ထိုင်းရွေးကောက်ပွဲရလဒ် ရှုပ်ထွေးမှုရှိနေ

မတ် ၂၅၊ ၂၀၁၉
M-Media

– တနင်္ဂနွေနေ့က ကျင်းပခဲ့တဲ့ ထိုင်းရွေးကောက်ပွဲ ရလဒ်တွေနဲ့ပတ်သက်လို့ ရှုပ်ထွေးမှုတွေရှိနေပြီး အဓိကနိုင်ငံရေးပါတီတွေကြားထဲမှာလည်း ရလဒ်နဲ့ပတ်သက်လုိ့ အခြေအတင်ဖြစ်နေပါတယ်။

ထိုင်းရွေးကောက်ပွဲကော်မရှင်ဟာ ရလဒ်ထုတ်ပြန်မယ့်အချိန်ကို တနင်္ဂနွေနေ့ ညနေကနေ တနင်္လာနေ့မနက်၊ နောက်ပိုင်းမှာ တနင်္လာနေ့ နေ့လည်အထိ ရွှေ့ပြောင်းခဲ့ပေမယ့် ညနေအထိ ရလဒ်အပြည့်အစုံကို ထုတ်ပြန်နိုင်ခြင်း မရှိသေးပါဘူး။

တိုက်ရိုက်ရွေးကောက်တင်မြှောက်တဲ့ အမတ် ၃၅၀ စာရင်းကို ထုတ်ပြန်ထားရမှာ Pheu Thai ပါတီက ၁၃၈ နေရာနိုင်ကာ၊ စစ်တပ်ကျောထောက်နောက်ခံပြု Palang Pracharat ပါတီက ၉၆ နေရာ နိုင်ထားပါတယ်။ Pheu Thai ပါတီဟာ ၀န်ကြီးချုပ်ဟောင်း သက်ဆင်ရှင်နာဝပ်ထရာရဲ့ ပါတီဖြစ်ပြီး Palang Pracharat ပါတီကတော့ အာဏာသိမ်းစစ်ခေါင်းဆောင် လက်ရှိဝန်ကြီးချုပ် ပရာယွတ်ချန်အိုချာကို သစ္စာခံတဲ့ပါတီ ဖြစ်ပါတယ်။

နိုင်ငံရေးပါတီတွေ အချိုးကျ ၀င်ပြိုင်ရတဲ့ အမတ်နေရာ ၁၅၀ ရဲ့ ရလဒ်စာရင်းတွေကိုတော့ ထုတ်ပြန် နိုင်ခြင်း မရှိသေးပါဘူး။

Pheu Thai ပါတီခေါင်းဆောင် ဆူဒါရတ် ကီယူရာဖန်က သူတို့အနေနဲ့ ညွန့်ပေါင်းအစိုးရဖွဲ့စည်းဖို့ ဆွေးနွေးနေတယ်လို့ ဒီကနေ့မနက်အစောပိုင်းမှာ ပြောကြားခဲ့ပါတယ်။ Pheu Thai ပါတီဟာ ၂၀၀၁ ခုနှစ်ကတည်းက ရွေးကောက်ပွဲတိုင်းမှာ အနိုင်ရခဲ့တဲ့ ပါတီလည်း ဖြစ်ပါတယ်။

ထိုင်းရွေးကောက်ပွဲကော်မရှင်က ရလဒ်တွေ ရှုပ်ထွေးမှုဖြစ်နေတာဟာ မီဒီယာတွေက ကိုယ့်သဘောနဲ့ကိုယ် မဲရုံတွေမှာ မေးမြန်းဖော်ပြမှုတွေကြောင့် ဖြစ်တယ်လို့ ပြောကြားခဲ့ပါတယ်။

Palang Pracharat ပါတီကလည်း သူတို့ဟာ အစိုးရဖွဲ့နိုင်လောက်တဲ့ အမတ်နေရာကို ရရှိခဲ့တယ်လို့ မဲဆန္ဒနယ်တွေမှာ သတင်းတွေ ဖြန့်နေကြပါတယ်။

တနင်္ဂနွေနေ့က ရွေးကောက်ပွဲဟာ ၂၀၁၄ ခုနှစ် စစ်တပ်က အာဏာသိမ်းပြီးနောက် ပထမဆုံးပြုလုပ်တဲ့ ရွေးကောက်ပွဲလည်း ဖြစ်ပါတယ်။ ရွေးကောက်ပွဲမကျင်းပခင်မှာ အာဏာသိမ်းအစိုးရက အခြေခံဥပဒေကို ပြင်ဆင်ကာ အဓိက နိုင်ငံရေးပါတီတွေ အာဏာအားနည်းသွားအောင် လုပ်ဆောင်ခဲ့ပါတယ်။

Ref: Aljazeera