COVID-19 စိုးရိမ်မှုကြောင့် မလေးရှားဝန်ကြီးချုပ်ဟောင်း မဟာသီကို အခြေအနေစောင့်ကြည့်နေ

မတ် ၂၀၊ ၂၀၂၀
M-Media

-COVID-19 ကူးစက်နေတဲ့ လွှတ်တော်အမတ်တစ်ဦးနဲ့ ထိတွေ့ဆက်ဆံခဲ့တဲ့ မလေးရှားဝန်ကြီးချုပ်ဟောင်း မဟာသီယာ မိုဟာမက်ဟာ လက်ရှိမှာ သီးခြားနေထိုင်နေပြီး အခြေအနေကို စောင့်ကြည့်နေတယ်လို့ သူ့ရဲ့ ပြောရေးဆိုခွင့်ရှိသူက မနေ့မှာ သတင်းထုတ်ပြန်ပါတယ်။

မဟာသီနဲ့ ထိတွေ့ဆက်ဆံခဲ့တဲ့ လွှတ်တော်အမတ်ဟာ ဒေါက်တာ ကယ်လ်ဗင် ယီ လီ ၀မ်ဖြစ်ပြီး ဗိုင်းရပ်စ်ကူးစက်နေကြောင်း မတ်လ ၁၇ ရက်နေ့တုန်းက Facebook စာမျက်နှာမှာ လွှင့်တင်ခဲ့တာပါ။ ဒေါက်တာကယ်လ်ဗင်ဟာ အခြားလွှတ်တော်အမတ်တစ်ဦးထံကနေ ကူးစက်ခံခဲ့ရတာဖြစ်ပြီး လက်ရှိ ဆာရာဝပ်ဆေးရုံမှာ ဆေးကုသမှုခံယူနေပါတယ်။

အသက် ၉၅ နှစ်အရွယ်ရှိပြီဖြစ်တဲ့ မဟာသီက ဒီကိစ္စကိုဖြေရှင်းရေး စည်းကမ်းလိုက်နာဖို့ လိုအပ်တယ်လို့ ပြည်တွင်းရုပ်သံနဲ့ အင်တာဗျူးမှာ ပြောကြားခဲ့ပါတယ်။

“၁၄ ရက်လောက် အိမ်မှာ သီးခြားနေထိုင်ဖို့ လိုအပ်ပါတယ်။ ဒီလိုလုပ်ခြင်းအားဖြင့် အခြားလူတွေထံ ဗိုင်းရပ်စ်ပြန့်နှံနိုင်ခြေ နည်းသွားမယ်။ အခုဆိုရင် ကျွန်တော် အိမ်မှာနေထိုင်နေတယ်။ အပြင်ထွက်လို့မရသလို၊ လူတွေနဲ့ တွေ့ဆုံလို့လည်း မရပါဘူး။ လက်ဆွဲလည်း မနှုတ်ဆက်နိုင်ဘူး။ ဒါပေမယ့် ဘုရားသခင်အလိုတော်နဲ့ ဒါဟာ ကျွန်တော့်အတွက် မခက်ခဲပါဘူး”

Ref: The Star