လေပိုင်နက်ထဲဝင်လာသည့် အမေရိကန်ဒရုန်းကို အီရန်ပစ်ချ

ဇွန် ၂၀၊ ၂၀၁၉
M-Media

-နိုင်ငံပိုင်နက်ထဲ ၀င်ရောက်လာတဲ့ အမေရိကန် မောင်းသူမဲ့လေယာဉ်တစ်စင်းကို ဒုံးကျည်နဲ့ ပစ်ချလိုက်တယ်လို့ အီရန် တော်လှန်ရေးအစောင့်တပ်ဖွဲ့က ဒီကနေ့မှာ ထုတ်ပြန်ကြေငြာလိုက်ပြီး အမေရိကန်က လေယာဉ်ဟာ နိုင်ငံတကာ လေပိုင်နက်ထဲမှာ ရှိနေတာလို့ ဆိုပါတယ်။

ဒီအဖြစ်အပျက်ဟာ အီရန်နိုင်ငံတောင်ပိုင်း ကမ်းရိုးတန်းပြည်နယ်တစ်ခုဖြစ်တဲ့ ဟော်မုဇ်ဂန်မှာ ဒီကနေ့ မနက်ပိုင်းက ဖြစ်ပွားခဲ့တာပါ။

“နိုင်ငံတောင်ပိုင်း ဟောမုဇ်ဂန်ပြည်နယ်မှာ အမေရိကန်လုပ် Global Hawk ထောက်လှမ်းရေး ဒရုန်းကို ပစ်ချခဲ့ပါတယ်။ ခူမိုဘာရက် ခရိုင်အနီးက အီရန်လေပိုင်နက်ထဲကို ၀င်ရောက်လာတဲ့အချိန်မှာ ပစ်ချခဲ့တာ ဖြစ်ပါတယ်” လို့ အီရန်တော်လှန်ရေးအစောင့်တပ်ဖွဲ့ IRGC ရဲ့ ၀ဘ်ဆိုက်မှာ ဖော်ပြထားပါတယ်။

အမေရိကန် တာဝန်ရှိသူတွေက မောင်းသူမဲ့လေယာဉ်တစ်စင်း မြေပြင်ကနေ ဝေဟင်ပစ်ဒုံးကျည်နဲ့ ပစ်ချခံလိုက်ရတာကို အတည်ပြုခဲ့ပေမယ့် လေယာဉ်ဟာ အီရန်ပိုင်နက်ထဲကို မရောက်ဘဲ နိုင်ငံတကာ လေပိုင်နက်ထဲမှာပဲ ရှိနေခဲ့တာဖြစ်တယ်လို့ ပြောကြားခဲ့ကြပါတယ်။

နှစ်နိုင်ငံ တင်းမာမှုတွေ မြင့်တက်နေတဲ့အချိန် ပေါ်ပေါက်လာတဲ့ ဒီအဖြစ်အပျက်ဟာ အမေရိကန်ရဲ့ ပိုင်ဆိုင်မှုတစ်ခုကို အီရန်က တိုက်ရိုက်တိုက်ခိုက်မှုလည်း ဖြစ်ပါတယ်။ ပစ်ချမှုနဲ့ပတ်သက်တဲ့ အသေးစိတ်အချက်အလက်ကို အီရန်က ထုတ်ပြန်ခြင်း မရှိသေးပါဘူး။

အီရန်တော်လှန်ရေးအစောင့်တပ်ဖွဲ့ အကြီးအကဲ ဗိုလ်ချုပ် ဟိုစိန် ဆာလာမီက မိမိတို့အနေနဲ့ အခြားတိုင်းပြည်တွေနဲ့ စစ်တိုက်ဖို့ ဆန္ဒမရှိပေမယ့် စစ်ပွဲအတွက် အဆင်သင့်ဖြစ်နေတယ်ဆိုတဲ့ ‘သတင်းစကား’ ကို ရှင်းရှင်းလင်းလင်းပေးလိုက်တာဖြစ်တယ်လို့ ပြောကြားခဲ့ပါတယ်။

အီရန် နိုင်ငံတော်လုံခြုံရေးကောင်စီ အတွင်းရေးမှူးကလည်း မိမိတို့ပိုင်နက်ကို ချိုးဖောက်မှုအပေါ် ပြတ်ပြတ်သားသား တုန့်ပြန်သွားမယ်လို့ Tasnim သတင်းဌာနကို ပြောကြားခဲ့ပါတယ်။

Ref: Aljazeera