မေ ၂၈၊ ၂၀၂၂
M-Media

-အစ္စရေးနဲ့ ဆက်သွယ်ဆောင်ရွက်မှုမှန်သမျှ ရာဇ၀တ်မှုမြောက်တယ်လို့ သတ်မှတ်တဲ့ ဥပေဒကို အီရတ်လွှတ်တော်က ကြာသာပတေးနေ့မှာ အတည်ပြုလိုက်ပါတယ်။

စီးပွားရေးအပါအ၀င် ဘယ်လိုဆက်သွယ်ဆောက်မှုမျိုးမဆို ရာဇ၀တ်မှုမြောက်မှာ ဖြစ်ပါတယ်။ လွှတ်တော်ရဲ့ ထုတ်ပြန်ချက်မှာ ဒီဥပဒေဟာ အီရတ်ပြည်သူတွေရဲ့ ဆန္ဒအစစ်အမှန်ကို ထင်ဟပ်နေတာဖြစ်တယ်လို့ ဖော်ပြထားပါတယ်။

ဥပဒေပြဌာန်းပြီးတဲ့နောက် မြို့တော်ဘဂ္ဂဒတ်မှာ အီရတ်ပြည်သူတွေ လမ်းပေါ်ထွက် အောင်ပွဲခံခဲ့ကြပါတယ်။

အီရတ်ဟာ ၁၉၄၈ ခုနှစ် ပါလက်စတိုင်းပိုင်နက်မှာ ပေါ်ပေါက်လာတဲ့ အစ္စရေးနိုင်ငံကို အသိအမှတ်မပြုဘဲတရား၀င် အဆက်အသွယ်လည်း မရှိပါဘူး။

အခု ဥပဒေကို ဘယ်လိုအကောင်အထည်ဖော်မလဲဆိုတာ တိတိကျကျ မသိရသေးဘဲ အီရတ်နိုင်ငံအတွင်း လုပ်ကိုင်နေတဲ့ နိုင်ငံတကာကုမ္ပဏီအပေါ် ထိခိုက်လာနိုင်ခြေရှိပါတယ်။

အီရတ်ရဲ့ အခုဆောင်ရွက်မှုကို အမေရိကန်နဲ့ အစ္စရေးကိုက ပြင်းပြင်းထန်ထန် ကန့်ကွက်ထားပါတယ်။

Ref: Reuters