လူထုမကြိုက်သောကြောင့် အစိုးရအဖွဲ့တစ်ခုလုံးနီးပါး နှုတ်ထွက်

ဧပြီ ၄၊ ၂၀၂၂

M-Media

-စီးပွားရေးပြဿနာကြောင့် လူထုအုံကြွမှု အကြီးအကျယ်ဖြစ်နေတဲ့ သီရိလင်္ကာနိုင်ငံမှာ မနေ့က အစိုးရအဖွဲ့ တစ်ခုလုံးနီးပါး ရာထူးကနေ နှုတ်ထွက်သွားခဲ့ပါတယ်။ 

အစိုးရအဖွဲ့၀င် ၂၈ ဦး ရှိရာမှာ သမ္မတ ဂိုတာဘာယာ ရာဂျာ ပက်ဆာနဲ့ သူ့ရဲ့ညီ ၀န်ကြီးချုပ် မာဟင်ဒါ ရာဂျာပက်ဆာတို့ကလွဲပြီး ၀န်ကြီး ၂၆ ဦးစလုံး နှုတ်ထွက်သွားခဲ့ကြတာ ဖြစ်ပါတယ်။ 

အစိုးရမှာ နိုင်ငံခြားငွေ လုံလုံလောက်လောက် မရှိတော့တာကြောင့် လောင်စာဆီ၊ အခြခံအစားအသောက်တွေ၊ ဆေး၀ါးတွေကို နိုင်ငံခြားက မတင်သွင်းနိုင်တော့ဘဲ ပြတ်လတ်နေတာပါ။ 

ဒီကိစ္စကို ဖြေရှင်းမပေးနိုင်တဲ့အတွက် သီရိလင်္ကာပြည်သူတွေဟာ ပြီးခဲ့တဲ့တစ်ပတ်ကစလို့ အကြီးအကျယ် ဆန္ဒပြခဲ့ကြပြီး အရေးပေါ်အခြေအနေ ထုတ်ပြန်ပေမယ့်လည်း ဆန္ဒပြမှုက ရပ်ဆိုင်းမသွားပါဘူး။ 

သမ္မတ ဂိုတာဘာယာဟာ အစိုးရအဖွဲ့မှာ ဆွေမျိုးတွေကို ရွေးခန့်ထားပြီး၊ အခုနှုတ်ထွက်သွားတဲ့ ၀န်ကြီးတွေထဲမှာ ဂိုတာဘာယာရဲ့ အမျိုး ၃ ဦးဖြစ်တဲ့ ဘဏ္ဍာရေး၀န်ကြီး၊ စိုက်ပျိုးရေး၀န်ကြီးနဲ့ အားကစား၀န်ကြီးတို့ ပါ၀င်ပါတယ်။ 

ဂိုတာဘာယာကတော့ နိုင်ငံရေးအတိုက်အခံအဖွဲ့တွေကို ဖိတ်ခေါ်ပြီး ဒီပြဿနာကို ဖြေရှင်းရေး ကူညီပေးဖို့ တောင်းဆိုထားပါတယ်။ 

Ref: Reuters