တောင်ကိုရီးယား အတိုက်အခံခေါင်းဆောင် ဓားထိုးခံရ

ဇန်န၀ါရီ ၂၊ ၂၀၂၃

M-Media 

-တောင်ကိုရီးယားနိုင်ငံက အတိုက်အခံပါတီ ခေါင်းဆောင် လီဂျေမြုံဟာ ဘူဆန်က သတင်းစာ ရှင်းလင်းပွဲတစ်ခုမှာ လည်ပင်းကို ဓားနဲ့ အထိုးခံခဲ့ရပါတယ်။ 

လီဟာ ၂၀၂၂ ခုနှစ် သမ္မတရွေးကောက်ပွဲမှာ လက်ရှိသမ္မတကို ပွတ်ကာသီကာ ရှုံးနိမ့်ခဲ့သူ ဖြစ်ပါတယ်။ 

အသက် ၆၆ နှစ်အရွယ်ရှိပြီး ကိုရီးယား ဒီမိုကရက်တစ်ပါတီ ခေါင်းဆောင်ပါ။ ဘူဆန်မြို့က ဆောက်လုပ်ရေး လုပ်ငန်းခွင်တစ်ခုကို သွားရောက်ကြည့်ရှုပြီး သတင်းထောက်တွေနဲ့ တွေ့ဆုံစဥ်မှာ တိုက်ခိုက်ခံလိုက်ရတာဖြစ်ပါတယ်။ 

တိုက်ခိုက်သူက လက်မှတ်ထိုးခိုင်းဖို့ ပုံစံနဲ့ အနားကပ်ကာ ဓားနဲ့ထိုးခဲ့တာပါ။ လည်ပင်းမှာ ၁ စင်တီမီတာလောက် ပြတ်ရှဒဏ်ရာ ရခဲ့ပြီး တိုက်ခိုက်သူက သေအောင်သတ်ဖို့ ရည်ရွယ်ခဲ့တာလို့ ပြည်တွင်းမီဒီယာတွေက ဖော်ပြပါတယ်။ တိုက်ခိုက်မှုနောက်ကွယ်က အကြောင်းအရင်းကို တိတိကျကျ မသိရသေးပါဘူး။ 

လက်ရှိမှာတော့ အရေးပေါ်ဌာနမှာ ကုသမှုခံနေရပြီး အသက်အန္တရာယ်စိုးရိမ်စရာမရှိဘူးလို့ ကျန်းမာရေး တာ၀န်ရှိသူတွေက ထုတ်ပြန်ပါတယ်။ 

တိုက်ခိုက်မှုကို လက်ရှိသမ္မတ ယွန်ဆွတ်ယို အပါအ၀င် တောင်ကိုရီးယား နိုင်ငံရေးအသိုင်းအ၀ိုင်းက ဒီတိုက်ခိုက်မှုကို ရှုတ်ချခဲ့ပါတယ်။ 

Ref: BBC