အလုပ်မရှိ အလုပ်ရှာရင်းက သမိုင်း၀င်ရတနာများ တွေ့ရှိခဲ့သည့် နော်၀ေအမျိုးသား

စက်တင်ဘာ ၁၆၊ ၂၀၂၃

M-Media 

-နော်၀ေနိုင်ငံက အမျိုးသားတစ်ဦးဟာ တောတောင်ထဲမှာ သတ္တုရှာဖွေစက်နဲ့ လျှောက်သွားနေရင်း နှစ် ၁၅၀၀ အရင်က ရတနာတွေကို တွေ့ရှိခဲ့ပါတယ်။ 

အသက် ၅၁ နှစ်အရွယ် အာလန် ဘိုရီဆိုတဲ့ အမျိုးသားဖြစ်ပြီး နိုင်ငံတောင်ပိုင်း Rennesoey ကျွန်းမှာ နေထိုင်သူဖြစ်ပါတယ်။ 

ကျန်းမာရေးကောင်းအောင် လှုပ်ရှားသွားလာမှု လုပ်ရမယ်ဆိုတဲ့ ဆရာ၀န်ရဲ့ အကြံပေးမှုကြောင့် ဘိုရီဟာ သတ္တုရှာဖွေစက်တစ်ခု ၀ယ်ယူပြီး ခြေဦးတည့်ရာ လျှောက်သွားနေခဲ့တာပါ။ 

သြဂုတ်လက တောတစ်ခုထဲ သွားရောက်ခဲ့ရာမှာ သူ့ရဲ့ သတ္တုရှာဖွေစက်ဟာ မြေထဲမှာ မြုပ်နေတဲ့ ရှေးဟောင်း ရတနာတွေကို တွေ့ခဲ့ပါတယ်။ 

ဘိုရီက ပထမတော့ ကလေးတွေစားတဲ့ ရွှေဒင်္ဂါးချောကလတ်တွေလို့ ထင်ခဲ့တာပါ။ ဒါပေမယ့် ၁၀၀ ဂရမ်လောက်ရှိတဲ့ ရတနာတွေ ဖြစ်နေပါတယ်။ 

လည်ဆွဲ ၉ ခု၊ လက်စွပ် ၃ ခုနဲ့ ရွှေနဲ့ငုံထားတဲ့ ပုလဲ ၁၀ လုံးတို့ဖြစ်ပြီး အေဒီ ၅၀၀ လောက်က ပစ္စည်းတွေ ဖြစ်ပါတယ်။ 

အင်မတန် လက်ရာမြောက်ပြီး အဲဒီခေတ်က အာဏာရှိအသိုင်းအ၀ိုင်းမှာသာ ၀တ်ဆင်တဲ့ ရတနာတွေလို့ ရှေးဟောင်းပညာရှင်တွေက ပြောပါယ်။ 

၁၉ ရာစုနောက်ပိုင်း နော်၀ေမှာ ဒီလိုသက်တမ်းရင့် ရှေးဟောင်းပစ္စည်းတွေကို တွေ့ရှိတာဟာ ဒါ ပထမဆုံးအကြိမ် ဖြစ်ပါတယ်။ 

ဥပဒေအရ ရတနာတွေဟာ နိုင်ငံတော်ပိုင်ဖြစ်ပြီး ရှေးဟောင်းပြတိုက်မှာ ထားရှိ ပြသထားမှာ ဖြစ်ပါတယ်။ 

Ref: AP