ဇန်နဝါရီ ၆၊ ၂၀၂၀
M-Media

လူမျိုးရေးခွဲခြားသည့် လာဇီယိုပရိတ်သတ်များကို ဘာလော့တယ်လီ ရှုတ်ချ

မနေ့က စီးရီးအေ အိမ်ကွင်းပွဲစဉ်မှာ လူမျိုးရေးခွဲခြားစော်ကားခဲ့တဲ့ လာဇီယိုပရိတ်သတ်တွေကို ဘရက်စီယာတိုက်စစ်မှူး ဘာလော့တယ်လီက ‌ဝေဖန်ရှုတ်ချလိုက်ပါတယ်။ စီးရီး‌အေးမှာ ပရိတ်သတ်တွေရဲ့ လူမျိုးရေးခွဲခြားစော်ကားမှုဟာ ကျယ်ကျယ်ပြန့်ပြန့် ဖြစ်ပေါ်နေပြီး ဘာလော့တယ်လီကလည်း ဒီလိုအခြေအနေမျိုးကို မကြာခဏ ခံစားနေရပါတယ်။ မနေ့ကပွဲစဉ်မှာ ဘာလော့တယ်လီအပေါ် လူမျိုးရေးခွဲခြားမှုကြောင့် ပွဲကိုခဏတာ ရပ်ဆိုင်းခဲ့ရပါတယ်။ ဘာလော့တယ်လီက လာဇီယို ပရိတ်သတ်တွေ အရှက်မရှိဘူးလို့ ပွဲအပြီး ဆိုရှယ်မီဒီယာမှာ ရေးသားခဲ့ပါတယ်။

ကစားသမားသစ်များ၏ စွမ်းဆောင်ရည်ကို လီဗာပူးလ်နည်းပြ ချီးကျူး

အသင်းရဲ့စွမ်းဆောင်ရည်ဟာ အလွန်အမင်း ကောင်းမွန်နေတယ်လို့ ဒီကနေ့မနက် အဲဗာတန်အသင်းကို အနိုင်ရတဲ့ FA ဖလားပွဲအပြီးမှာ လီဗာပူးလ်နည်းပြ ယာဂန်ကလော့ပ်က ပြောကြားလိုက်ပါတယ်။ ပရီးမီးယားလိဂ်ကို ၁၃ မှတ်ဖြတ် ဦးဆောင်ထားနိုင်တဲ့ လီဗာပူးလ်ဟာ မနက်ကပွဲမှာ ၉ နေရာအထိ အပြောင်းအလဲလုပ်ကာ ကစားသမားသစ်တွေ ထည့်သွင်းကစားခဲ့ပေမယ့် ခြေစွမ်းကောင်း ပြသနိုင်ခဲ့ပြီး ၁ ဂိုး ဂိုးမရှိတဲ့ အနိုင်ရခဲ့ပါတယ်။ ကလော့ပ်က ကစားသမားသစ်တွေရဲ့ စွမ်းဆောင်အတွက် ကျေနပ်မိတယ်လို့ ဆိုပါတယ်။

FA ဖလားတွင် အနိုင်ရလိုစိတ်ပြင်းပြရန် အာဆင်နယ်အသင်းကို နည်းပြတိုက်တွန်း

အသင်းအနေနဲ့ FA ဖလားကို အာရုံစိုက်ကာ အနိုင်ရလိုစိတ် ပြင်းပြဖို့လိုတယ်လို့ အာဆင်နယ် နည်းပြ မီခေးလ် အာတီတာက ပြောကြားလိုက်ပါတယ်။ ပြီးခဲ့တဲ့ ၆ နှစ်အတွင်း ၃ ကြိမ်အပါအဝင် FA ဖလား စုစုပေါင်း ၁၃ ကြိမ် ရရှိထားတဲ့ အာဆင်နယ်ဟာ တတိယအဆင့်ပွဲစဉ်အဖြစ် ဒီကနေ့ညမှာ လိဒ်ယူနိုက်တက်အသင်းနဲ့ ကစားရမှာပါ။ ပြီးခဲ့တဲ့လက ၃ နှစ်ခွဲစာချုပ်နဲ့ နည်းပြအဖြစ် ပြန်ရောက်လာတဲ့ ကစားသမားဟောင်း အာတီတာက ချိမြိန်တဲ့အတွေ့အကြုံမျိုးကို အသင်းမှာ ဆက်လက်မွေးမြူထားသင့်တယ်လို့လည်း ဆိုပါတယ်။

Ref: Aljazeera, BBC