ဖေဖော်ဝါရီ ၂၄၊ ၂၀၂၁
M-Media

-ဘန်ကောက်ကိုရောက်ရှိနေတဲ့ အာဏာသိမ်းစစ်ကောင်စီက နိုင်ငံခြားရေးဝန်ကြီး ဦး၀ဏ္ဏမောင်လွင်နဲ့ ထိုင်း၊ အင်ဒိုနီရှား နိုင်ငံခြားရေးဝန်ကြီးတို့ ဒီနေ့ညနေပိုင်းမှာ ၃ ပွင့်ဆိုင် တွေ့ဆုံဖို့ရှိကြောင်း ဘန်ကောက်ပို့စ်က ရေးသားဖော်ပြပါတယ်။

ဦး၀ဏ္ဏမောင်လွင်ဟာ ဒီနေ့မနက်ပိုင်းက စစ်လေယာဉ်နဲ့ ဘန်ကောက်ကို ရောက်ရှိခဲ့ပြီး ထိုင်းနိုင်ငံခြားရေးဝန်ကြီး ဒွန် ပရာမုဒ်ဝီနိုင်၊ အင်ဒိုနီးရှားနိုင်ငံခြားရေးဝန်ကြီး မာဆူဒီတို့နဲ့ သီးခြားစီ တွေ့ဆုံခဲ့ကြောင်း ထိုင်းနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ တာနီ ဆန်ဂရက်က ဘန်ကောက်ပို့စ်ကို အတည်ပြုထားပါတယ်။

အင်ဒိုနိုင်ငံခြားရေးဝန်ကြီးဟာ ဖေဖော်ဝါရီ ၂၅ ရက်နေ့ မြန်မာနိုင်ငံကို လာမယ်လို့ သတင်းတွေ ထွက်ခဲ့ပြီး၊ အင်ဒိုနီးရှား နိုင်ငံခြားရေးဝန်ကြီးဌာနကတော့ ဒီသတင်းကို ငြင်းပါတယ်။

Ref: Bangkok Post