အင်္ဂါဂြိုဟ်၏ ပထမဆုံး မြေပြင်ဓာတ်ပုံကို တရုတ်က ထုတ်ပြ

မေ ၂၀၊ ၂၀၂၁
M-Media

-အင်္ဂါဂြိုဟ်ဆင်းယာဉ်ငယ်ကနေ ပထမဆုံး ပေးပို့တဲ့ ဓာတ်ပုံကို တရုတ်နိုင်ငံက မနေ့မှာ ထုတ်ပြလိုက်ပါတယ်။

တရုတ်ရဲ့ အင်္ဂါဂြိုဟ်သွား အာကာယာဉ် Tianwen-1 ကနေ ဂြိုဟ်ဆင်းယာဉ် Zhurong ဟာ စနေနေ့က အင်္ဂါဂြိုဟ်ပေါ်ကို အောင်မြင်စွာ ဆင်းသက်နိုင်ခဲ့ပါတယ်။ တရုတ်နိုင်ငံရဲ့ သမိုင်းဝင်အောင်မြင်မှုဖြစ်ပြီး အမေရိကန်ပြီးရင် အင်္ဂါဂြိုဟ်ပေါ် ယာဉ်စေလွှတ်နိုင်တဲ့ ဒုတိယမြောက်နိုင်ငံအဖြစ် မှတ်တမ်းဝင်ခဲ့ပါတယ်။

Zhurong က ပေးပို့တဲ့ ပထမဆုံးဓာတ်ပုံဟာ အင်္ဂါဂြိုဟ်မြေပြင်ကို ရိုက်ကူးထားတာပါ။ ယာဉ်ငယ်ဟာ အင်္ဂါဂြိုဟ် မြေပြင်နဲ့ လေထုကို ၃ လကြာ လေ့လာစူးစမ်းမှာဖြစ်သလို၊ ဓာတ်ပုံတွေနဲ့ ပထဝီဆိုင်ရာ အချက်အလက်တွေကိုလည်း စုဆောင်းမှာ ဖြစ်ပါတယ်။

တရုတ်ဟာ အခုနှစ်မကုန်ခင်မှာ အကာသစခန်း ဆောက်လုပ်ပြီးစီးဖို့ ရည်ရွယ်ထားပြီး စခန်းရဲ့ ပထမဆုံးအစိတ်အပိုင်းကို ပြီးခဲ့တဲ့လမှာ အာကာသထဲ လွှတ်တင်နိုင်ခဲ့ပါတယ်။

Ref: Aljazeera