လူသေအလောင်းများနှင့် သင်္ဘောပျက်တစ်စီး ဂျပန်ကမ်းရိုးတမ်းကို ရောက်လာ

ဒီဇင်ဘာ ၃၀၊ ၂၀၁၉
M-Media

-လူသေအလောင်း ၇ လောင်းပါဝင်ပြီး ပျက်ဆီးနေတဲ့ သစ်သားစက်လှေတစ်စီး ဂျပန်နိုင်ငံ ဆာဒိုကျွန်းတစ်ခုက ကမ်းရိုးတန်းတစ်ခုကို ပြီးခဲ့တဲ့တစ်ပတ် နှောင်းပိုင်းမှာ ရောက်ရှိလာခဲ့ပါတယ်။

သင်္ဘောပျက်ကို ရဲတပ်ဖွဲ့ဝင်တွေနဲ့ ကမ်းရိုးတန်းအစောင့်တပ်ဖွဲ့ဝင်တွေ တက်ရောက်ရှာဖွေရာမှာ ဦးခေါင်းပြတ် ၂ ခုနဲ့ အလောင်း ၇ လောင်းကို တွေ့ခဲ့ရပြီး၊ အလောင်းတစ်ချို့ဟာ အရိုးကျနေပြီလို့ အာဏာပိုင်တွေက ထုတ်ပြန်ခဲ့ပါတယ်။

ကိုယ်ထည်က နံပါတ်ပြား၊ ကိုရီးယားဘာသာနဲ့ရေးထားတဲ့ စာတွေကို ကြည့်ပြီး သင်္ဘောဟာ မြောက်ကိုရီးယားနိုင်ငံက မျောလာတာဖြစ်မယ်လို့ ကောက်ချက်ချခဲ့ပါတယ်။ အရင်က ဂျပန်ကမ်းရိုးတန်းကို မြောက်ကိုရီးယားက သင်္ဘောပျက်တွေ ကမ်းလာတင်ဖူးပြီး ghost ship (တစ္ဆေသင်္ဘော) လို့ လူသိများပါတယ်။

မြောက်ကိုရီးယားက စက်လှေတော်တော်များများဟာ ပင်လယ်ပြင်ခရီးဝေးသွားဖို့ လုံလောက်တဲ့ ပစ္စည်းကိရိယာတွေမရှိဘဲ ဂျပန်ပင်လယ်က ပြင်းထန်တဲ့ ရာသီဥတု‌ကြောင့် ပျက်ဆီးတာဖြစ်တယ်လို့ ယူဆထားကြပါတယ်။

Ref: CNN