အိန္ဒိယမှ ဆယ်ကျော်သက် စစ်တုရင်ကစားသမား ကမ္ဘာ့ချန်ပီယံကို အနိုင်ယူ

ဖေဖော်ဝါရီ ၂၃၊ ၂၀၂၂
M-Media

-အိန္ဒိယနိုင်ငံက အသက် ၁၆ နှစ်အရွယ် စစ်တုရင် ကစားသမား ရာမရှ်ဘာဘူ ပရက်နာနန်ဒါဟာ နိုင်ငံတကာ ပြိုင်ပွဲတစ်ခုမှာ ကမ္ဘာ့နံပါတ်တစ်ကစားသမား မဂ္ဂနက်စ် ကာလ်ဆန်ကို အနိုင်ရရှိခဲ့ပါတယ်။

တနင်္လာနေ့က ကျင်းပပြုလုပ်တဲ့ Airthings Masters အွန်လိုင်း အမြန်ရွှေ့ စစ်တုရင်ပြိုင်ပွဲမှာ ရွှေ့ကွက် ၃၉ ကွက်အတွင်း အောင်ပွဲရခဲ့တာ ဖြစ်ပါတယ်။

ရာမရှ်ဘာဘူဟာ အသက် ၁၀ နှစ်အရွယ် ၂၀၁၆ ခုနှစ်က စစ်တုရင်အားကစားမှာ အမြင့်ဆုံးဖြစ်တဲ့ ‘Grandmaster’ အဆင့်ကို ရရှိခဲ့တာဖြစ်ပြီး သမိုင်းတစ်လျှောက် ဒီဘွဲ့ကိုရတဲ့ အသက်အငယ်ဆုံးကစားသမားအဖြစ် မှတ်တမ်းဝင်ခဲ့ပါတယ်။

၂၀၁၃ ခုနှစ်မှာ ပထမဆုံး စစ်တုရင် ကမ္ဘာ့ချန်ပီယံဖြစ်ခဲ့တဲ့ ကာလ်ဆန်ဟာ ပြီးခဲ့တဲ့နှစ် ဒီဇင်ဘာလမှာ ၅ ကြိမ်မြောက် ချန်ပီယံဘွဲ့ကို ထပ်မံဆွတ်ခူးခဲ့ပါတယ်။ ကာလ်ဆန်ကို အနိုင်ရတဲ့ ကစားသမားတွေထဲမှာ ရာမရှ်က အငယ်ဆုံးပါ။

ကမ္ဘာ့ချန်ပီယံ ၅ ကြိမ်ဖြစ်ဖူးပြီး ကာလ်ဆန်ကိုလည်း အနိုင်ရဖူးတဲ့ အိန္ဒိယ စစ်တုရင်ကစားသမား ဗစ်ဝါနာသန် အာနန်က ရာမရှ်ရဲ့ အောင်မြင်မှုအတွက် ဂုဏ်ယူတယ်လို့ Twitter စာမျက်နှာမှာ ရေးသားခဲ့ပါတယ်။

ရာမရှ်ဟာ ကာလ်ဆန်မတိုင်ခင်ကပွဲမှာ Grandmaster တစ်ယောက်ဖြစ်တဲ့ လီဗွန်အေရိုနီယန်ကို အနိုင်ရခဲ့ပါတယ်။

နည်းပြ အာရ်ဘီရာမက်ရှ်က ပြီးခဲ့တဲ့ ၆ လအတွင်း ရာမရှ်ဘာဘူရဲ့ ရလဒ်တွေဟာ အတက်အကျ မြန်လွန်းနေတယ်လို့ မှတ်ချက်ပေးခဲ့ပါတယ်။

“ဒီလိုအတက်အကျမြန်နေမှုက စိုးရိမ်စရာဖြစ်ပြီး တည်ငြိမ်နေဖို့ လိုအပ်ပါတယ်။ ကာလ်ဆန်ကို အနိုင်ရလိုက်တာကလည်း အရေးပါပါတယ်။ စစ်တုရင်သမိုင်းတစ်လျှောက် အကောင်းဆုံးကစားသမားတွေထဲက တစ်ဦးကို နိုင်လိုက်တာဟာ သူ့အတွက် ကြီးမားတဲ့ အောင်မြင်မှုပါ”

Ref: Aljazeera