အစ္စရေး၏ တိုက်ခိုက် သတ်ဖြတ်မှုများကြောင့် ဂါဇာရှိ အဓိက ဆေးရုံနှစ်ခု ရပ်တန့်

နို၀င်ဘာ ၁၃၊ ၂၀၂၃

M-Media  

-အစ္စရေးက ပိတ်ဆို့မှုတွေနဲ့ တိုက်ခိုက်သတ်ဖြတ်မှုတွေ ဆက်လက်လုပ်ဆောင်နေတာကြောင့် ဂါဇာကမ်းမြှောင်က အဓိက ဆေးရုံနှစ်ခုဟာ လုပ်ငန်းတွေကို ရပ်ဆိုင်းလိုက်ရပါတယ်။ 

အလ်ရှီဖာနဲ့ အလ်ကွဒ်စ်တို့ဖြစ်ပြီး ဂါဇာကမ်းမြှောင်က အကြီးဆုံး ဆေးရုံတွေပါ။ 

အစ္စရေးက ဂါဇာကမ်းမြှောင်ကို အစာဖြတ်၊ ရေဖြတ်၊ လောင်စာဖြတ်၊ မီးဖြတ်စနစ် လုပ်ဆောင်ထားတာကြောင့် ဆေးရုံတွေ မလည်ပတ်နိုင်တော့တာဖြစ်ပါတယ်။ 

ဆေးရုံကို တင့်ကားတွေ စနိုက်ပါတွေနဲ့ ၀ိုင်းထားပြီး တိုက်ခိုက်သတ်ဖြတ်မှုတွေကိုလည် အစ္စရေးက တိုးမြှင့် လုပ်ဆောင်နေပါတယ်။ 

ဆေးရုံက လူနာတွေ၊ ၀န်ထမ်းတွေနဲ့ စစ်ဘေးရှောင်တွေဟာ လျှပ်စစ်မီး၊ ရေနဲ့ ထွက်ပြေးနိုင်မယ့် လမ်းကြောင်းတွေ လိုအပ်နေတယ်လို့ အလ်ရှီဖာဆေးရုံက ဆရာ၀န် နီဒါလ် အဘူ ဟဒ်ရက်ဇ်က ပြောပါတယ်။ 

“ဒီလို အကြာကြီးဖြစ်နေလို့ မရပါဘူး။ ၀န်ထမ်းတွေနဲ့ လူနာတွေကို ချက်ခြင်းကယ်ထုတ်ဖို့ လိုအပ်ပါတယ်” 

အလ်ရှီဖာဆေးရုံကို အစ္စရေးက အဆက်မပြတ် တိုက်ခိုက်မှုတွေ လုပ်ဆောင်တာကြောင့် ပြီးခဲ့တဲ့ ၃ ရက်အတွင်း သူနာပြု ၃ ဦး သေဆုံးခဲ့ပါတယ်။ 

ဂါဇာမြောက်ပိုင်းက ကမာလ် အဒ်၀မ် ဆေးရုံလည်း မီးစက်နှိုးစရာ ဆီမရှိတော့တဲ့အတွက် လုပ်ငန်းတွေ ရပ်ဆိုင်းလိုက်ရပါတယ်။ 

ဂါဇာကမ်းမြှောင်မှာ ဆေးရုံ ၃၅ လုံးရှိပြီး အောက်တိုဘာ ၇ ရက်နေ့နောက်ပိုင်း အစ္စရေးရဲ့ တိုက်ခိုက်သတ်ဖြတ်မှုတွေကြောင့် ထက်၀က်ကျော်လောက် ပျက်ဆီးခဲ့ပါတယ်။ 

တစ်လကျော်အတွင်း ပါလက်စတိုင်းပြည်သူ ၁၁၀၇၈ ဦးကို အစ္စရေးက သတ်ဖြတ်ထားပြီး ထက်၀က်နီးပါးဟာ ကလေးငယ်တွေ ဖြစ်ပါတယ်။ 

Ref: Aljazeera