ထိန်းသိမ်းထားသည့် မြန်မာနိုင်ငံသား ၁၂၀၀ ကို မလေးရှားက ပြန်ပို့မည်

ဖေဖော်ဝါရီ ၁၂၊ ၂၀၂၁
M-Media

-နေထိုင်အလုပ်လုပ်ခွင့် အထောက်အထားမရှိတာကြောင့် ဖမ်းဆီးခံထားရတဲ့ မြန်မာနိုင်ငံသား ၁၂၀၀ ကို သင်္ဘောတွေနဲ့ ပြန်လည်ပို့ဆောင်ပေးသွားမယ်လို့ မလေးရှားနိုင်ငံက မနေ့မှာ ထုတ်ပြန်ပြောကြားလိုက်ပါတယ်။

အာဏာသိမ်းစစ်ကောင်စီက စစ်သင်္ဘော ၃ စီး လွှတ်ပေးမယ်လို့ ကွာလာလမ်ပူမှာရှိနေတဲ့ မြန်မာသံရုံးကနေတစ်ဆင့် မလေးရှားအစိုးရကို ပြီးခဲ့တဲ့တစ်ပတ်မှာ အသိပေးခဲ့တာပါ။ လ၀က စခန်းတွေမှာ ထိန်းသိမ်းခံထားရတဲ့ မြန်မာနိုင်ငံသား ၁၂၀၀ ကို မလေးရှားက ပြန်ပို့မှာ ဖြစ်ပါတယ်။

မြန်မာဖက်က စစ်သင်္ဘောတွေဟာ ဖေဖော်ဝါရီ ၂၁ ရက်နေ့ မလေးရှားနိုင်ငံကိုရောက်ကာ ၂၃ ရက်နေ့မှာ ပြန်လည်ထွက်ခွာဖို့ စီစဉ်ထားပါတယ်။

မလေးရှား လူဝင်မှုကြီးကြပ်ရေး ဝန်ကြီးဌာနက ညွှန်ကြားရေးမှူးချုပ် ခိုင်ရွလ် ဇိုင်မီ ဒါဝူးဒ်နဲ့ ကွာလာလမ်ပူမြို့ မြန်မာသံရုံးက အလုပ်သမားရေးရာ တာဝန်ရှိသူ ဦးဝင်းမင်းစိုးတို့က ဒီသတင်းကို အတည်ပြုခဲ့ပါတယ်။

Ref: Starit Times