မော်လမြိုင်တွင် ဆိပ်ကမ်းဆောက်ရန် စစ်ကောင်စီ ကြိုးပမ်းနေ

မေ ၃၀၊ ၂၀၂၂
M-Media

-မော်လမြိုင်မှာ နိုင်ငံတကာ ဆိပ်ကမ်းတစ်ခုဆောက်လုပ်ရေး ကနဦး လေ့လာဆန်းစစ်မှုတွေလုပ်ဖို့ စစ်ကောင်စီ ပို့ဆောင်ဆက်သွယ်ရေး ၀န်ကြီးဌာနက တင်ဒါခေါ်ထားပါတယ်။

မုဒုံမြို့နယ်က ညောင်၀ိုင်းရွာကနေ ၀ဲကလိရွာအထိ စီမံကိန်းဧရိယာ သတ်မှတ်ထားတာ ဖြစ်ပါတယ်။ စိတ်၀င်စားတဲ့ ကုမ္ပဏီတွေအနေနဲ့ ဇွန်လ ၉ ရက်နေ့ နောက်ဆုံးထားပြီး တင်ဒါတင်ရမယ်လို့ စစ်ကောင်စီက ထုတ်ပြန်တဲ့ ကြေငြာချက်မှာ ဖော်ပြထားပါတယ်။

ဒါဟာ မော်လမြိုင်မြို့ ဖွံ့ဖြိုးတိုးတက်ရေးအတွက် ရည်ရွယ်တယ်လို့ စစ်ကောင်စီက ဆိုပါတယ်။

စီမံကိန်း အကောင်အထည်ပေါ်လာရင် အရှေ့အလယ်ပိုင်းနဲ့ အာဖရိကတို့က စွမ်းအင်နဲ့ ကုန်ပစ္စည်းတွေ တင်သွင်းတာ၊ တင်ပို့တာတွေ လုပ်ဆောင်နိုင်မယ့် နိုင်ငံတကာ ကုန်တင်သင်္ဘောလမ်းကြောင်းနဲ့ ချိတ်ဆက်နိုင်ဖွယ် ရှိနေပါတယ်။

Ref: Xinhua