အိန္ဒိယက နိုင်ငံတံခါးပိတ်ထားမှုကို နောက်ထပ် ၂ ပတ် သက်တမ်တိုးမည်

ဧပြီ ၁၁၊ ၂၀၂၀
M-Media

-ကိုရိုနာဗိုင်းရပ်စ် ကူးစက်မှုကြောင့် တစ်နိုင်ငံလုံး ၃ ပတ်ကြာ တံခါးပိတ်ထားမှုနဲ့ ရွေ့လျားသွားလာမှု ကိန့်သတ်မိန့်ကို အိန္ဒိယက နောက်ထပ် ၂ ပတ် သက်တမ်းတိုးဖို့ ရှိနေပါတယ်။

တံခါးပိတ်ထားမှုဟာ အင်္ဂါနေ့မှာ ပြီးဆုံးမှာ ဖြစ်ပါတယ်။ လက်ရှိ အိန္ဒိယမှာ ကူးစက်သူ ၇၅၀၀ နဲ့ သေဆုံးသူ ၂၄၀ ဦး ရှိနေတာပါ။ ဝန်ကြီးချုပ် မိုဒီဟာ တိုင်းပြည် တံခါးပိတ်ထားမှုကို နောက်ထပ် ၂ ပတ် သက်တမ်းတိုးဖို့ စီစဉ်နေတယ်လို့ ဒီကနေ့ ဗီဒီယိုအစည်းအဝေးပြီးတဲ့နောက် ပြည်နယ်ဝန်ကြီးချုပ်တွေက သတင်းထောက်တွေကို ပြောကြားခဲ့ပါတယ်။

လူဦးရေ သန်း ၁၃၀၀ ကျော်ရှိတဲ့ အိန္ဒိယနိုင်ငံရဲ့ တံခါးပိတ်မှု၊ လှုပ်ရှားသွားလာမှု ကန့်သတ်မှုဟာ ကမ္ဘာပေါ်မှာ အကြီးဆုံးလည်း ဖြစ်ပါတယ်။

တိုင်းပြည်တံခါးပိတ်မှုကြောင့် သန်းနဲ့ချီတဲ့ပြည်သူတွေ အလုပ်လက်မဲ့ဖြစ်တဲ့အတွက် တိုင်းပြည်စီးပွားရေးအပေါ် ထိခိုက်မှု ရှိနိုင်တယ်ဆိုတဲ့ စိုးရိမ်မှုတွေ၊ မြို့ကြီးတွေက အလုပ်လက်မဲ့ဖြစ်တဲ့သူတွေ အစုလိုက်အပြုံလိုက် ရွာပြန်ကြတာကြောင့် ရောဂါ ပြန့်နှံနိုင်တယ်ဆိုတယ် စိုးရိမ်မှုတွေလည်း ရှိနေပါတယ်။

Ref: CNA