မြောက်ကိုရီးယားခေါင်းဆောင် ကိုးမားဖြစ်နေသည်ဟု သတင်းထွက်

သြဂုတ် ၂၄၊ ၂၀၂၀
M-Media

မြောက်ကိုရီးယားခေါင်းဆောင် ကင်ဂျုံအွန်ဟာ သတိလစ်မေ့မြောတဲ့အဆင့်ကို ရောက်နေပြီး တိုင်းပြည်ကို ညီမနဲ့ အနီးကပ်အကြံပေးတွေက စီမံနေတယ်လို့ တောင်ကိုရီးယား မီဒီယာတွေက ရေးသားဖော်ပြခဲ့ပါတယ်။

ကင်ဂျုံအွန်ကို လူမြင်ကွင်းမှာ နောက်ဆုံးတွေ့ရတာက လွန်ခဲ့တဲ့ ၃ ရက် ကြာသာပေတးနေ့မှာဖြစ်ပြီး အလုပ်သမားပါတီ ဗဟိုကော်မတီရဲ့ အစည်းအ၀ေးကို တက်ရောက်ခဲ့တာပါ။

တောင်ကိုရီးယားသမ္မတဟောင်း ကင်မ်ဒေဂျွန်ရဲ့ အကြံပေး ဖြစ်ခဲ့ဖူးသူ ချန်ဆွန်မင်က ကင်ဂျုံအွန်ဟာ ကိုးမားအခြေအနေကို ရောက်နေပြီး သူ့ကိုဆက်ခံမယ့် အဖွဲ့ကို မဖွဲ့ရသေးကြောင်း မနေ့က မီဒီယာတွေကို ပြောကြားခဲ့ပါတယ်။

တောင်ကိုရီးယား နာမည်ကြီး သတင်းဌာန Yonhap က ကင်ဂျုံအွန်ဟာ ညီမဖြစ်သူ ကင်ယိုဂျွန်နဲ့ အနီးကပ်အကြံပေးတွေကို အဖွဲ့တစ်ခုဖွဲ့ကာ တိုင်းပြည်ကို စီမံဖို့ တာ၀န်ပေးခဲ့ကြောင်း တောင်ကိုရီးယား ထောက်လှမ်းရေးအေဂျင်စီ ရင်းမြစ်ကို ကိုးကားပြီး ဖော်ပြခဲ့ပါတယ်။

မေလတုန်းကလည်း ကင်ဂျုံအွန် သေဆုံးသွားပြီဆိုတဲ့ သတင်းတွေထွက်ခဲ့ပါတယ်။ မြောက်ကိုရီးယားခေါင်းဆောင်ဟာ ရောဂါကြောင့် လူမြင်ကွင်းကနေ ရက် ၂၀ ကြာ ပျောက်ကွယ်သွားပြီးတဲ့နောက် နောက်ပိုင်းမှာ ပြန်ပေါ်လာခဲ့ပါတယ်။

Ref: Alarabiya