မောင်တောမှ အိုးအိမ်စွန့်ခွာရသူများအတွက် အိန္ဒိယက နေအိမ် ၂၅၀ ဆောက်ပြီး လွှဲပြောင်းပေးအပ်

ဇူလိုင် ၁၀၊ ၂၀၁၉
M-Media

-ရခိုင်ပြည်နယ်မြောက်ပိုင်း မောင်တောမြို့မှာ ပဋိပက္ခတွေကြောင့် အိုးအိမ်စွန့်ခက်ပြေးခဲ့ရတဲ့ ရခိုင်၊ ဟိန္ဒူနဲ့ ရိုဟင်ဂျာမိသားစုတွေ နေထိုင်ဖို့အတွက် ဆောက်လုပ်ပြီးသား အိမ် အလုံး ၂၅၀ ကို အိန္ဒိယနိုင်ငံက မြန်အစိုးရထံ လွှဲပြောင်းပေးခဲ့ပါတယ်။

အဲဒီအိမ်တွေဟာ ၂၀၁၇ ခုနှစ် ဒီဇင်ဘာလအတွင်း နှစ်နိုင်ငံ လက်မှတ်ရေးထိုးခဲ့တဲ့ သဘောတူညီချက်ထဲက တစ်စိတ်တစ်ပိုင်း ဖြစ်ပြီး၊ အိမ်တွေ လွှဲပြောင်းပေးခဲ့မှုအကြောင်းကို နှစ်ဖက် အာဏာပိုင်တွေက အင်္ဂါနေ့မှာ သတင်းထုတ်ပြန်ခဲ့ပါတယ်။

ဒီစီမံကိန်းအတွက် မြန်မာအစိုးရက မြေနေရာ ၃ ခု သတ်မှတ်ပေးခဲ့ပြီး အိမ်တွေကို ဟိန္ဒူ၊ ရိုဟင်ဂျာနဲ့ ရခိုင်လူ့အဖွဲ့အစည်းတွေထံ ခွဲဝေပေးခဲ့ပါတယ်။ အိမ်တွေရဲ့ အကျယ်အ၀န်းဟာ စကွဲယားမီတာ ၄၀ ရှိပါတယ်။ နေအိမ်တွေ ဆောက်လုပ်မှုအတွင်း ဒေသခံလူ့အဖွဲ့အစည်းဟာ အလုပ်အကိုင်အခွင့်အလမ်းတွေ ရရှိခဲ့ပါတယ်။

အိန္ဒိယက ဆောက်လုပ်ပေးခဲ့တဲ့ နေအိမ် ၂၅၀ မှာ ၁၄၈ လုံးက ဟိန္ဒူလူ့အဖွဲ့အစည်းအတွက်ဖြစ်ပြီး၊ ၆၀ က ရိုဟင်ဂျာ လူ့အဖွဲ့အစည်း၊ ၄၂ လုံးက ရခိုင်လူ့အဖွဲ့အစည်းတွေအတွက် ဖြစ်ပါတယ်။ အိမ်တွေကို မီးလိုင်းတွေ တပ်ဆင်ပေးထားပြီး၊ ရွာသားတွေ လာရောက်နေထိုင်ချိန်အမီ ဇူလိုင်လကုန်ပိုင်းမှာ ရေပိုက်လိုင်းတွေလည်း တပ်ဆင်ဖို့ ရှိနေပါတယ်။

မြန်မာအာဏာပိုင်တွေဟာ ဟိန္ဒူတွေနေထိုင်တဲ့ ရွှေဇားရွာကိုသာ ဂျာနယ်လစ်တွေကို ခေါ်ဆောင် ပြသခဲ့ပြီး၊ ရိုဟင်ဂျာတွေရဲ့ ကြိမ်ချောင်းတောင်ရွာနဲ့ ရခိုင်တွေရဲ့ နန့်သာတောင်ရွာတို့ကို မပြခဲ့ပါဘူး။

ရခိုင်ပြည်နယ်က အိုးအိမ်စွန့်ခွာထွက်ပြေးရသူတွေ နေထိုင်နိုင်ရေးအတွက် တရုတ်နဲ့ ဂျပန်တို့ကလည်း နေအိမ်တွေ ဆောက်လုပ်ပေးနေပါတယ်

မြန်မာနဲ့ အိန္ဒိယတို့ရဲ့ ၂၀၁၇ ခုနှစ် သဘောတူညီချက်အရ အိန္ဒိယဟာ နောက်ထပ် အိမ်အလုံးပေါင်း ၇၅၀ ဆောက်လုပ်ပေးဖို့ ကျန်ရှိနေသေးပြီး စီမံကိန်း ပြီးစီးမယ့် အချိန်အတိအကျကို မသတ်မှတ်ရသေးပါဘူး။

Ref: CNA