စစ်ကောင်စီတက်လာပြီးနောက်ပိုင်း တယ်လီနောကုမ္ပဏီ အကြီးအကျယ် အရှုံးပေါ်

မေ ၄၊ ၂၀၂၁
M-Media

-စစ်အာဏာသိမ်းပြီးနောက်ပိုင်း ကန့်သတ်မှုတွေ၊ ထိခိုက်မှုတွေကြောင့် မိမိတို့ကုမ္ပဏီဟာ အမေရိကန်ဒေါ်လာ သန်း ၄၇၀ လောက် အရှုံးပေါ်ခဲ့ပြီး မြန်မာနိုင်ငံရဲ့ အနာဂတ်စီးပွားရေးအခြေအနေဟာ မသေချာတဲ့အနေအထားကို ရောက်နေပြီလို့ တယ်လီနော ကုမ္ပဏီက ပြောကြားလိုက်ပါတယ်။

အမေရိကန်ဒေါ်လာ သန်း ၄၇၀ လောက် အရှုံးပေါ်ခဲ့ပြီး မြန်မာနိုင်ငံရဲ့ အနာဂတ်စီးပွားရေးအခြေအနေဟာ မသေချာတဲ့အနေအထားကို ရောက်နေပြီလို့ တယ်လီနော ကုမ္ပဏီက ပြောကြားလိုက်ပါတယ်။

အာဏာသိမ်းစစ်ကောင်စီဟာ ပြည်သူလူထုရဲ့ ဆက်သွယ်ရေးကို အကြီးအကျယ် ကန့်သတ်ထားပြီး မိုဘိုင်းအင်တာနက်၊ ၀ိုင်ဖိုင်အင်တာနက်တွေကို ဖြတ်တောက်ထားပါတယ်။

ပြီးခဲ့တဲ့ ၃ လအတွင်း မိမိတို့ရဲ့ ဖုန်းဆင်းကတ်ကို သုံးစွဲသူအရေအတွက် ၂ သန်းတိုးလာပြီး စုစုပေါင်း ၁၈.၂ သန်း ရှိလာခဲ့ပေမယ့် စစ်ကောင်စီက အင်တာနက်လိုင်းတွေ ဖြတ်တောက်ထားတာကြောင့် ဝင်ငွေ ထက်ဝက်လောက် ကျဆင်းသွားတယ်လို့ တယ်လီနောကုမ္ပဏီရဲ့ ထုတ်ပြန်ချက်မှာ ဖော်ပြထားပါတယ်။

“ပုံမှန်မဟုတ်ဘဲ မသချာမရေရာ စိုးရိမ်စရာကောင်းတဲ့အခြေအနေမျိုးကို ကျွန်တော်တို့ တွေ့နေရတယ်။ စီးပွားရေးအလားအလာ၊ လုံခြုံရေးနဲ့ လူ့အခွင့်အရေးချိုးဖောက်မှုတွေက ဆိုးဝါးလာတာကြောင့် ရှေ့ဆက်ပြီး ပိုကောင်းလာမယ့် အနေအထားမျိုး သိပ်မမြင်ပါဘူး”

အခုနှစ် ဇန်နဝါရီလကနေ မတ်လအထိ တယ်လီနောဟာ နော်ဝေ ကရိုနာ ၃.၉ ဘီလီယံ (ကန်ဒေါ်လာ သန်း ၄၇၀) လောက်အရှုံးပေါ်ခဲ့ပါတယ်။ ၂၀၂၀ ခုနှစ် ပထမ ၃ လပတ်မှာ ကရိုနာ ၆၉၈ သန်းလောက် တယ်လီနောလက မြတ်ခဲ့တာ ဖြစ်ပါတယ်။

ဒီလိုအရှုံးပေါ်တာဟာ မြန်မာနိုင်ငံမှာရှိတဲ့ သူတို့ရဲ့ ပိုင်ဆိုင်မှုတွေ ထိခိုက်ပျက်ဆီးခဲ့လို့ ဖြစ်တယ်လို့ တယ်လီနောက ပြောပါတယ်။

လက်ရှိမှာတော့ ကုမ္ပဏီဝန်ထမ်းတွေ ဘေးအန္တရာယ်ကင်းရှင်းရေး၊ သုံးစွဲသူတွေကို အပြည့်အ၀ ဝန်ဆောင်မှုပေးနိုင်ရေးနဲ့ ပွင့်လင်းမြင်သာမှုရှိရေး အလေးထားဆောင်ရွက်နေတယ်လို့လည်း ကုမ္ပဏီက ဆိုပါတယ်။

Ref: Business Recorder