သီရိလင်္ကာတွင် ခရစ်ယာန်ဘုရားကျောင်းနှင့် ဟိုတယ် ၆ ခု ဗုံးခွဲခံရ၊ ၁၅၀ ကျော် သေဆုံး

ဧပြီ ၂၁၊ ၂၀၁၉
M-Media

– သီရိလင်္ကာနိုင်ငံက ခရစ်ယာန်ဘုရားကျောင်း ၃ ခုနဲ့ ဟိုတယ် ၃ ခုမှာ ဒီကနေ့မနက်ပိုင်းက ဗုံးကွဲမှု ဆက်တိုက် ဖြစ်ပွားခဲ့ပြီး အနည်းဆုံး ၁၅၆ ဦးသေဆုံးကာ ၄၀၀ လောက် ဒဏ်ရာရရှိခဲ့တယ်လို့ အာဏာပိုင်တွေက သတင်းထုတ်ပြန်ပါတယ်။

မြို့တော်ကိုလံဘိုက စိန့်အန်ထော်နီ ကက်သလစ်ဘုရားကျောင်းမှာ ပထမဆုံး ဗုံးပေါက်ကွဲတာဖြစ်ပြီး နောက်ထပ် နာရီဝက်အတွင်း အခြားနေရာ ၅ ခုမှာ ထပ်မံ ဗုံးကွဲခဲ့တာ ဖြစ်ပါတယ်။ ဗုံးခွဲခံရတဲ့ ခရစ်ယာန်ဘုရားကျောင်းတွေဟာ နီဂွမ်ဘိုမြို့က စိန့်စီဘက်စတီယန် ဘုရားကျောင်း၊ နိုင်ငံအရှေ့ပိုင်း ဘက်တီကာလိုအာမြို့က ဘုရားကျောင်းတို့ ဖြစ်ပါတယ်။

ဗုံးပေါက်ကွဲတဲ့ ဟိုတယ်တွေက မြို့တော်ကိုလံဘိုရဲ့ အချက်အခြာနေရာတွေမှာရှိတဲ့ Cinnamon Grand၊ Kingsbury နဲ့ Shangri-La ဟိုတယ်တို့ ဖြစ်ပါတယ်။

တိုက်ခိုက်မှုကို ဘယ်အဖွဲ့က လုပ်ဆောင်လည်းဆိုတာ မသိရသေးပါဘူး။

ဘုရားကျောင်းတွေမှာ ၀တ်ပြုဆုတောင်းနေချိန် ဗုံးပေါက်ကွဲခဲ့တာဖြစ်ပြီး စုစုပေါင်း ၁၅၆ ဦးသေဆုံးကာ ၄၀၀ လောက် ဒဏ်ရာရခဲ့တယ်လို့ သိရိလင်္ကာ အာဏာပိုင်တွေက ထုတ်ပြန်ထားပါတယ်။ သေဆုံးသူတွေထဲမှာ နိုင်ငံခြားသား ၃၅ ဦး ပါဝင်ပါတယ်။

သမ္မတ မိုင်သရီပါလာ ဆရီဆီနာက တိုက်ခိုက်မှုကို ဘယ်အဖွဲ့က လုပ်ဆောင်လဲဆိုတာကို စုံစမ်းစစ်ဆေးဖို့အတွက် ရဲအထူးတပ်ဖွဲ့နဲ့ စစ်တပ်တို့ကို အမိန့်ပေးထားတယ်လို့ ပြောကြားခဲ့ပါတယ်။ ၀န်ကြီးချုပ် ရာနီးလ် ၀စ်ကရီမီဆင်ဟီဟာ အစိုးရ၀န်ကြီးတွေ၊ စစ်တပ်အရာရှိတွေနဲ့ အရေးပေါ်အစည်းအဝေးပြုလုပ်ကာ ဒီကိစ္စကို ဆွေးနွေးခဲ့ပါတယ်။

“ကျွန်တော်တို့ပြည်သူတွေအပေါ် ဒီကနေ့ ဒီလိုတိုက်ခိုက်မှုကို ပြင်းပြင်းထန်ထန် ကန့်ကွက် ရှုတ်ချပါတယ်။ ဒီလို ဆိုးဝါးတဲ့အချိန်မှာ စုစုစည်းစည်းနဲ့ ညီညီညွတ်ညွတ်ရှိကြဖို့အတွက် သီရိလင်္ကာပြည်သူတွေကို ကျွန်တော် တိုက်တွန်းပါတယ်။ အတည်မပြုနိုင်တဲ့သတင်းတွေ၊ ကောလဟာလတွေကို ဖြန့်ဝေတာမျိုး မလုပ်ကြပါနဲ့။ အခြေအနေကို ထိန်းသိမ်းဖို့အတွက် အစိုးရဟာ မြန်မြန်ဆန်ဆန် ဆောင်ရွက်နေပါတယ်” လို့ ၀န်ကြီးချုပ်က Twitter စာမျက်နှာမှာ ရေးသားခဲ့ပါတယ်။

