စစ်ကောင်စီ၏ တပ်မတော်နေ့အခမ်းအနားကို ၈ နိုင်ငံ တက်ရောက်

မတ် ၂၇၊ ၂၀၁
M-Media

-အာဏာသိမ်းစစ်ကောင်စီက ဒီကနေ့ကျင်းပတဲ့ ၇၆ နှစ်မြောက် တပ်မတော်နေ့ အခမ်းအနားကို နိုင်ငံ ၈ နိုင်ငံက ကိုယ်စားလှယ်တွေ တက်ရောက်ခဲ့တယ်လို့ Nikkei Asia သတင်းဌာနက ဖော်ပြပါတယ်။

ရုရှား၊ တရုတ်၊ အိန္ဒိယ၊ ပါကစ္စတန်၊ ဘင်္ဂလားဒေ့ရှ်၊ ဗီယက်နမ်၊ လာအိုနဲ့ ထိုင်းနိုင်ငံတို့ဖြစ်ပြီး စစ်သံမှုးတွေ စေလွှတ်ခဲ့တာပါ။ ရုရှားနိုင်ငံကတော့ ဒုတိယ ကာကွယ်ရေးဝန်ကြီးကိုပါ စေလွှတ်ခဲ့ပါတယ်။

ဖေဖော်ဝါရီ ၁ ရက်နေ့က ရွေးကောက်ခံအစိုးရကို ဖြုတ်ချအာဏာသိမ်းခဲ့ပြီး၊ နောက်ပိုင်းမှာ ပြည်သူလူထုအပေါ်ကို အကြမ်းဖက်သတ်ဖြတ်မှုတွေကြောင့် စစ်ကောင်စီရဲ့ တပ်မတော်နေ့အခမ်းအနား ဖိတ်ကြားမှုကို နိုင်ငံခြားတိုင်းပြည် တော်တော်များများက ငြင်းဆိုခဲ့ပါတယ်။

NCA လက်မှတ်ရေးထိုးထားတဲ့ ပြည်တွင်းက လက်နက်ကိုင်တွေကိုလည်း စစ်ကောင်စီက ဖိတ်ကြားခဲ့ပြီး အချို့သာ တက်ရောက်ခဲ့ကြပါတယ်။

Ref: Nikkei Asia