Huawei အပေါ် နည်းပညာဆိုင်ရာ ပိတ်ပင်မှုကို အမေရိကန်က ရက် ၉၀ နောက်ရွှေ့

မေ ၂၁၊ ၂၀၁၉
M-Media

-တရုတ်ဆက်သွယ်ရေးကုမ္ပဏီ Huawei အပေါ် အမေရိကန်နည်းပညာတွေ ရောင်းချမှု ပိတ်ပင်တားမြစ်ချက်ကို အမေရိကန်အစိုးရက ရက်ပေါင်း ၉၀ နောက်ဆုတ်ပေးလိုက်ပါတယ်။

Huawei အပါအ၀င် ကမ္ဘ္ဘာတစ်ဝှမ်းက လုပ်ငန်းပေါင်း ၆၈ ခုကို အမေရိကန်က ကြာသာပတေးနေ့မှာ အမည်ပျက်စာရင်း သွင်းခဲ့ပြီး အမေရိကန်နိုင်ငံမှာ ထုတ်လုပ်တဲ့ ကုန်ပစ္စည်းတွေ၊ နည်းပညာတွေကို ၀ယ်ယူခွင့်မရအောင် ပိတ်ပင်လိုက်ပါတယ်။ အဲဒီနောက်ပိုင်းမှာ Google အပါအ၀င် အမေရိကန် နည်းပညာကုမ္ပဏီကြီးတွေက Huawei ကို နည်းပညာတွေ ရောင်းချမှာ
မဟုတ်တော့ဘူးလို့ ကြေငြာခဲ့ပါတယ်။

ဒါပေမယ့် ဒီလို ပိတ်ပင်မှု အတည်ဖြစ်မယ့်ရက်ကို ရက်ပေါင်း ၉၀ အထိ နောက်ဆုတ်မယ်လို့ အမေရိကန် ကုန်သွယ်ရေး ဌာနက ဒီကနေ့မှာ ထုတ်ပြန်ခဲ့ပြီး လက်ရှိ အသုံးပြုနေတဲ့ ကွန်ယက်တွေကို ဆက်လက်ထိန်းသိမ်းဖို့နဲ့ ရှိပြီးသား ဟွာဟေးဖုန်းတွေမှာ ဆော့ဖ်ဝဲတွေကို update လုပ်ပေးနိုင်ဖို့ ဖြစ်တယ်လို့ ပြောကြားခဲ့ပါတယ်။

ဒါပေမယ့် ထုတ်ကုန်အသစ်တွေအတွက် အမေရိကန်ထုတ် ပစ္စည်းတွေကို ၀ယ်ယူမှုကိုတော့ ဆက်လက် ပိတ်ပင်ထားပါတယ်။ အမေရိကန်ကုန်သွယ်ရေးဌာန တာဝန်ရှိသူဟောင်းဖြစ်ပြီး ရှေ့နေ့လည်းဖြစ်တဲ့ ကီဗင် ဝုလ်ဖ်က ဒီလို နောက်ဆုတ်ပေးလိုက်တာဟာ Huawei ထုတ်ပစ္စည်းတွေနဲ့ စနစ်တွေကို အသုံးပြုနေသူတွေအပေါ် မရည်ရွယ်တဲ့ ရိုက်ခတ်မှုတွေ ဖြစ်လာမှာကို ရှောင်ရှားဖို့ ဖြစ်တယ်လို့ သုံးသပ်ခဲ့ပါတယ်။

အမေရိကန်ရဲ့ ဒီကြေငြာချက်နဲ့ပတ်သက်ပြီး Huawei ဖက်က တုန့်ပြန်မှုတစ်စုံတစ်ရာ မပြုလုပ်သေးပါဘူး။

ကုမ္ပဏီကို တည်ထောင်သူ ရင်ကျန့်ဖေက အမေရိကန်ဟာ သူတို့ကုမ္ပဏီရဲ့ အင်အားကို လျှော့တွက်နေကြောင်း၊ ဒီ လုပ်ဆောင်မှုတွေဟာ Huawei ရဲ့ 5G နည်းပညာကို ထိခိုက်မှာမဟုတ်ကြောင်း၊ နောက်ထပ် ၃ နှစ်အတွင်း ဘယ်သူမှ ဒီနည်းညာကို လိုက်မီမှာ မဟုတ်ကြောင်း ဒီကနေ့မှာ ပြောကြားခဲ့ပါတယ်။

Ref: CNA