လက်ရှိမှာ လေဆိပ်အပါအ၀င် မြို့တော်ကိုလံဘိုနဲ့ နိုင်ငံတစ်ဝှမ်းက အဓိကနေရာတွေမှာ လုံခြုံရေးကို မြှင့်တင်ထားပြီး မြို့တော်ကိုလံဘိုမှာ ညနေ ၆ နာရီနောက်ပိုင်း ညမထွက်ရအမိန့်လည်း ထုတ်ပြန်လိုက်ပါတယ်။

ခွဲထွက်ရေးလိုလားတဲ့ တမီလ်ကျားသူပုန်တွေ အားကောင်းစဉ်က ကိုလံဘိုမှာ ဗုံးပေါက်ကွဲမှုတွေ မကြာခဏ ဖြစ်ပေါ်ဖူးပြီး ၂၀၀၉ ခုနှစ် အစိုးရက ကျားသူပုန်တွေကို အမြစ်ပြတ်ချေမှုန်းပြီးနောက်ပိုင်း ဒီလို အဖြစ်အပျက်မျိုး ထပ်ဖြစ်မလာတော့ပါဘူး။

ခရစ်ယာန်တွေ ဖိနှိပ်ခံရ

သီရိလင်္ကာနိုင်ငံရဲ့ လူဦးရေ သန်း ၇၀ မှာ ၇၀ ရာခိုင်နှုန်းက ဗုဒ္ဓဘာသာဝင်တွေဖြစ်ပြီး ခရစ်ယာန်ဘာသာဝင်ဦးရေက ၇.၆ ရာခိုင်နှုန်း ရှိတယ်လို့ ၂၀၁၂ ခုနှစ် သန်းခေါင်းစာရင်းကောက်ယူမှုအရ သိရပါတယ်။

ခရစ်ယာန်အုပ်စုတွေက သူတို့ဟာ အစွန်းရောက် ဗုဒ္ဓဘာသာဘုန်းကြီးတွေဦးဆောင်တဲ့ အမျိုးသားရေးအဖွဲ့ BBS ရဲ့ တိုက်ခိုက်မှုတွေကို ပြီးခဲ့တဲ့နှစ်တွေမှာ ပိုမိုခံစားလာရတယ်လို့ ပြောကြားထားပါတယ်။

ပြီးခဲ့တဲ့နှစ်အတွင်း ခရစ်ယာန်တွေကို ဦးတည်တဲ့ အကြမ်းဖက်မှု၊ ခြိမ်းခြောက်မှုနဲ့ ခွဲခြားဆက်ဆံမှု စုစုပေါင်း ၈၆ ခု ဖြစ်ပွားခဲ့တယ်လို့ သိရိလင်္ကာ ဧ၀ံဂေလိခရစ်ယာန်မဟာမိတ်အဖွဲ့ NCEASL က ပြောပါတယ်။

သီရိလင်္ကာက လူ့အခွင့်အရေးအခြေအနေနဲ့ပတ်သက်ပြီး အမေရိကန်အစိုးရရဲ့ ၂၀၁၈ ခုနှစ် အစီရင်ခံစာမှာ သီရိလင်္ကာ အာဏာပိုင်တွေကခရစ်ယာန်တွေရဲ့ ၀တ်ပြုဆုတောင်းမှုကို ခွင့်ပြုချက်မဲ့ ပြုလုပ်တယ်လို့ဆိုကာ လာရောက်တားမြစ်မှုတွေ ရှိတယ်လို့ ဖော်ပြထားပါတယ်။ ဒါ့အပြင် ဗုဒ္ဓဘာသာ ဘုန်းကြီးတွေဟာ ခရစ်ယာန်နဲ့ မွတ်စလင်တွေရဲ့ ၀တ်ပြုရာနေရာတွေကို ပိတ်ပစ်ဖို့ ပုံမှန်လိုလို ဆောင်ရွက်နေတယ်လို့လည်း အမည်မဖော်တဲ့ သတင်းရင်းမြစ်တွေကို ကိုးကားပြီး အစီရင်ခံစာမှာ ထည့်သွင်း ရေးသားထားပါတယ်။

Ref: Reuters