မြန်မာစစ်ရှောင်များအတွက် ဘေးကင်းဇုန်တစ်ခုကို ထိုင်းနိုင်ငံက ဖန်တီးပေးမည်

ဖေဖော်၀ါရီ ၇၊ ၂၀၂၄
M-Media 

-မြန်မာနိုင်ငံကနေ ထွက်ပြေးလာရသူတွေအတွက် လူသားချင်း စာနာထောက်ထားမှုဆိုင်ရာ ဘေးကင်းဇုန်တစ်ခု ဖန်တီးပေးဖို့ ထိုင်းနိုင်ငံက စီစဥ်နေပါတယ်။ 

မဲဆောက်-မြ၀တီ နယ်စပ်မှာ အခုလနှောင်းပိုင်းက စတင်ပြီး ဆောင်ရွက်သွားမှာပါ။ 

နယ်စပ်မှာရှိနေတဲ့ လူ့အဖွဲ့အစည်းတွေ၊ တိုက်ပွဲတွေကြောင့် မြန်မာနိုင်ငံကနေ ထွက်ပြေးလာရတဲ့ စစ်ရှောင်ဦးရေ ၂ သောင်းလောက်ကို အစားအစာနဲ့ ကျန်းမာရေးဆိုင်ရာ အထောက်အပံ့တွေပေးအပ်ဖို့လည်း ရည်ရွယ်ပါတယ်။ 

အာဆီယံ နိုင်ငံခြားရေး၀န်ကြီးများအဖွဲ့ မြန်မာနိုင်ငံဆိုင်ရာ အာဆီယံ အထူးကိုယ်စားလှယ် လူအန် ပရာဘန်တို့ရဲ့ အကြံပြုချက်နဲ့ အခု ဘေးကင်းဇုန်ကို ဖော်ဆောင်မှာဖြစ်ပါတယ်။ 

အာဆီယံ လူသားချင်း စာနာထောက်ထားမှုဆိုင်ရာ အေဂျင်စီရဲ့ ဦးစီးမှုနဲ့အတူ ထိုင်း၊ မြန်မာ ကြက်ခြေနီအဖွဲ့တွေက အကူအညီတွေ ပေးအပ်မှာပါ။ 

ဘေးကင်းဇုန်ရဲ့ ရည်ရွယ်ချက်ထဲမှာ အကူအညီတွေ ထောက်ပံ့ပေးမှုအပြင်၊ နောက်ပိုင်း ပဋိပက္ခအတွင်း ပါ၀င်ပတ်သက်သူတွေအကြား ဆွေးနွေးညှိနှိုင်းမှုတွေ လုပ်ဆောင်ဖို့အထိ ပါ၀င်ပါတယ်။ 

 Ref : The Star