ပါကစ္စတန်တွင် ၀န်ကြီးချုပ်အပြောင်းအလဲဖြစ်

ဧပြီ ၁၁၊ ၂၀၂၂

M-Media 

-၀န်ကြီးချုပ် အင်မရန်းခန်းကို အယုံအကြည်မရှိအဆို တင်သွင်းကာ ပြီးခဲ့တဲ့တစ်ပတ်က ဖြုတ်ချခဲ့ပြီးတဲ့နောက် ပါကစ္စတန်လွှတ်တော်ဟာ အတိုက်အခံခေါင်းဆောင် ရှဟ်ဘက်ဇ် ရှရှစ်ဖ်ကို ၀န်ကြီးချုပ်သစ်အဖြစ် ဒီကနေ့မှာ ရွေးချယ်လိုက်ပါတယ်။ 

အသက် ၇၀ အရွယ်ရှိပြီဖြစ်တဲ့ ရှဟ်ဘက်ဇ်ဟာ နိုင်ငံရေးသမားတစ်ယောက်ထက် အုပ်ချုပ်ရေးဖက်မှာ ထူးချွန်သူအဖြစ် ပြည်တွင်းမှာ လူသိများပါတယ်။ 

ပါကစ္စတန်၀န်ကြီးချုပ်အဖြစ် သုံးကြိမ်ဆက် တာ၀န်ထမ်းဆောင်ခဲ့တဲ့ နာ၀က်ဇ်ရှရစ်ဖ်ရဲ့ညီလည်း ဖြစ်ပါတယ်။ ရှဟ်ဘက်ဇ်ဟာ နိုင်ငံခြားရေးနဲ့ ကာကွယ်ရေးမူ၀ါဒတွေကို ချမှတ်တဲ့ စစ်တပ်နဲ့ ဆက်ဆံရေးကောင်းသူပါ။ 

၀န်ကြီးချုပ် အင်မရန်းခန်းကို ဖြုတ်ချရေးမှာ အတိုက်အခံ မဟာမိတ်ခေါင်းဆောင်အဖြစ် ရှဟ်ဘက်ဇ်က ဦးဆောင်ခဲ့ပါတယ်။ အင်မရန်းခန်းကတော့ သူ ဖြုတ်ချခံရမှုမှာ အမေရိကန်က အနောက်ကနေ ကြိုးကိုင်ခဲ့တယ်လို့ စွပ်စွဲခဲ့ပါတယ်။ 

၀န်ကြီးချုပ်သစ် မရွေးမီ အင်မရန်းခန်းပါတီ PTI က လွှတ်တော်အမတ်တွေအားလုံး အမတ်အဖြစ်ကနေ နှုတ်ထွက်ပြီး ဆန္ဒပြခဲ့ပါတယ်။ 

၁၉၄၇ ခုနှစ် ဗြိတိန်ထံကနေ လွတ်လပ်ရေးရပြီးတဲ့နောက်ပိုင်း ပါကစ္စတန်မှာ သက်တမ်းပြည့် တာ၀န်ထမ်းဆာင်ရတဲ့ ၀န်ကြီးချုပ် တစ်ဦးမှ မရှိခဲ့တဲ့ ခန်းကတော့ လွှတ်တော်မှာ အယုံအကြည်မရှိအဆို တင်သွင်း ဖြုတ်ချခံရတဲ့ ပထမဆုံး ၀န်ကြီးချုပ်အဖြစ် မှတ်တမ်း၀င်ပါတယ်။ 

ထောက်လှမ်းရေးအကြီးအကဲ ခန့်အပ်မှုမှာ စစ်တပ်နဲ့ ပြဿနာတက်တာ၊ နိုင်ငံရေး စီးပွားရေး အကြီးအကျယ် ကျဆင်းတာတွေက အင်မရန်းခန်း ရာထူးက ဖြုတ်ချခံရမှု အကြောင်းအရင်းတွေ ဖြစ်ပါတယ်။ 

Ref: Reuters