အစိုးရနှုတ်ထွက်ရန် ထိပ်တန်းသံဃာများ ဆန္ဒထုတ်ဖော်

ဧပြီ ၂၇၊ ၂၀၂၂

M-Media 

-တိုင်းပြည်ကို ကောင်းမွန်စွာ မစီမံနိုင်တဲ့ ဆင်ဟာလာအမျိုးသားရေး ၀ါဒီအစိုးရ နှုတ်ထွက်ဖို့အတွက် သီရိလင်္ကာ ထိပ်တန်းဘုန်းကြီးတွေ မနေ့က ဆန္ဒပြ တောင်းဆိုခဲ့ပါတယ်။ 

၁၉၄၈ လွတ်လပ်ရေးရပြီးနောက်ပိုင်း အဆိုးရွားဆုံး စီးပွားရေးအခက်အခဲကို ရင်ဆိုင်နေရတဲ့ သီရိလင်္ကာမှာ အစိုးရနှုတ်ထွက်ဖို့ တောင်းဆိုမှု မြင့်တက်လာတာပါ။ 

“တိုင်းပြည်းက တစ်ဖြည်းဖြည်း ကျရှုံးနိုင်ငံ ဖြစ်လာပြီ” လို့ ဆန္ဒပြမှုမှာ ပါ၀င်တဲ့ ဆရာတော် မီဒါဂါမာ ဓမ္မနန္ဒာက ပြောပါတယ်။ 

ကြားဖြတ်အစိုးရတစ်ရပ် ဖွဲ့စည်းပြီး တိုင်းပြည်ကို အခက်အခဲကနေ ဆွဲထုတ်ရေး ဆောင်ရွက်ဖို့ ထိပ်တန်းဘုန်းတော်ကြီးတွေက သမ္မတ ဂိုတာဘာယာ ရာဂျာပက်ဆာကို စာရေးသား တောင်းဆိုထားတယ်လို့လည်း ဆရာတော်က ဆိုပါတယ်။ 

တိုင်းပြည်ကို ရာဂျာပက်ဆာ မိသားစုက အုပ်စိုးထားတာဖြစ်ပြီး အစိုးရအဖွဲ့မှာ ဂိုတာဘာယာရဲ့ ညီတွေ၊ တူတွေက ၀န်ကြီးနေရာတွေ ရယူထားပါတယ်။ 

ပြီးခဲ့တဲ့နှစ်ပတ်အတွင်း သီရိလင်္ကာပြည်သူတွေဟာ ဂိုတာဘာယာအစိုးရ နှုတ်ထွက်ဖို့ ကျယ်ကျယ်လောင်လောင် တောင်းဆိုလာကြပါတယ်။

Ref: Reuters