ပါကစ္စတန်ရှိ ဗလီဝတ်ကျောင်းတော်တစ်လုံး ဗုံးခွဲခံရ၊ ၃ ဦးသေဆုံး

မေ ၂၅၊ ၂၀၁၉
M-Media

-ပါကစ္စတန်နိုင်ငံအနောက်ပိုင်း ကွက်တာမြို့က ဗလီတစ်လုံးမှာ မနေ့က ဗုံးပေါက်ကွဲမှု ဖြစ်ပွားခဲ့တာကြောင့် အနည်းဆုံး ၃ ဦးသေဆုံးပြီး ၂၈ ဦး ဒဏ်ရာရရှိခဲ့ပါတယ်။

ဝတ်ပြုမှုကိုဦးဆောင်မယ့် ရှေ့ဆောင်အီမာမ်ရဲ့ ဘေးနားမှာ ချထားတဲ့ ဖောက်ခွဲရေးပစ္စည်းတစ်ခုဟာ ၀တ်ပြုဆုတောင်းမှုမပြုခင် ပေါက်ကွဲခဲ့တာဖြစ်ပြီး ရှေ့ဆောင်အီမာမ်လည်း သေဆုံးခဲ့ပါတယ်။ ပေါက်ကွဲမှုကြောင့် ဗလီဝတ်ကျောင်းတော်ဟာ ဆိုးဆိုးရွားရွား ပျက်ဆီးခဲ့ပြီး ဒဏ်ရာရရှိသူတွေထဲက ၃ ဦးဟာလည်း စိုးရိမ်ရတဲ့ အခြေအနေမှာ ရှိနေပါတယ်။

တိုက်ခိုက်မှုကို ဘယ်အဖွဲ့အစည်းက ပြုလုပ်လဲဆိုတာ မသိရသေးဘဲ ကွက်တာမြို့ ရဲတပ်ဖွဲ့အကြီးအကဲ အဘ်ဒူလ် ရာဇက် ချီမာက စုံစမ်းစစ်ဆေးမှုတွေ လုပ်ဆောင်နေတယ်လို့ ပြောကြားခဲ့ပါတယ်။

ကွက်တာမြို့ဟာ ပါကစ္စတန်ရဲ့ အကြီးဆုံးနဲ့ လူဦးရေအနည်းဆုံး၊ သဘာဝသယံဇာတ ပေါကြွယ်ဝဆုံးပြည်နယ်ဖြစ်တဲ့ ဘာလိုချစ္စတန်ရဲ့မြို့တော် ဖြစ်ပါတယ်။

ပြီးခဲ့တဲ့နှစ်တွေအတွင်း ဘာလိုချစ္စတန်ပြည်နယ်တစ်ဝှမ်းမှာ တိုက်ခိုက်မှုတွေ ခပ်စိပ်စိပ်ဖြစ်ပွားခဲ့ပြီး ဘာလို့ခ်ျ ခွဲထွက်ရေးသမားတွေ၊ တာလီဘန်အဖွဲ့နဲ့ IS သစ္စာခံအဖွဲ့တွေက ပြုလုပ်တာဖြစ်ပါတယ်။

ပြီးခဲ့တဲ့လက ဗလီအပြင်မှာ အစောင့်ချထားတဲ့ ရဲကားကို ပစ်မှတ်ထားတဲ့ ဗုံးခွဲတိုက်ခိုက်မှုအတွင်း အနည်းဆုံး ရဲတပ်ဖွဲ့ဝင် ၄ ဦး သေဆုံးခဲ့သလို၊ မေလ ၁၂ ရက်နေ့ ဘာ့လို့ခ်ျ ခွဲထွက်ရေးသမားတွေက ပြည်နယ်တောင်ပိုင်း ကွာဒါဆိပ်ကမ်းမြို့က ကြယ် ၅ ပွင့်ဟိုတယ်တစ်ခုကို တိုက်ခိုက်မှုမှာလည်း ရေတပ်စစ်သားတစ်ဦး အပါအ၀င် အနည်းဆုံး ၅ ဦး သေဆုံးခဲ့ပါတယ်။

Ref: Aljazeera