အင်္ဂါနေ့ ဘောလုံးသတင်းများ

စက်တင်ဘာ ၂၄၊ ၂၀၁၉
M-Media

ဖီဖာ၏ အကောင်းဆုံးကစားသမားဆု မက်ဆီ ၆ ကြိမ်မြောက် ဆွတ်ခူး
================
ကမ္ဘ္ဘာ့ဘောလုံးအဖွဲ့ချုပ် ဖီဖာက ၂၀၁၉ ခုနှစ်အတွက် ကမ္ဘ္ဘာ့အကောင်းဆုံး ဘောလုံးသမားဆုကို မနေ့က မီလန်မြို့မှာပေးအပ်ခဲ့ရာမှာ ဘာစီလိုနာတိုက်စစ်မှူး လီယွန်နယ် မက်ဆီက ရရှိသွားခဲ့ပါတယ်။ အသက် ၃၂ နှစ်အရွယ် မက်ဆီဟာ ဒီဆုကို ၆ ကြိမ်မြောက်ရရှိခဲ့တာဖြစ်ပြီးအခုနှစ်မှာ လီဗာပူးလ်နောက်ခံလူ ဗန်ဒိုက်၊ ဂျူဗင်တပ်စ်တိုက်စစ်မှူး ရော်နယ်ဒိုတို့ကို ကျော်ဖြတ်နိုင်ခဲ့တာ ဖြစ်ပါတယ်။

အကောင်းဆုံးနည်းပြဆုကိုတော့ လီဗာပူးလ်နည်းပြ ယာဂန်ကလော့ပ်က ဂွါဒီယိုလာနဲ့ပိုက်ချက်တီနိုတို့ကို ကျော်ပြီး ရရှိခဲ့ပါတယ်။ အကောင်းဆုံး အမျိုးသမီး ဘောလုံးသမားဆုကို အမေရိကန်တိုက်စစ်မှူး မီဂန် ရာပီနိုးက ရရှိခဲ့ပါတယ်။

ဘောလုံးပရဟိတအဖွဲ့သို့ ၀င်ကာ လှူဒါန်းမည်ဟု ကလော့ပ်ကြေငြာ
=================
ဘောလုံးသမားတွေနဲ့ နည်းပြတွေ စုဖွဲ့ထားတဲ့ ပရဟိတအဖွဲ့ Common Goal မှာ အသင်းဝင်ဖြစ်ပြီး လှူဒါန်းမှုတွေ ပြုလုပ်သွားမယ်လို့ လီဗာပူးလ်နည်းပြ ယာဂန်ကလော့ပ်က မနေ့ကပြုလုပ်တဲ့ ဖီဖာ ဆုပေးပွဲအခမ်းအနားမှာ ပြောကြားလိုက်ပါတယ်။ Common Goal အဖွဲ့ကို မန်ယူကွင်းလယ်လူ ဂျူအန်မာတာက ၂၀၁၇ ခုနှစ် သြဂုတ်လမှာ စတင်တည်ထောင်ခဲ့တာဖြစ်ပြီး အဖွဲ့ဝင်တွေဟာ ရတဲ့လစာရဲ့ ၁ ရာခိုင်နှုန်းကို လှူဒါန်းရတာပါ။ အသက် ၅၂ နှစ်အရွယ် ကလော့ပ်ဟာ တစ်နှစ်ကို ပေါင် ၁၀ သန်းလောက် ၀င်ငွေရှိနေတာဖြစ်ပါတယ်။ အဖွဲ့ဝင်ဖြစ်ရတဲ့အတွက် ပျော်ရွှင်မိပြီး အဖွဲ့ကိုမသိရင် Google မှာရှာဖွေကာ အသင်းဝင်နိုင်တယ်လို့လည်း ကလော့ပ်က ထည့်သွင်း ပြောဆိုခဲ့ပါတယ်။

အောင်မြင်မှုပြန်ယူရန် မန်ယူတစ်သင်းလုံး စိတ်ပိုင်းဖြတ်ထား
=======================
အောင်မြင်မှုတွေ၊ ဖလားတွေ ရရှိအောင် လုပ်ဆောင်ဖို့အတွက် အသင်းကလူတိုင်းဆုံးဖြတ်ချက် ချထားတယ်လို့ မန်ယူအသင်းရဲ့ အမှုဆောင်ဒုတိယဥက္ကဌ အဒ် ၀ုဒ်ဝါ့ဒ်က ပြောကြားလိုက်ပါတယ်။ နည်းပြ ဖာဂူဆန် ထွက်ခွာသွားတဲ့ ၂၀၁၃ ခုနှစ်နောက်ပိုင်း ၆ ရာသီမှာ မန်ယူဟာ တစ်ရာသီသာ အဆင့် ၃ နေရာဝင်နိုင်ခဲ့ပြီး၊ ၃ ရာသီကတော့ချန်ပီယံလိဂ် မ၀င်နိုင်ခဲ့ပါတယ်။ အခုနှစ်မှာလည်း ၆ ပွဲကစားပြီးချိန် အဆင့် ၈ နေရာကိုရောက်ရှိနေပါတယ်။ ဝုဒ်ဝါ့ဒ်က ၀င်ငွေအရကြည့်ရင် အသင်းက အောင်မြင်နေပေမယ့် ဆုဖလားတွေရရှိအောင်လုပ်ဆောင်သွားမယ်ဆိုတဲ့ ရည်မှန်းချက်ကို ဘယ်တော့မှပြောင်းလဲမှာမဟုတ်ဘူးလို့ ထည့်သွင်းပြောဆိုခဲ့ပါတယ်။

Ref: BBC