လျှပ်စစ်ဓာတ်အားအတွက် ဆော်ဒီက အသေးစားနျူဓာတ်ပေါင်းဖိုများ ဆောက်မည်

မတ် ၂၇၊ ၂၀၂၂

M-Media 

– အသေးစားနျူဓာတ်ပေါင်းဖိုတွေ ပြည်တွင်းမှာ တည်ဆောက်သွားဖို့ စိတ်၀င်စားနေတယ်လို့ ဆော်ဒီ စွမ်းအင်၀န်ကြီး မင်းသား အဘ်ဒူလ် အဇစ် ဘင် ဆလ်မန်က ပြောပါတယ်။ 

GEC2022 အစည်းအ၀ေးမှာ ဒီလိုမှတ်ချက်ပေးလိုက်တာဖြစ်ပြီး ၀ေးလံခေါင်ဖျားတဲ့ဒေသတွေမှာ လျှပ်စစ်ဓာတ်အားပေးဖို့ ဖြစ်တယ်လို့ ဆိုပါတယ်။ 

ဓာတ်ပေါင်းဖိုတွေကို ဆော်ဒီက ပြည်တွင်းမှာ ကိုယ်ပိုင်ငွေနဲ့ တည်ဆောက်ဖို့ ကြံရွယ်နေတာဖြစ်ပါတယ်။ 

မင်းသား အဘ်ဒူလ်အဇစ်က ကမ္ဘာကြီးကို အန္တရာယ်ဖြစ်နိုင်မှုကို လျှော့ချဖို့အတွက် ဆော်ဒီဟာ ပြည်တွင်းမှာပဲ နည်းပညာတွေကို ဖန်တီးထုတ်လုပ်သွားမယ်လို့ ထည့်သွင်းပြောကြားခဲ့ပါတယ်။ 

“ကိုယ်တိုင်သုံးဖို့ပစ္စည်းကို သူများက လာဆောက်ပေးရတာမျိုး အနာဂတ်မှာ ရှိလာမှာမဟုတ်တော့ပါဘူး။ ကျွန်တော်တို့ကတော့ ကိုယ်သုံးဖို့အတွက် ကိုယ့်ဟာကိုယ်ဆောက်မှာပါ”

ဆော်ဒီဟာ ၂၀၃၀ ရည်မှန်းချက်ချထားပြီး စီးပွားရေး၊ လူမှုရေးနဲ့ နည်းပညာတွေမှာ အကြီးအကျယ် ပြောင်းလဲတိုးတက်အောင် ဆောင်ရွက်နေတာဖြစ်ပါတယ်။ 

Ref: Arab News