စက်တင်ဘာ ၂၈၊ ၂၀၂၀
M-Media

ပင်နယ်တီစည်း ကျယ်ကျယ်လိုချင်သည့် ဆိုလ်ရှားဟု မောရင်ဟို စကားနာထိုး

မန်ယူနည်းပြဟာ ဂိုးစည်း ပိုကျယ်ကျယ်လိုချင်သူတစ်ဦး ဖြစ်တယ်လို့ စပါးနည်းပြ မော်ရင်ဟိုက ပြောကြားလိုက်ပါတယ်။

နောက်ဆုံးမိနစ် ပင်နယ်တီနဲ့ ၃ မှတ်ရခဲ့တဲ့ ဘရိုက်တန်နဲ့ပွဲအပြီးမှာ ဆိုးလ်ရှားက မော်ရင်ဟိုရဲ့ ဂိုးတိုင်တွေ အတိအကျတိုင်းရမယ်ဆိုတဲ့စကားကို ဟာသပြောခဲ့ပါတယ်။

မော်ရင်ဟိုက ဆိုးလ်ရှားဟာ ၁၈ ဂိုက်ဂိုးစည်းကို ၂၂ ဂိုက်အထိချဲ့ကာ ပင်နယ်တီပိုရချင်သူလို့ နယူးကာဆယ်ကို ၁ ဂိုစီး သရေကျပြီးတဲ့နောက်မှာ ပြန်တုန့်ပြန်ခဲ့ပါတယ်။

ပရီးမီးယားလိဂ်အသင်းများက အသင်းငယ်များကို ကူညီပံ့ပိုးမည်

ပရီးမီးယားလိဂ် ကလပ်တွေက အောက်တန်းမှာရှိတဲ့ အသင်းငယ်လေးတွေကို ငွေရေးကြေးရေး ကူညီပံ့ပိုးပေးမယ့် သဘောတူညီချက်တစ်ခု မကြာခင် ရရှိတော့မှာ ဖြစ်ပါတယ်။

ကိုဗစ်ကပ်ရောဂါကြောင့် ကွင်းအတွင်း ပရိတ်သတ်တွေ ၀င်ရောက်ကြည့်ရှုခွင့်ပေးမယ့် အစီအစဥ်ကို ရပ်ဆိုင်းထားရတဲ့အချိန် ပထမတန်း၊ ဒုတိယတန်းလို အမှတ်ပေးပြိုင်ပွဲတွေက အသင်းငယ်လေးတွေဟာ ဘဏ္ဏာရေး ပြဿနာတွေနဲ့ ရင်ဆိုင်နေရပါတယ်။

ဗြိတိန် ယဥ်ကျေးမှု၀န်ကြီး အိုလီဗာ ဒိုဒန်က ပရီးမီယားလိဂ် အသင်းတွေဟာ ဘောလုံးလောကတစ်ခုလုံးကို ဖေးမဖို့ လိုအပ်လာပြီလို့ ပြောကြားခဲ့ပါတယ်။ ပရီးမီးယားလိဂ် တာ၀န်ရှိသူတွေနဲ့ အဂ်လိပ် အမှတ်ပေးဘောလုံးပြိုင်ပွဲ တာ၀န်ရှိသူတွေဟာ လက်ရှိမှာ ဆွေးနွေးမှုတွေ ပြုလုပ်နေပြီး လာမယ့်ရက်ပိုင်းအတွင်း ကြေငြာမှာ ဖြစ်ပါတယ်။

အသင်းသစ်နဲ့ ပထမဆုံးပွဲမှာ စံချိိန်တစ်ခု ယူနိုင်ခဲ့တဲ့ ဆွာရက်ဇ်

အက်သလက်တီကိုတိုက်စစ်မှူးသစ် ဆွာရက်ဇ်ဟာ မနေ့က ဂရာနာဒါကို အနိုင်ရတဲ့ပွဲမှာ ၂ ဂိုး သွင်းယူခဲ့ပြီး အသလက်တီကို သမိုင်းတစ်လျှောက် ပွဲဦးထွက်မှာ ၂ ဂိုးသွင်းကာ အသင်းဖော်တွေဂိုးရအောင် ဖန်တီးပေးနိုင်ခဲ့တဲ့ ပထမဆုံး ကစားသမားအဖြစ် မှတ်တမ်း၀င်ခဲ့ပါတယ်။

ဆွာရက်ဇ်ကတော့ ကစားသမားတစ်ဦးအနေနဲ့ အပြောင်းအလဲလုပ်ဆောင်ဖို့ အရေးကြီးကြောင်း၊ အက်သလက်တီကိုဟာ အလွန်ထူးခြားတဲ့ ကြိုဆိုမှုမျိုးနဲ့ ကြိုဆိုခဲ့ပြီး ဒါက မိမိကို အားဖြစ်စေကြောင်း ပွဲအပြီးမှာ ပြောကြားခဲ့ပါတယ်။

ဘာစီလိုနာမှာ တတိယမြောက် ဂိုးအများဆုံးသွင်းတဲ့ ကစားသမားအဖြစ် မှတ်တမ်းရေးထိုးခဲ့တဲ့ ဆွာရက်ဇ်ဟာ သောကြာနေ့ကမှ အက်သလက်တီကိုမက်ဒရစ်ကို ပြောင်းလာတာ ဖြစ်ပါတယ်။

Ref : BBC, Goal