အစ္စရေး၏ တနင်္လာနေ့ လူသတ်ပွဲတွင် ဂါဇာ၌ လူ ၄၀၀ ကျော် သေဆုံး

အောက်တိုဘာ ၂၄၊ ၂၀၂၃

M-Media 

-အစ္စရေးဟာ ဂါဇာပြည်သူတွေအပေါ် လေကြောင်းကနေတိုက်ခိုက်မှု ဆက်လက်လုပ်ဆောင်နေပြီး တနင်္လာနေ့ တစ်နေ့တည်း လူ ၄၀၀ ကျော် သေဆုံးခဲ့ပါတယ်။ 

ဂါဇာတောင်ပိုင်း ခန်ယူနစ်မြို့က အလ်-ရှာတီ ဒုက္ခသည်စခန်းကို အဓိက ပစ်မှတ်ထား တိုက်ခိုက်ခဲ့တာဖြစ်ပါတယ်။ အလ်-ရှာတီ ဒုက္ခသည်စခန်းဟာ ၁၉၄၈ ခုနှစ် ဂျူးလက်နက်ကိုင်တွေ နယ်မြေလု သတ်ဖြတ်မောင်းထုတ်မှုကြောင့် အိုးအိမ်စွန့်ခွာ ထွက်ပြေးလာရတဲ့ ပါလက်စတိုင်းတွေ နေထိုင်ရာနေရာ ဖြစ်ပါတယ်။ 

လူဦးရေ ၉၀၁၀၀ လောက်ရှိပြီး၊ နေရာကျဥ်းကျဥ်းလေးထဲမှာ ပြွတ်သိပ် နေထိုင်နေရတာကြောင့် ကမ္ဘာ့ လူဦးရေ အထူထပ်ဆုံး နေရာတွေထဲကတစ်ခုလို့ သတ်မှတ်ခံထားရပါတယ်။ 

အစ္စရေးရဲ့ တိုက်ခိုက်မှုအတွင်း သေဆုံးသူ အများစုဟာ အမျိုးသမီးတွေနဲ့ ကလေးငယ်တွေ ဖြစ်ပါတယ်။ 

အောက်တိုဘာ ၇ ရက်နေ့ကတည်းက စတင်ပြီး ဂါဇာမှာ အစ္စရေးလက်ချက်ကြောင့် သေဆုံးတဲ့ ပါလက်စတိုင်း အရေအတွက်ဟာ ၅၀၈၇ ဦး ရှိပါပြီ။ ဒဏ်ရာရသူ အရေအတွက် ၁၄၀၀၀ ကျော် ဖြစ်ပါတယ်။ 

Ref: Aljazeera