

အစ္စလာမ်ကိုလက်ခံခဲ့သည့် လက်ယာနိုင်ငံရေးသမား ဂျိုရမ် ဗန် ကလာဗီရန်

– နယ်သာလန်နိုင်ငံက အစ္စလာမ်ဆန့်ကျင်ရေး လက်ယာနိုင်ငံရေးသမား ဂျိုရမ် ဗန် ကလာဗီရန်က သူ့အနေနဲ့ အစ္စလာမ်ဘာသာကို ပြောင်းလဲသက်ဝင်ခဲ့တယ်လို့ တနင်္လာနေ့က မီဒီယာကို ပြောကြားလိုက်ပါတယ်။

အသက် ၃၉ နှစ်အရွယ် ကလာဗီရန်ဟာ နာမည်ကျော် အစ္စလာမ်ဆန့်ကျင်ရေးသမား ဂါ့တ်ဝိုင်းလ်ဒါးရဲ့ လက်ယာပါတီ Freedom Party (PVV) က ပါတီဝင်တစ်ဦးဖြစ်ပြီး အရင်က အစ္စလာမ်ဘာသာကို လူလိမ်ဘာသာလို့ သမုတ်ခဲ့သူ ဖြစ်ပါတယ်။

ဒက်ခ်ျရေဒီယိုတစ်ခုကို ပြောကြားရာမှာ ကလာဗီရန်က အစ္စလာမ်သာသနာနဲ့ ပိုမိုထိတွေ့လာတဲ့အခါ အရင်က အမြင်ဆုိုးတွေ မှားယွင်းကြောင်း သိလာရတယ်လို့ ပြောကြားခဲ့ပါတယ်။

ဒီလိုအထင်မှား အမြင်မှားတွေအတွက် အပြစ်ရှိတယ်လို့ ခံစားရလားလို့ မေးမြန်းရာမှာ ကလာဗီရန် ဒီအမြင်တွေဟာ လုံးဝ မှားယွင်းပြီး PVV ရဲ့ ပေါ်လစီဖြစ်ကြောင်း ပြန်လည်ဖြေကြားခဲ့ပါတယ်။

“ဒီလိုအမှားတွေကို အစ္စလာမ်နဲ့ ဆက်နွယ်နေအောင် တစ်နည်းမဟုတ်တစ်နည်းနဲ့ လုပ်ဆောင်ခဲ့ကြတာပါ”

ကလာဗီရန်ဟာ PVV ပါတီကနေ ၂၀၁၄ ခုနှစ်က နှုတ်ထွက်ခဲ့ပါတယ်။

နယ်သာလန်နိုင်ငံမှာ အစ္စလာမ်ဆန့်ကျင်ရေး လက်ယာနိုင်ငံရေးသမားတွေ အစ္စလာမ်ဘာသာကို ပြောင်းလဲသက်ဝင်တာဟာ ကလာဗီရန်က ပထမဆုံး မဟုတ်ပါဘူး။ နာမည်ကြီး အစ္စလာမ်ဆန့်ကျင်ရေးသမား အာနော့ဒ် ဗန် ဒေါန်ဟာ ၂၀၁၂ ခုနှစ်က အစ္စလာမ်ကို လက်ခံခဲ့ပါတယ်။

ကလာဗီရန်ရဲ့ ဆုံးဖြတ်ချက်အတွက် ဗန်ဒေါန်က ဆိုရှယ်မီဒီယာကနေ ဂုဏ်ပြုခဲ့ပြီး ‘PVV ဟာ အစ္စလာမ်သာသနာ ပေါက်ဖွားရာ နေရာတစ်ခု ဖြစ်လာမယ်ဆိုတာ’ ဘယ်တုန်းကမှ မထင်ခဲ့ဘူးလို့ ပြောကြားခဲ့ပါတယ်။

နယ်သာလန်နိုင်ငံမှာ ခန့်မှန်းခြေ အစ္စလာမ်ဘာသာဝင် ၁ သန်းလောက်ရှိနေပြီး နိုင်ငံလူဦးရေရဲ့ ၅.၈ ရာခိုင်နှုန်းဖြစ်ပါတယ်။

အစ္စလာမ်ဆန့်ကျင်တဲ့ နိုင်ငံရေးသမားတွေ အစ္စလာမ်ဘာသာကို သက်ဝင်ယုံကြည်မှုဟာ ဥရောပက အခြားနိုင်ငံတွေမှာလည်း ရှိနေပါတယ်။ ၂၀၁၈ ခုနှစ်အတွင်း ဂျာမနီနိုင်ငံက အစ္စလာမ်ဆန့်ကျင်ရေး လက်ယာပါတီ AfD ရဲ့ ထိပ်တန်းခေါင်းဆောင် အာသာ ၀ဂ်နာဟာ ပါတီကနေ နှုတ်ထွက်ခဲ့ပြီး အစ္စလာမ်ဘာသာဝင် ဖြစ်လာခဲ့ပါတယ်။

Ref: Moroco World