အကြမ်းဖက်တိုက်ဖျက်ရေး အစ္စလာမ့်မဟာမိတ်ဌာနချုပ်သို့ အင်ဒိုစစ်တပ် သွားရောက်လေ့လာ

အောက်တိုဘာ ၂၄၊ ၂၀၁၉
M-Media

-အင်ဒိုနီးရှားစစ်တပ်က အကြမ်းဖက်တိုက်ဖျက်ရေး ကျောင်းသားတွေဟာ ဆော်ဒီအာရေဗျနိုင်ငံ ဂျစ်ဒါမြို့မှာရှိတဲ့ အကြမ်းဖက်တိုက်ဖျက်ရေး အစ္စလာမ့်မဟာမိတ်အဖွဲ့ (IMCTC) ဌာနချုပ် ကို မနေ့က သွားရောက်ပြီး အဖွဲ့ရဲ့လုပ်ငန်းတွေကို လေ့လာခဲ့တယ်လို့ သိရပါတယ်။

ကျောင်းသားတွေကို IMCTC အဖွဲ့ရဲ့ အတွင်းရေးမှူး ဗိုလ်ချုပ် မိုဟာမက် ဘင် စအစ် အလ်-မိုဂ်ဟီဒီက လက်ခံတွေ့ဆုံ ရှင်းလင်းခဲ့ပါတယ်။

IMCTC ဟာ အကြမ်းဖက်ဝါဒတိုက်ဖျက်ရေး၊ အစွန်းရောက်အယူဝါဒ တိုက်ဖျက်ရေးကို ပညာရေး၊ မီဒီယာ၊ ဘဏ္ဍာရေး၊ စစ်ရေးနည်းလမ်းတွေ စသဖြင့် နည်းလမ်းပေါင်းစုံအသုံးပြုကာ တိုက်ဖျက်နေပြီး အသေးစိတ်အချက်အလက်တွေကို ဗိုလ်ချုပ် အလ်-မိုဂ်ဟီဒီက ရှင်းပြခဲ့ပါတယ်။

အကြမ်းဖက်တိုက်ဖျက်ရေး အစ္စလာမ့်မဟာမိတ်အဖွဲ့ကို ၂၀၁၅ ခုနှစ် ဒီဇင်ဘာလမှာ အဖွဲ့ဝင် ၃၄ နိုင်ငံနဲ့ စတင်ဖွဲ့စည်းခဲ့ပြီး လက်ရှိအချိန်မှာတော့ ၄၁ နိုင်ငံအထိ ရှိလာပြီဖြစ်ပါတယ်။ အကြမ်းဖက်တိုက်ဖျက်ရေးအတွက် အဖွဲ့နိုင်ငံတွေအချင်းချင်း ပူးပေါင်းဆောင်ရွက်နေပြီး အဖွဲ့ကို ပါကစ္စတန်စစ်တပ် အကြီးအကဲဟောင်း ရဟီးလ်ရှရစ်ဖ်က ကွပ်ကွဲပါတယ်။

IMCTC အဖွဲ့ရဲ့ ရည်ရွယ်ချက်ဟာ အစ္စလာမ့်တန်ဖိုးတွေ၊ လွတ်လပ်ရေး၊ ညှိနှိုင်းပူးပေါင်းရေး စတာတွေအပေါ် အခြေခံပြီး နိုင်ငံတကာ ဥပဒေ၊ စည်းကမ်းနဲ့ သတ်မှတ်ချက်တွေအတိုင်း လုပ်ငန်းတွေကို ဆောင်ရွက်နေတယ်လို့ ဗိုလ်ချုပ် အလ်-မိုဂ်ဟီဒီက အင်ဒိုနီးရှားကျောင်းသားတွေကို ထည့်သွင်း ရှင်းလင်းခဲ့ပါတယ်။

Ref: Arab News